Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_right'10 മാസം കളിക്കാതെ...

'10 മാസം കളിക്കാതെ ഐ.പി.എല്ലിനിറങ്ങിയാൽ ഇതാകും ഫലം'- ധോണിക്ക് ​ഉപദേശവുമായി കപിൽ

text_fields
bookmark_border
10 മാസം കളിക്കാതെ ഐ.പി.എല്ലിനിറങ്ങിയാൽ ഇതാകും ഫലം- ധോണിക്ക് ​ഉപദേശവുമായി കപിൽ
cancel

ന്യൂഡൽഹി: ഇന്ത്യൻ ക്രിക്കറ്റി​െൻറയും 'തല' എം.എസ്​. ധോണിയുടെയും ആരാധകർ ഉറ്റുനോക്കിയ ഇന്ത്യൻ പ്രീമിയർ ലീഗായിരുന്നു ഇക്കുറി. 13ാം ​സീസൺ ആരംഭിക്കാൻ ഒരുമാസം മാത്രം ബാക്കി നിൽക്കേ അന്താരാഷ്​ട്ര ക്രിക്കറ്റിൽ നിന്ന്​ അപ്രതീക്ഷിതമായി ധോണി വിടവാങ്ങിയതിനാൽ ഒരുവർഷമായി കളിക്കളത്തിൽ കാണാതിരുന്ന താരത്തെ വീണ്ടും കാണാനായി ആരാധകർ കണ്ണിൽ എണ്ണയൊഴിച്ച്​ കാത്തിരുന്നു.

എന്നാൽ ധോണിയും ചെന്നൈ സ​ൂപ്പർ കിങ്​സും മറക്കാൻ ആഗ്രഹിക്കുന്ന സീസണാണ്​ കൊടി ഇറങ്ങുന്നത്​. ചരിത്രത്തിൽ ആദ്യമായി ​ചെന്നൈ പ്ലേഓഫിന്​ യോഗ്യതനേടാതെ പോയതിനൊപ്പം പ്രിയ താരം ധോണി ബാറ്റിങ്ങിൽ ഫോം ഒൗട്ടായതും ആരാധകർക്ക്​ ഇരട്ട പ്രഹരമായി. 14 മത്സരങ്ങളിൽ നിന്ന്​ 26 ശരാശരിയിൽ 200 റൺസ്​ മാത്രമാണ്​ ധോണിക്ക്​ സ്​കോർ ചെയ്യനായത്​. സ്​​ൈട്രക്ക്​റേറ്റ്​ 116. എന്നിരുന്നാലും സീസണിലെ അവസാന മത്സരത്തിനിടെ ഇത്​ ത​െൻറ അവസാന ഐ.പി.എൽ സീസണായിരിക്കി​െല്ലന്ന്​ താരം അഭിപ്രായപ്പെട്ടിരുന്നു.

എന്നാൽ മതിയായ പരിശീലനമില്ലാതെ ഐ.പി.എല്ലിൽ തിളങ്ങാൻ സാധിക്കില്ലെന്ന്​ ധോണിയെ ഓർമിപ്പിക്കുകയാണ്​ ഇന്ത്യൻ ക്രിക്കറ്റ്​ ഇതിഹാസം കപിൽ ദേവ്​. ഫോം വീണ്ടെടുക്കാനായി ആഭ്യന്തര ക്രിക്കറ്റിൽ വീണ്ടും സജീവമാകാനാണ്​ കപിൽ ധോണിക്ക്​ നൽകുന്ന ഉപദേശം.

'എല്ലാ വർഷവും ഐ.പി.എല്ലിൽ മാത്രം കളിക്കാൻ ധോണി തീരുമാനിച്ചാൽ മികച്ച പ്രകടനം പുറത്തെടുക്കാൻ അദ്ദേഹത്തിന് ​ബുദ്ധിമുട്ടായിരിക്കും. വയസിനെ കുറിച്ച്​ സംസാരിക്കുന്നത്​ നല്ലതല്ലെന്ന്​ അറിയാം. എന്നാൽ ഈ വയസിൽ (39 വയസ്​) എത്ര കൂടുതൽ കളിക്കുന്നോ അത്രയും നന്നായി നമുക്ക്​ ശരീര​ത്തെ പാകപ്പെടുത്തിയെടുക്കാനാകും'- കപിൽ പറഞ്ഞു.

'വർഷത്തിലെ 10 മാസം ക്രിക്കറ്റ്​ കളിക്കാതെ പെ​ട്ടെന്ന്​ ഐ.പി.എല്ലിനിറങ്ങിയാൽ എന്ത്​ സംഭവിക്കുമെന്ന്​ നമുക്ക്​ കാണാനാകും. കൂടുതൽ കളിച്ചാൽ അത് ​കളിക്കളത്തിൽ പ്രകടമാകും. ഇതാണ്​ ക്രിസ്​ ഗെയ്​ലിനെപ്പോലുള്ളവരിൽ കാണാനാകുന്നത്​. ധോണി ഫസ്​റ്റ്​ ക്ലാസ്​, ലിസ്​റ്റ്​ 'എ' മത്സരങ്ങളിലേക്ക്​ തിരികെപോകണം.' -കപിൽ കൂട്ടിച്ചേർത്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kapil devMS DhoniIPL 2020
News Summary - If only play IPL it will be impossible to perform well Kapil Dev to ms dhoni
Next Story