Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_right2028 ലോസ്​ ആഞ്ചലസ്​...

2028 ലോസ്​ ആഞ്ചലസ്​ ഒളിമ്പിക്​സിൽ ക്രിക്കറ്റും!; നീക്കം ശക്​തമാക്കി ഐ.സി.സി

text_fields
bookmark_border
cricket
cancel

ദുബൈ: ലോകത്ത്​ ഏറ്റവും പ്രചാരമുള്ള കായിക വിനോദങ്ങളിൽ ഒന്നാണെങ്കിലും ഒളിമ്പിക്​സ്​ ഇനമല്ലെന്ന ചീത്തപ്പേര്​ പേറുകയാണ്​ ക്രിക്കറ്റ്​ ഇപ്പോഴും. ടോക്യോ ഒളിമ്പിക്​സിന്​ തിരശ്ശീല വീണതിന്​ പിന്നാലെ ഒളിമ്പിക്​സിലേക്ക്​ ക്രിക്കറ്റിനെ മടക്കി കൊണ്ടു വരാനുള്ള ശ്രമങ്ങൾ ഉൗർജിതമാക്കിയിരിക്കുകയാണ്​ രാജ്യാന്തര ക്രിക്കറ്റ്​ കൗൺസിൽ (ഐ.സി.സി). 2028ൽ ലോസ്​ ആഞ്ചലസിൽ നടക്കാൻ പോകുന്ന ഒളിമ്പിക്​സിൽ ഒരു ഇനമാക്കി ക്രിക്കറ്റിനെ മാറ്റാൻ ​െഎ.സി.സി അപേക്ഷ നൽകി.

30 ദശലക്ഷത്തിലേറെ വരുന്ന ക്രിക്കറ്റ്​ ആരാധകർ വസിക്കുന്ന ​അമേരിക്കയാണ്​​​ ​ഒളിമ്പിക്​സിലേക്കുള്ള ക്രിക്കറ്റിന്‍റെ മടങ്ങിവരവിന്​ ആതിഥേയത്വം വഹിക്കാൻ പറ്റിയ മണ്ണ്​. 1900ത്തിൽ പാരീസിൽ വെച്ച്​ നടന്ന ഒളിമ്പിക്​സിൽ മാത്രമാണ്​ ക്രിക്കറ്റ്​ ഒരു ഇനമായിരുന്നത്​. ബ്രിട്ടനും ആതിഥേയരായ ഫ്രാൻസും മാത്രമായിരുന്നു അന്ന്​ മാറ്റുരച്ചത്​. 128 വർഷങ്ങൾക്ക്​ ശേഷം 2028ൽ ക്രിക്കറ്റ്​ വീണ്ടും ഒരു ഒളിമ്പിക്​ ഇനമാകുമെന്നാണ്​ ഓരോ ആരാധകനും പ്രതീക്ഷിക്കുന്നത്​.

അടുത്ത വർഷം ബിർമിങ്​ഹാമിൽ നടക്കാൻ പോകുന്ന കേമൺവെൽത്ത്​ ഗെയിംസിൽ വനിത ക്രിക്കറ്റ്​ ഒരു മത്സരയിനമാണ്​​. ഇത്​ ഒളിമ്പിക്​സിലേക്കുള്ള വരവിന്​ പാതയൊരുക്കുമെന്നാണ്​ ഐ.സി.സിയുടെ പ്രതീക്ഷ.

'ലോകത്താകമാനം 100 കോടിയിലധികം ക്രിക്കറ്റ്​ ആരാധകരുണ്ട്​. അവരെല്ലാം ക്രിക്കറ്റ്​ ഒളിമ്പിക്​സ്​ ഇനമായി കാണാൻ ആഗ്രഹിക്കുന്നു. ഒളിമ്പിക്​സിൽ ക്രിക്കറ്റ്​ ഉൾപെടുത്തുന്നത്​ കളിക്കും ഗെയിംസിനും ഗുണകരമാകും'​- ഐ.സി.സിയുടെ ഗ്രെഗ്​ ബെയ്​ലി അഭിപ്രായപ്പെട്ടു.

എന്നാൽ ക്രിക്കറ്റിന്‍റെ ഏത്​ ഫോർമാറ്റാണ്​ ഒളിമ്പിക്​സിൽ ഉൾ​െപടുത്താൻ പോകു​കയെന്ന കാര്യത്തിൽ ഐ.സി.സി വ്യക്തത വരുത്തിയിട്ടില്ല. ട്വന്‍റി20യാണോ അതോ അടുത്തിടെ ഇംഗ്ലണ്ടിൽ ആരംഭിച്ച 100 പന്തുകളുടെ മത്സരമാണോ എന്ന കാര്യത്തിൽ വൈകാതെ തീരുമാനമുണ്ടാകും. യു.എസ്​ ക്രിക്കറ്റ്​ ബോർഡ്​ തലവൻ പരാഗ്​ മറാത്തെയാണ്​ ലോസ്​ ആ​ഞ്ചലസിൽ ക്രിക്കറ്റ്​ ഉൾപെടുത്താനുള്ള നീക്കങ്ങൾക്ക്​ ചുക്കാൻ പിടിക്കുന്നത്​. 1996ന്​ ശേഷം ആദ്യമായാണ്​ അമേരിക്ക ഒളിമ്പിക്​സിന്​ ആതിഥേയത്വം വഹിക്കാൻ പോകുന്നത്​.

Show Full Article
TAGS:icc Los Angeles Olympics 2028 cricket 
News Summary - ICC to push for cricket’s inclusion in Los Angeles Olympics 2028
Next Story