പാ​കി​സ്താ​ന്റെ ആ​വ​ശ്യ​ങ്ങ​ളെ​ല്ലാം നി​ര​സി​ച്ചു; വീ​ണ്ടും പ്ര​തി​സ​ന്ധി

ന്യൂ​ഡ​ൽ​ഹി/​ക​റാ​ച്ചി: ഏ​ക​ദി​ന ലോ​ക​ക​പ്പി​ൽ പ​ങ്കെ​ടു​ക്കു​ന്ന​തി​ന് പാ​കി​സ്താ​ൻ മു​ന്നോ​ട്ടു​വെ​ച്ച ഉ​പാ​ധി​ക​ളെ​ല്ലാം നി​ര​സി​ച്ച് അ​ന്താ​രാ​ഷ്ട്ര ക്രി​ക്ക​റ്റ് കൗ​ൺ​സി​ൽ. സെ​മി ഫൈ​ന​ൽ, ഫൈ​ന​ൽ അ​ല്ലാ​ത്ത ഘ​ട്ട​ങ്ങ​ളി​ൽ അ​ഹ്മ​ദാ​ബാ​ദി​ലെ ന​രേ​ന്ദ്ര മോ​ദി സ്റ്റേ​ഡി​യ​ത്തി​ൽ ക​ളി​ക്കു​ന്ന​തി​നോ​ട് പാ​കി​സ്താ​ൻ ക്രി​ക്ക​റ്റ് ബോ​ർ​ഡ് തു​ട​ക്ക​ത്തി​ൽ എ​തി​ർ​പ്പ് പ്ര​ക​ടി​പ്പി​ച്ചി​രു​ന്നു.

സു​ര​ക്ഷ കാ​ര​ണ​ങ്ങ​ളാ​ലാ​യി​രു​ന്നു ഇ​ത്. മും​ബൈ​യി​ൽ ക​ളി​ക്കു​ന്ന​തി​ലും പാ​കി​സ്താ​ന് താ​ൽ​പ​ര്യ​മു​ണ്ടാ​യി​രു​ന്നി​ല്ല. മും​ബൈ​യി​ൽ പ്രാ​ഥ​മി​ക റൗ​ണ്ടി​ൽ മ​ത്സ​ര​ങ്ങ​ളി​ല്ലെ​ങ്കി​ലും അ​ഹ്മ​ദാ​ബാ​ദി​ൽ ഇ​വ​ർ ഇ​ന്ത്യ​യെ നേ​രി​ടു​ന്നു​ണ്ട്. സെ​മി ഫൈ​ന​ൽ പ​ക്ഷേ, മും​ബൈ​യി​ലാ​ണ്. ഈ ​ര​ണ്ടു വേ​ദി​ക​ളു​ടെ കാ​ര്യ​ത്തി​ൽ പാ​ക് സ​ർ​ക്കാ​റി​ന്റെ അ​നു​മ​തി വേ​ണ്ട​തു​ണ്ടെ​ന്നാ​ണ് പി.​സി.​ബി നി​ല​പാ​ട്. ഹൈ​ദ​രാ​ബാ​ദ്, ചെ​ന്നൈ, കൊ​ൽ​ക്ക​ത്ത, ബം​ഗ​ളൂ​രു എ​ന്നി​വി​ട​ങ്ങ​ളി​ൽ ര​ണ്ടു വീ​തം മ​ത്സ​ര​ങ്ങ​ൾ ക​ളി​ക്കും പാ​കി​സ്താ​ൻ.

ഒ​ക്ടോ​ബ​ർ 20ന് ​ബം​ഗ​ളൂ​രു​വി​ൽ ആ​സ്ട്രേ​ലി​യ​യും 23ന് ​ചെ​ന്നൈ​യി​ൽ അ​ഫ്ഗാ​നി​സ്താ​നു​മാ​ണ് എ​തി​രാ​ളി​ക​ൾ. ഈ ​ര​ണ്ടു വേ​ദി​ക​ളും പ​ര​സ്പ​രം മാ​റ്റ​ണ​മെ​ന്ന പി.​സി.​ബി ആ​വ​ശ്യ​വും നി​രാ​ക​രി​ക്ക​പ്പെ​ട്ടു.

സ്പി​ന്ന​ർ​മാ​രെ അ​ക​മ​ഴി​ഞ്ഞ് സ​ഹാ​യി​ക്കു​ന്ന ചെ​ന്നൈ പി​ച്ചി​ൽ അ​ഫ്ഗാ​നെ നേ​രി​ടു​ക പ്ര​യാ​സ​മാ​ണെ​ന്ന വി​ല​യി​രു​ത്ത​ലി​ലാ​ണ് പി.​സി.​ബി വേ​ദി​മാ​റ്റ അ​ഭ്യ​ർ​ഥ​ന​യു​മാ​യി രം​ഗ​ത്തെ​ത്തി​യ​ത്. ലോ​ക​ക​പ്പ് ക​ളി​ക്കു​ന്ന​തി​ന് ഇ​ന്ത്യ​യി​ൽ പോ​കു​ന്ന​തി​നു​പോ​ലും ഇ​തു​വ​രെ പാ​ക് സ​ർ​ക്കാ​റി​ന്റെ അ​നു​മ​തി ല​ഭി​ച്ചി​ട്ടി​ല്ലെ​ന്നും പി.​സി.​ബി വൃ​ത്ത​ങ്ങ​ൾ വ്യ​ക്ത​മാ​ക്കി. അ​തേ​സ​മ​യം, പാ​കി​സ്താ​ൻ ലോ​ക​ക​പ്പ് ക​ളി​ക്കു​മെ​ന്ന് ഐ.​സി.​സി അ​ധി​കൃ​ത​ർ ആ​ത്മ​വി​ശ്വാ​സം പ്ര​ക​ടി​പ്പി​ച്ചു.

ഏ​ഷ്യ ക​പ്പി​ന് പാ​കി​സ്താ​നി​ൽ പോ​കി​ല്ലെ​ന്ന് ഇ​ന്ത്യ അ​റി​യി​ച്ചി​രു​ന്നു. ഇ​തോ​ടെ, തി​രി​ച്ച് ലോ​ക​ക​പ്പി​ന് ഇ​ന്ത്യ​യി​ലേ​ക്കി​ല്ലെ​ന്ന് പി.​സി.​ബി​യും നി​ല​പാ​ടെ​ടു​ത്തെ​ങ്കി​ലും പി​ന്നീ​ട് അ​യ​ഞ്ഞു. ഏ​ഷ്യ ക​പ്പ് വേ​ദി പാ​കി​സ്താ​നി​ൽ​നി​ന്ന് മാ​റ്റാ​തെ​യാ​ണ് ഏ​ഷ്യ​ൻ ക്രി​ക്ക​റ്റ് കൗ​ൺ​സി​ൽ പ്ര​ശ്ന​ത്തി​ന് പ​രി​ഹാ​രം ക​ണ്ട​ത്. ഇ​ന്ത്യ​യു​ടെ മ​ത്സ​ര​ങ്ങ​ൾ ശ്രീ​ല​ങ്ക​യി​ലാ​ണ് ന​ട​ക്കു​ക.