ഇനി, ലോർഡ്​ ഇയാൻ ബോതം

ലണ്ടൻ: മുൻ ഇംഗ്ലണ്ട്​ ക്യാപ്​റ്റനും ഇതിഹാസ താരവുമായ ഇയാൻ ബോതമിന്​ ബ്രിട്ടീഷ്​ പാർലമെൻറി​െൻറ പ്രഭുസഭയിൽ അംഗത്വം. സഭയിലേക്ക്​ ബ്രിട്ടീഷ്​ സർക്കാർ നേരിട്ട്​ തെരഞ്ഞെടുത്ത 36 പേരിൽ ഒരാളായാണ്​ ബോതമും ഇട​ം നേടിയത്​. 1977- 1992 കാലയളവിൽ ഇംഗ്ലണ്ടിനായി 102ടെസ്​റ്റും, 116 ഏകദിനവും കളിച്ച ബോതമിനെ ക്രിക്കറ്റ്​ ചരിത്രത്തിലെ ഏറ്റവും മികച്ച ഒാൾറൗണ്ടറായാണ്​ വിശേഷിപ്പിക്കുന്നത്​. രാജ്യാന്തര ക്രിക്കറ്റിനോട്​ വിടപറഞ്ഞ ശേഷം സാമൂഹിക പ്രവർത്തനങ്ങളിൽ നിറസ്സാന്നിധ്യമായി. ക്രിക്കറ്റിനും സമൂഹത്തിനും നൽകിയ സംഭാവനകൾ പരിഗണിച്ച്​ 2007ൽ 'സർ' പദവിയിൽ നൈറ്റ്​ ഹുഡ്​ പുരസ്​കാരം നൽകിയിരുന്നു. 2009ൽ​ ​െഎ.സി.സിയുടെ ക്രിക്കറ്റ്​ ഹാൾ ഒാഫ്​ ഫെയിമിലും ഇടം നേടി.

2011ന്​ ശേഷം ബ്രിട്ടീഷ്​ പ്രഭുസഭയിൽ ഇടം ലഭിക്കുന്ന ആദ്യ ക്രിക്കറ്ററാണ്​ ബോതം. ഡേവിഡ്​ ഷെപ്പേഡ്​, കോളിൻ കൗഡ്രി, ലിയറി കോൺസ്​റ്റ​ൻറയ്​ൻ, വനിതാ ടീം ക്യാപ്​റ്റനായിരുന്ന റേച്ചൽ ഹെയ്​ഒാ എന്നിവർ നേരത്തേ അംഗങ്ങളായിരുന്നു. 1981ലെ ആഷസ്​ പരമ്പരയിൽ ഇംഗ്ലണ്ടിന്​ വിജയം ​സമ്മാനിച്ച പ്രകടനമായിരുന്നു അദ്ദേഹത്തി​െൻറ കരിയറിലെ ഏറ്റവും തിളക്കമേറിയത്​. ആറ്​ ടെസ്​റ്റുകളടങ്ങിയ പരമ്പര ഇംഗ്ലണ്ട്​ 3-1ന്​ ജയിച്ചപ്പോൾ 34 വിക്കറ്റും രണ്ട്​ സെഞ്ച്വറിയുമായി ബോതം പരമ്പരയുടെ താരമായി. വിരമിച്ച ശേഷം, കമൻററിബോക്​സിലെ സാന്നിധ്യത്തിനൊപ്പം അർബുദത്തിനെതിരായ പോരാട്ടത്തിലും, പക്ഷി സംരക്ഷണ പ്രവർത്തനങ്ങളിലുമായി അദ്ദേഹം സജീവമായുണ്ട്​.