കോവിഡ്​; വേദനയോടെ അശ്വിൻ പറയുന്നു 'ആവശ്യമുള്ളവർക്ക്​ എന്നാൽ കഴിയുന്ന സഹായമെത്തിക്കുമെന്ന്​ ഉറപ്പ്​ നൽകുന്നു'

ന്യൂഡൽഹി: കോവിഡ്​ മൂലമുള്ള കടുത്ത പ്രതിസന്ധി നേരിടുന്നവരെ സഹായിക്കാൻ തനിക്ക് കഴിയുന്നതെല്ലാം ചെയ്യുമെന്ന് ഇന്ത്യയുടെ ഒാഫ്​ സ്​പിന്നർ രവിചന്ദ്രൻ അശ്വിൻ. രാജ്യത്തെ തകർത്തുകൊണ്ടിരിക്കുന്ന കോവിഡി​െൻറ രണ്ടാം തരംഗം മൂലമുണ്ടായ മരണങ്ങളും നാശനഷ്​ടങ്ങളും കാണു​േമ്പാൾ ഹൃദയം തകരുകയാണെന്നും താരം ട്വിറ്ററിലൂടെ അറിയിച്ചു.

എ​െൻറ രാജ്യത്ത്​ എന്താണ്​ സംഭവിക്കുന്നതെന്ന്​ കാണു​േമ്പാൾ ഹൃദയം തകരുകയാണ്​. ഇൗ സാഹചര്യത്തിൽ ആരോഗ്യ സംരക്ഷണ മേഖലയിൽ പ്രവർത്തിക്കുന്ന ഓരോരുത്തരോടും എ​െൻറ ആത്മാർത്ഥമായ നന്ദിയറിയിക്കുന്നു. അതോടൊപ്പം, ജാഗ്രത പാലിക്കാനും സുരക്ഷിതരായിരിക്കാനും ഓരോ ഇന്ത്യക്കാരനോടും ആത്മാർത്ഥമായി അഭ്യർത്ഥിക്കാനും ഞാൻ ആഗ്രഹിക്കുന്നു. -അശ്വിൻ ട്വിറ്റർ പോസ്റ്റിൽ പറഞ്ഞു.

മറ്റുള്ളവരേക്കാൾ എനിക്കുള്ള അനുഗ്രഹങ്ങൾ ചൂണ്ടിക്കാട്ടി എ​െൻറ ട്വീറ്റിന്​ പ്രതികരണങ്ങൾ വരുമെന്നറിയാം. എന്നാൽ, ഇത് ആരെയും വെറുതെ വിടാത്ത ഒരു വൈറസാണെന്നും ഞാനും അതിനെതിരെ എല്ലാവർക്കുമൊപ്പം പോരാട്ടത്തിലാണെന്നും പറയാൻ ആഗ്രഹിക്കുന്നു. സഹായങ്ങൾ എന്ത്​ വേണമെങ്കിലും എന്നെ അറിയിക്കുക. എന്നാൽ, കഴിയുന്ന സഹായങ്ങൾ ചെയ്യുമെന്ന്​ ഞാൻ ഉറപ്പുനൽകുന്നു. -അശ്വിൻ മറ്റൊരു ട്വീറ്റിൽ പറഞ്ഞു.

Heart breaking to see what's happening around my country! I am not in the healthcare fraternity, but my sincere gratitude to each of them. I would also like to make an earnest appeal to every Indian to exercise caution and stay safe.

— Stay home stay safe! Take your vaccine🇮🇳 (@ashwinravi99) April 23, 2021

രാജ്യത്ത്​ പ്രതിദിന കോവിഡ്​ കേസുകളുടെ എണ്ണത്തിൽ റെക്കോർഡ്​ സൃഷ്​ടിച്ചുകൊണ്ട്​ 3.32 ലക്ഷം പുതിയ കേസുകളാണ്​ വെള്ളിയാഴ്​ച്ച റിപ്പോർട്ട്​ ചെയ്​തത്​. അതോടെ രാജ്യത്തെ ആകെ കോവിഡ്​ കേസുകൾ 1.62 കോടിയിലധികമായി വർധിച്ചു. ആക്​ടീവ്​ കേസുകൾ 24 ലക്ഷവുമായി. 2,263 പേർ കൂടി മരിച്ചതോടെ ആകെ കോവിഡ്​ മരണങ്ങൾ 1,86,920 ആയി.