Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightഡൽഹിയെ വാർണറും സാഹയും...

ഡൽഹിയെ വാർണറും സാഹയും വലിച്ചുകീറി, പിന്നെ റാഷിദ്​ ഖാൻ വന്ന്​ ചുമരിലൊട്ടിച്ചു

text_fields
bookmark_border
ഡൽഹിയെ വാർണറും സാഹയും വലിച്ചുകീറി, പിന്നെ റാഷിദ്​ ഖാൻ വന്ന്​ ചുമരിലൊട്ടിച്ചു
cancel

ദുബൈ: ടോസ്​ നേടി ഹൈദരാബാദിനെ ബാറ്റിങ്ങിനയച്ച ഡൽഹി കാപ്പിറ്റൽസ്​ നായകൻ ശ്രേയസ്​ അയ്യർ ചെയ്​ത മണ്ടത്തരമോർത്ത്​ തലയിൽ കൈവെച്ചിരിക്കണം. 219 റൺസി​െൻറ കൂറ്റൻ വിജയലക്ഷ്യം ഉയർത്തിയ സൺറൈസേഴ്​സ്​ ഹൈദരാബാദിനോട്​​ 88 റൺസി​െൻറ കനത്ത പരാജയം ഏറ്റുവാങ്ങാനായിരുന്നു ഡൽഹിയുടെ വിധി. ഡേവിഡ്​ വാർണറും വൃദ്ധിമാൻ സാഹയും ബാറ്റിങ്ങിൽ വലിച്ചുകീറിയ ഡൽഹിയെ റാഷിദ്​ ഖാൻ ബൗളിങ്ങിൽ തേച്ചൊട്ടിക്കുകയായിരുന്നു.


വിജയം അനിവാര്യമായ മത്സരത്തിൽ പത്തരമാറ്റോടെയാണ്​ സൺറൈസേഴ്​സ്​ ഹൈദരാബാദ്​ ഉദിച്ചുയർന്നത്​. 34 പന്തുകളിൽ നിന്നും 66 റൺസെടുത്ത വാർണറും 45 പന്തുകളിൽ 87 റൺസെടുത്ത സാഹയും ചേർന്ന്​ ഡൽഹിയെ ക്രൂരമായി മർദിച്ചു. അവസാന ഓവറുകളിൽ മനീഷ്​ പാണ്ഡേക്കും കെയ്​ൻ വില്യംസണും വമ്പനടികൾക്ക്​ കഴിയാതിരുന്നതാണ്​ ഹൈദരാബാദി​െൻറ സ്​കോർ 219ലൊതുക്കിയത്​. പാണ്ഡേ 44 റൺസെടുത്തു. ടൂർണമെൻറിലെ വിക്കറ്​ വേട്ടക്കാരിൽ മുമ്പനും ഡൽഹിയുടെ കുന്തമുനയുമായ കാഗിസോ റബാദ വിക്കറ്റൊന്നും ലഭിക്കാതെ നാലോവറിൽ 54 റൺസാണ്​ വഴങ്ങിയത്​.

വമ്പൻ വിജയലക്ഷ്യത്തിലേക്ക്​ ബാറ്റുവീശിയ ഡൽഹിയുടെ വിധി ആദ്യ ഓവറിലേ തീരുമാനമായിരുന്നു. ഫോമിലുള്ള ശിഖർധവാൻ ഗോൾഡൻ ഡക്കായി പുറത്ത്​. ആജിൻക്യ രഹാനെ (26), മാർകസ്​ സ്​റ്റോയ്​നിസ് (5)​, ഹെറ്റ്​മെയർ (16), റിഷഭ്​ പന്ത് (36), ശ്രേയസ്​ അയ്യർ (7), അക്​സർ പ​ട്ടേൽ (1) തുടങ്ങിയവരും പിന്നാലെ ഘോഷയാത്ര തുടങ്ങി. നാലോവറിൽ ഏഴ്​ റൺസ്​ മാത്രം വഴങ്ങി മൂന്ന്​ വിക്കറ്റെടുത്ത റാഷിദ്​ ഖാൻ ട്വൻറി 20യിലെ ഏറ്റവും മികച്ച സ്​പിന്നർ താനാണെന്ന്​ ഒരിക്കൽ കൂടി തെളിയിച്ചു.


വമ്പൻ തോൽവിയോടെ റൺറേറ്റ്​ കുറഞ്ഞ് 14 പോയൻറുമായി​ ഡൽഹി മൂന്നാംസ്ഥാനത്തേക്കിറങ്ങിയപ്പോൾ വൻ ജയത്തോടെ ഹൈദരാബാദ്​ ആറാം സ്ഥാനത്തേക്ക്​ കയറി.

Show Full Article
TAGS:Rashid Khan david warner IPL 2020 
Next Story