ഇതാ ഇന്ത്യക്കായി കേരളത്തിന്‍റെ സാംസൺ ഗാലക്സി

തി​രു​വ​ന​ന്ത​പു​രം: വ​ർ​ഷ​ങ്ങ​ളോ​ളം സ​ന്താ​ന​ഭാ​ഗ്യ​മി​ല്ലാ​തി​രു​ന്ന മ​നോ​ഹ​യു​ടെ ഭാ​ര്യ​യോ​ട്‌ ആ ​മാ​ലാ​ഖ അ​രു​ളി- ‘‘നി​ന​ക്കൊ​രു കു​ഞ്ഞു​ണ്ടാ​വും, അ​വ​നു​പ​ക്ഷേ നീ ​വീ​ഞ്ഞും മ​ദ്യ​വും അ​ശു​ദ്ധ​മാ​യ​തൊ​ന്നും ത​ന്നെ​യും ന​ൽ​ക​രു​ത്, ക്ഷൗ​ര​ക്ക​ത്തി ത​ല​യി​ൽ തൊ​ട​രു​ത് ’’ സാം​സ​ൺ എ​ന്നു​പേ​രാ​യ മ​ഹാ​ബ​ല​വാ​നാ​യ ആ ​പോ​രാ​ളി ത​ന്‍റെ നേ​രെ വ​ന്ന പ്ര​തി​ബ​ന്ധ​ങ്ങ​ളെ​യെ​ല്ലാം ത​ക​ർ​ത്തെ​റി​ഞ്ഞു - ഹീ​ബ്രു ബൈ​ബി​ൾ, സാം​സ​ൺ അ​ഥ​വാ ശിം​ശോ​ൻ.

അ​വ​ഗ​ണ​ന​യു​ടെ​യും നി​ർ​ഭാ​ഗ്യ​ത്തി​ന്‍റെ​യും ആ​ല​യി​ൽ ചു​ട്ടു​പ​ഴു​ത്ത ഇ​രു​മ്പി​ന്‍റെ പേ​രാ​ണ് സ​ഞ്ജു വി​ശ്വ​നാ​ഥ​ൻ സാം​സ​ൺ. അ​യാ​ളെ​യാ​ണ് നി​ങ്ങ​ൾ തോ​ൽ​പ്പി​ക്കാ​ൻ ശ്ര​മി​ക്കു​ന്ന​തെ​ങ്കി​ൽ തോ​ൽ​ക്കു​ന്ന​ത് നി​ങ്ങ​ൾ ത​ന്നെ​യാ​യി​രി​ക്കു​മെ​ന്ന് ഒ​രി​ക്ക​ൽ​ക്കൂ​ടി കാ​ലം തെ​ളി​യി​ച്ചി​രി​ക്കു​ന്നു.

ല​ക്ഷ​ക്ക​ണ​ക്കി​ന് വ​രു​ന്ന മ​ല​യാ​ളി ക്രി​ക്ക​റ്റ് ആ​രാ​ധ​ക​രു​ടെ ആ​ഗ്ര​ഹം​പോ​ലെ ശ്രീ​ശാ​ന്തി​ന് ശേ​ഷം മ​റ്റൊ​രു മ​ല​യാ​ളി​കൂ​ടി ഇ​ന്ത്യ​ൻ ട്വ​ന്‍റി20 ലോ​ക​ക​പ്പ് ക്രി​ക്ക​റ്റ് ടീ​മി​ലെ​ത്തു​മ്പോ​ൾ കേ​ര​ളം വി​ളി​ച്ചു​പ​റ​യു​ന്നു 'ദി​സ്​ ഈ​സ് ഔ​ർ മ​ല്ലു സാം​സ​ൺ' ഇ​തൊ​ക്കെ​യാ​യി​ട്ടും പാ​ഡു​കെ​ട്ടി​യ കാ​ലം മു​ത​ൽ അ​വ​ഗ​ണ​ന​യു​ടെ ക്രീ​സി​ലാ​യി​രു​ന്നു സ​ഞ്ജു.

ഐ.​പി.​എ​ല്ലി​ലെ പ്ര​ക​ട​ന​ങ്ങ​ൾ ഒ​രു​വി​ഭാ​ഗം താ​ര​ങ്ങ​ൾ​ക്ക് മാ​ത്രം ഇ​ന്ത്യ​ൻ ടീ​മി​ലേ​ക്കു​ള്ള വാ​തി​ലാ‍യ​പ്പോ​ൾ പ​ല​പ്പോ​ഴും പ്ര​ധാ​ന​താ​ര​ങ്ങ​ൾ മാ​റി​നി​ൽ​ക്കു​മ്പോ​ൾ മാ​ത്രം ഇ​ന്ത്യ​ൻ ടീ​മി​ലേ​ക്ക് അ​വ​സ​രം ല​ഭി​ക്കു​ക​യാ​യി​രു​ന്നു സ​ഞ്ജു​വി​ന്. രാ​ജ​സ്ഥാ​ൻ റോ​യ​ൽ​സ് ​പോ​ലൊ​രു ഐ.​പി.​എ​ൽ ടീ​മി​ന്‍റെ ക്യാ​പ്​​റ്റ​നാ​യി​രി​ക്കു​മ്പോ​ഴും അ​യാ​ൾ​ക്ക് ഇ​ന്ത്യ​ൻ ടീം ​വ​ല്ല​പ്പോ​ഴും ചെ​ന്നു​കേ​റാ​വു​ന്ന ര​ണ്ടാ​ന​ച്ഛ​ന്‍റെ വീ​ടാ​യി​രു​ന്നു.

ഫോ​മി​ന്‍റെ പ​ര​കോ​ടി​യി​ലു​ള്ള​പ്പോ​ഴും സ്വ​ന്തം നാ​ട്ടു​കാ​രു​ടെ മു​ന്നി​ൽ വെ​ള്ളം ചു​മ​ന്ന് ഓ​ടേ​ണ്ടി​വ​ന്ന​വ​ന്‍റെ ദുഃ​ഖം കാ​ര്യ​വ​ട്ടം ഗ്രീ​ൻ​ഫീ​ൽ​ഡ് ക​ണ്ടി​ട്ടു​ണ്ട്. വി​ദേ​ശ​പ​ര​മ്പ​ര​ക​ളി​ൽ ടീ​മി​ലെ​ടു​ത്തി​ട്ടും അ​വ​സ​രം ല​ഭി​ക്കാ​തെ​യാ​കു​മ്പോ​ൾ ടാ​ക്‌​സി വാ​ട​ക​ക്കെ​ടു​ത്ത് ആ ​നാ​ട് ചു​റ്റി​ക്കാ​ണാ​ൻ പോ​കു​ന്ന​തി​നെ​ക്കു​റി​ച്ച് സ​ഞ്ജു പ​റ​ഞ്ഞി​ട്ടു​ണ്ട്.

2015 ജൂ​ലൈ​യി​ൽ സിം​ബാ​ബ്‍വെ​ക്കെ​തി​രെ​യാ​ണ് സ​ഞ്ജു സാം​സ​ണ്‍ ഇ​ന്ത്യ​ക്കാ​യി ട്വ​ന്‍റി20​യി​ൽ അ​ര​ങ്ങേ​റി​യ​ത്. പ​ക്ഷേ, ഇ​തു​വ​രെ ക​ളി​ച്ച​ത് 25 രാ​ജ്യാ​ന്ത​ര ട്വ​ന്‍റി20 മ​ത്സ​ര​ങ്ങ​ളും 15 ഏ​ക​ദി​ന​ങ്ങ​ളും മാ​ത്രം. സ​മ​പ്രാ​യ​ക്കാ​രാ​യ ഇ​ഷാ​ൻ കി​ഷ​നും ഋ​ഷ​ഭ് പ​ന്തി​നും ല​ഭി​ച്ച പ​രി​ഗ​ണ​ന ഒ​രി​ക്ക​ലും ഇ​ന്ത്യ​ൻ ക്രി​ക്ക​റ്റ് ഈ ​മ​ല​യാ​ളി​പ്പ​യ്യ​ന് ന​ൽ​കി​യി​ല്ലെ​ന്ന​ത് പ​ച്ച​യാ​യ യാ​ഥാ​ർ​ഥ്യം.

ഐ.​പി.​എ​ല്ലി​ൽ വ​ർ​ഷ​ങ്ങ​ളോ​ളം തി​ള​ങ്ങി​യി​ട്ടും ഐ.​സി.​സി​യു​ടെ ഒ​രു പ​ര​മ്പ​ര​യി​ലും ടീം ​ഇ​ന്ത്യ സ​ഞ്ജു​വി​നെ ക​ളി​പ്പി​ച്ചി​ല്ല. ഇ​ക്ക​ഴി​ഞ്ഞ ലോ​ക​ക​പ്പ് ടീം ​പ്ര​ഖ്യാ​പി​ച്ച​പ്പോ​ള്‍ ഏ​റെ നി​രാ​ശ​നാ​യ ഒ​രാ​ള്‍ സ​ഞ്ജു​വാ​യി​രു​ന്നു. ഏ​ഷ്യ​ൻ ഗെ​യിം​സി​ലേ​ക്കും ഏ​ഷ്യ​ക​പ്പി​ലേ​ക്കും അ​യാ​ളെ ബി.​സി.​സി.​ഐ പ​രി​ഗ​ണി​ച്ചേ​യി​ല്ല.

ടീ​മി​നാ​യി സാ​ഹ​ച​ര്യ​ത്തി​നൊ​ത്ത് ക​ളി​ക്കു​ന്നി​ല്ലെ​ന്ന വി​മ​ര്‍ശ​ന​മാ​യി​രു​ന്നു ഗ​വാ​സ്ക​റും മ​ല​യാ​ളി​താ​രം ശ്രീ​ശാ​ന്ത​ട​ക്ക​മു​ള്ള മു​ന്‍ താ​ര​ങ്ങ​ള​ട​ക്കം പ​ല​രും സ​ഞ്ജു​വി​നെ​തി​രെ അ​ന്ന് ഉ​യ​ര്‍ത്തി​യ​ത്. ഒ​ടു​വി​ൽ 2023 ഡി​സം​ബ​റി​ൽ ദ​ക്ഷി​ണാ​ഫ്രി​ക്ക​ക്കെ​തി​രെ ത​ന്‍റെ ക​ന്നി സെ​ഞ്ച്വ​റി അ​ടി​ച്ച് സ​ഞ്ജു വി​മ​ർ​ശ​ക​രു​ടെ വാ​യ്​ അ​ട​പ്പി​ച്ചു.

2024 ഐ.​പി.​എ​ല്ലി​ൽ രാ​ജ​സ്ഥാ​നാ​യി ഒ​മ്പ​തു​മ​ത്സ​ര​ങ്ങ​ളി​ൽ​നി​ന്ന് 385 റ​ൺ​സാ​ണ് സ​ഞ്ജു​വി​ന്‍റെ ബാ​റ്റി​ൽ​നി​ന്ന്​ പി​റ​ന്നി​ട്ടു​ള്ള​ത്. പു​റ​ത്താ​കാ​തെ നേ​ടി​യ 82 റ​ണ്‍സ് ഉ​ള്‍പ്പെ​ടെ നാ​ല് അ​ര്‍ധ സെ​ഞ്ച്വ​റി​ക​ള്‍ ചേ​ര്‍ന്ന​താ​ണി​ത്. സ്ഥി​ര​ത​യി​ല്ലെ​ന്ന വി​മ​ർ​ശ​ന​ത്തി​ന് ചു​ട്ട മ​റു​പ​ടി. ഓ​റ​ഞ്ച് ക്യാ​പ്പു​മാ​യി ഒ​ന്നാം​സ്ഥാ​ന​ത്തു​ള്ള വി​രാ​ട് കോ​ഹ്​​ലി​യെ​ക്കാ​ള്‍ ആ​വ​റേ​ജി​ലും സ്ട്രൈ​ക്ക് റേ​റ്റി​ലും മു​ന്നി​ലാ​ണ് ഈ ​മ​ല​യാ​ളി പ​യ്യ​ൻ. ആ​ദ്യ പ​ത്തി​ല്‍ സ​ഞ്ജു​വി​നെ​ക്കാ​ള്‍ സ്ട്രൈ​ക്ക് റേ​റ്റു​ള്ള​ത് ട്രാ​വി​സ് ഹെ​ഡി​നും സു​നി​ല്‍ ന​രെ​യ്നും മാ​ത്രം.

തോ​റ്റെ​ന്ന് വി​ധി​യെ​ഴു​തി തു​ട​ങ്ങു​മ്പോ​ഴൊ​ക്കൊ​യും ഒ​രു ഫീ​നി​ക്സ് പ​ക്ഷി​യെ​പ്പോ​ലെ സ​ഞ്ജു എ​ന്നും ഉ​യി​ർ​ത്തെ​ഴു​ന്നേ​റ്റി​ട്ടു​ണ്ട്. അ​യാ​ളെ അ​വ​ഗ​ണി​ച്ച്​ ത​ള​ർ​ത്തി​ക്ക​ള​യാ​മെ​ന്ന് അ​റി​യാ​തെ പോ​ലും ചി​ന്തി​ക്കാ​നാ​വി​ല്ലെ​ന്ന്​ ജ​യ്​​പൂ​രി​ന്‍റെ രാ​ജ​കു​മാ​ര​ൻ വീ​ണ്ടും തെ​ളി​യി​ച്ചി​രി​ക്കു​ന്നു. ഇ​നി കാ​ത്തി​രി​ക്കാം, നീ​ല ജ​ഴ്സി​യി​ലെ ഒ​മ്പ​താം ന​മ്പ​റി​ൽ പി​റ​ക്കു​ന്ന മ​റ്റൊ​രു ച​രി​ത്ര​ത്തി​നാ​യി.