Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightബ്ലാക്​സ്​ ലൈവ്​സ്​...

'ബ്ലാക്​സ്​ ലൈവ്​സ്​ മാറ്റർ'; ഐ.പി.എല്ലിൽ അഭിവാദ്യം അർപ്പിക്കുന്ന ആദ്യ താരമായി ഹാർദിക്​ പാണ്ഡ്യ

text_fields
bookmark_border
ബ്ലാക്​സ്​ ലൈവ്​സ്​ മാറ്റർ; ഐ.പി.എല്ലിൽ അഭിവാദ്യം അർപ്പിക്കുന്ന ആദ്യ താരമായി ഹാർദിക്​ പാണ്ഡ്യ
cancel

അബൂദബി: അമേരിക്കൻ പൊലീസി​െൻറ വംശീയ അതിക്രമത്തിനിരയായി കൊല്ലപ്പെട്ട ജോർജ്​ ​​േഫ്ലായിഡിന്​ അഭിവാദ്യമർപ്പിക്കുന്ന ആദ്യ ഐ.പി.എൽ താരമായി ഹാർദിക്​ പാണ്ഡ്യ. മുംബൈ ഇന്ത്യൻസ്​-രാജസ്ഥാൻ റോയൽസ്​ മത്സരത്തിൽ 21 പന്തുകളിൽ നിന്നും 60 റ​ൺസെടുത്ത തകർപ്പൻ പ്രകടനത്തിലിടയിലാണ്​ പാണ്ഡ്യ മുട്ടുകുട്ടി നിന്ന്​ ഐക്യദാർഢ്യം പ്രഖ്യാപിച്ചത്​. ശേഷം 'ബ്ലാക്​സ്​ ലൈവ്​സ്​ മാറ്റർ'എന്ന തലക്കെട്ടിൽ ചിത്രം പോസ്​റ്റ്​ ചെയ്യുകയും ചെയ്​തു.

കറുത്തവരുടെ പോരാട്ടത്തിനുള്ള ​െഎക്യദാർഢ്യമായി മാറിയ 'ബ്ലാക്​ ലൈവ്​സ്​ മാറ്റർ' കാമ്പയിനെ​ ​െഎ.പി.എൽ അവഗണിച്ചുവെന്ന്​ വെസ്​റ്റിൻഡീസ്​ ക്യാപ്​റ്റനും ഹൈദരാബാദ്​ താരവുമായിരുന്ന ജാസൺ ഹോൾഡർ നേരത്തേ അഭിപ്രായപ്പെട്ടിരുന്നു.

​െഎ.പി.എൽ പോലെ ശ്രദ്ധേയമായ ചാമ്പ്യൻഷിപ്പിൽ ഒരു ടീം പോലും മുട്ടുകുത്തിനിന്ന് കറുത്തവ​െൻറ ചെറുത്തുനിൽപിനോട്​ ​െഎക്യപ്പെട്ടില്ലെന്നത്​ നിരാശയാണ്​ -വെസ്​റ്റിൻഡീസ്​ ക്രിക്കറ്റി​െൻറ പീറ്റർ സ്​മിത്ത്​ അവാർഡ്​ ചടങ്ങിൽ പ​െങ്കടുത്ത്​​ ഹോൾഡർ ചൂണ്ടിക്കാട്ടി. ​

അമേരിക്കയിൽ ജോർജ്​ ​േഫ്ലായ്​ഡ്​ എന്ന കറുത്ത വംശജനെ പൊലീസ്​ ഉദ്യോഗസ്ഥർ ശ്വാസംമുട്ടിച്ച്​ കൊലപ്പെടുത്തിയതിനെ തുടർന്ന്​ ലോകമാകെ പടർന്ന 'ബ്ലാക്​ ലൈവ്​സ്​ മാറ്റർ' (കറുത്തവനും ജീവിക്കണം) പ്രചാരണം കായിക മേഖലയും ഏറ്റെടുത്തിരുന്നു. ഇംഗ്ലീഷ്​ പ്രീമിയർ ലീഗ്​ ഉൾപ്പെടെ ഫുട്​ബാൾ ഗ്രൗണ്ടിലും യു.എസ്​ ഒാപൺ ടെന്നിസിലും അലയടിച്ചു. കോവിഡിനുശേഷം നടന്ന ആദ്യ ടെസ്​റ്റ്​ പരമ്പരയിൽ ഇംഗ്ലണ്ട്​- വെസ്​റ്റിൻഡീസ്​ കളിക്കാർ മുട്ടുകുത്തി ​െഎക്യദാർഢ്യം പ്രകടിപ്പിച്ചു. എന്നാൽ, പിന്നീട്​ നടന്ന ആസ്​ട്രേലിയ-പാകിസ്​താൻ പരമ്പരയിലും ​െഎ.പി.എല്ലിലും 'ബ്ലാക്​ ലൈവ്​സ്​ മാറ്റർ' അവഗണിച്ചു.

ഏഴുസിക്​സറുകളടക്കം തിമിർത്താടിയ പാണ്ഡ്യയുടെ കരുത്തിൽ മും​ബൈ 195 റൺസി​െൻറ കൂറ്റൻ സ്​കോർ ഉയത്തിയെങ്കിലും സ്റ്റോക്​സി​െൻറയും സഞ്​ജുവി​െൻറയം കരുത്തിൽ രാജസ്ഥാൻ എട്ടുവിക്കറ്റിന്​ വിജയിച്ചിരുന്നു.

Show Full Article
TAGS:Black Lives Matter Hardik Pandya IPL 2020 
Next Story