Top
Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_right'മാൻ ഓഫ്​ ദി സീരീസ്'​...

'മാൻ ഓഫ്​ ദി സീരീസ്'​ നടരാജന്​ കൈമാറി പാണ്ഡ്യ; കിരീടം കൈമാറി കോഹ്​ലിയും

text_fields
bookmark_border
മാൻ ഓഫ്​ ദി സീരീസ്​ നടരാജന്​ കൈമാറി പാണ്ഡ്യ; കിരീടം കൈമാറി കോഹ്​ലിയും
cancel

സിഡ്​നി: ട്വൻറി 20 പരമ്പരയിൽ അരങ്ങേറ്റം കുറിച്ച ഇന്ത്യൻ താരം ടി.നടരാജനെ സ്​നേഹത്തിൽ മുക്കി സഹതാരങ്ങൾ. ട്വൻറി 20 സീരീസ്​ അവസാനിച്ചതിന്​ പിന്നാലെ തനിക്ക്​ ലഭിച്ച മാൻ ഓഫ്​ ദി സീരീസ്​ കിരീടം ഹാർദിക്​ പാണ്ഡ്യ നടരാജന്​ കൈമാറി. ചാമ്പ്യൻമാരായ ഇന്ത്യ ഫോ​ട്ടോക്ക്​ പോസ്​ ചെയ്​തപ്പോൾ ടി.നടരാജനാണ് കോഹ്​ലിക്ക്​ പകരം​ പരമ്പര കിരീടം പിടിച്ചത്​.

ഈ സീരീസിലുടനീളം നടരാജൻ അവിസ്​മരണീയമായിരുന്നെന്നും എന്നേക്കാൾ മാൻ ഓഫ്​ ദി സീരീസ്​ അർഹിക്കുന്നുവെന്നും ഹാർദിക്​ പാണ്ഡ്യ ട്വിറ്ററിൽ കുറിച്ചു. ഇന്ത്യയുടെ ആസ്​ട്രേലിയൻ പര്യടനത്തിലെ കണ്ടെത്തലായാണ്​ ടി.നടരാജ​െൻറ പ്രകടനത്തെ വിലയിരുത്തുന്നത്​​. ടീം പ്രഖ്യാപിച്ചപ്പോൾ ആദ്യ ഇലവനിൽ ഉൾപ്പെടുത്താതിരുന്ന ടി.നടരാജനെ നെറ്റ്​ ബൗളറായാണ്​ അവസാനം ടീമിൽ ഉൾപ്പെടുത്തിയത്​.

അവസാന ഏകദിനത്തിൽ കളത്തിലിറങ്ങി രണ്ട്​ വിക്കറ്റ്​ വീഴ്​ത്തിയ നടരാജൻ ട്വൻറി 20യിലും മിന്നും പ്രകടനമാണ്​ കാഴ്​ചവെച്ചത്​. ആദ്യ ട്വൻറി 20യിൽ മൂന്നുവിക്കറ്റെടുത്ത നടരാജൻ രണ്ടാം ട്വൻറി 20യിൽ 20 റൺസിന്​ രണ്ട്​ വിക്കറ്റെടുത്തിരുന്നു. അവസാന മത്സരത്തിൽ 33 റൺസിന്​ ഒരു വിക്കറ്റായിരുന്നു നടരാജ​െൻറ സമ്പാദ്യം. മറ്റു പേസർമാരെല്ലാം തല്ലുകൊണ്ടപ്പോഴും പവർ​േപ്ലയിലും ഡെത്ത്​ ഓവറിലുമടക്കം പ​െന്തറിഞ്ഞിട്ടും തല്ലുവഴങ്ങാതിരുന്ന നടരാജ​െൻറ പ്രകടനം ഏറെ ശ്രദ്ധയാകർഷിച്ചിരുന്നു.

ചെന്നൈയില്‍ നിന്നും ഏകദേശം 340 കി.മി അകലെയുള്ള ചിന്നപ്പാംപാട്ടിയിലെ ദരിദ്ര കുടുംബത്തിലായിരുന്നു നടരാജൻെറ ജനനം. കൂലിപ്പണിക്കാരനായ സേലത്തുകാരൻെറയും സാരി കമ്പനിയിൽ ജോലിക്കാരിയായ ചിന്നപ്പാംപാട്ടി സ്വദേശിയുടെയും മൂത്ത മകനായാണ്​ നടരാജ​െൻറ ജനനം. ടെന്നീസ് ബോള്‍ ക്രിക്കറ്റ് കളിച്ചാണ്​ തുടക്കം. 20 വയസുവരെ ആ പന്തു മാത്രമാണ്​ എറിയാൻ കിട്ടിയത്​. 2011ൽ തമിഴ്​നാട്​ ലീഗിലെ നാലാം ഡിവിഷനിൽ കളിക്കാൻ അവസരം ലഭിച്ചു. അവിടുന്നാണ്​ നടരാജൻെറ കരിയറിലെ ടേണിങ്​ പോയൻറ്​. തമിഴ്​നാട്​ പ്രീമിയർ ലീഗിലെയും ഐ.പി.എല്ലിലെയും മിന്നും പ്രകടനങ്ങളാണ്​ നടരാജന്​ ഇന്ത്യൻ ടീമിലിടം നൽകിയത്​.




Show Full Article
TAGS:Hardik Pandya T Natarajan 
Next Story