പരിക്കേറ്റ റിങ്കു സിങ് പുറത്ത്​; ഗുർകീരത് സിങ് കൊൽക്കത്ത നൈറ്റ്​റൈഡേഴ്​സിൽ

ചെന്നൈ: പരിക്കേറ്റ ബാറ്റ്​സ്​മാൻ റിങ്കു സിങ്ങിന്​ പകരം ഓൾറൗണ്ടർ ഗുർകീരത് സിങ്​​ മന്നിനെ കൊൽക്കത്ത നൈറ്റ്​റൈഡേഴ്​സ്​ ടീമിലെത്തിച്ചു. കാൽമുട്ടിനേറ്റ പരിക്കിനെ തുടർന്നാണ്​ റിങ്കുവിന്​ ഐ.പി.എൽ സീസൺ നഷ്​ടമാകുന്നത്​.

2017ൽ ഐ.പി.എല്ലിൽ അരങ്ങേറിയ റിങ്കു 11 മത്സരങ്ങൾ കളിച്ചിട്ടുണ്ട്​. കഴിഞ്ഞ സീസണിൽ റോയൽ ചലഞ്ചേഴ്​സ്​ ബാംഗ്ലൂരിനായി കളിച്ച ഗുർകീരതിനെ അടിസ്​ഥാന വിലയായ 50 ലക്ഷം നൽകിയാണ്​ കൊൽക്കത്ത സ്വന്തമാക്കിയത്​.

ഗുർകീരത്തിന്‍റെ എട്ടാം ഐ.പി.എൽ സീസണാകും ഇത്​. ഏപ്രിൽ ഒമ്പതിനാണ്​ സീസൺ ആരംഭിക്കുന്നത്​.