കളി തുടങ്ങും മുമ്പ് ഗംഭീർ​ ബാംഗ്ലൂരിനെ ട്രോളി; കളി കഴിഞ്ഞപ്പോൾ എല്ലാം പലിശസഹിതം തിരിച്ചുകിട്ടി

അബൂദാബി: കൊൽകത്ത നൈറ്റ്​ റൈഡേഴ്​സിന്​ മാത്രമല്ല. കമൻററി ബോക്​സിൽ ഗൗതം ഗംഭീറും മറക്കാനാഗ്രഹിച്ച മത്സരമായിരുന്നു ബുധനാഴ്​ച ഐ.പി.എല്ലിൽ അരങ്ങേറിയത്​.

കളി തുടങ്ങുംമുമ്പ്​ സ്​റ്റാർ സ്​പോർട്​സ്​ ചർച്ചക്കിടെ ഗൗതം ഗംഭീർ പറഞ്ഞതിങ്ങനെ: കൊൽകത്തയും ബാംഗ്ലൂരും തമ്മിൽ ​ശത്രുതയില്ല. കൊൽകത്ത​ രണ്ട്​ കിരീടങ്ങൾ നേടിയിട്ടുണ്ട്​ പക്ഷേ വിരാട്​ കോഹ്​ലിയുടെ സംഘത്തിന്​ ഇനിയും കപ്പ്​ നേടാനായിട്ടില്ല.

കളിതുടങ്ങും മു​​േമ്പയുള്ള കൊൽകത്തയുടെ മുൻനായകൻ ഗംഭീറി​െൻറ പരാമർശം ബാംഗ്ലൂർ ആരാധകർ മനസ്സിൽ വെച്ചിരുന്നു.

മത്സരം തുടങ്ങി. ബാംഗ്ലൂരിനായി ആദ്യ ഓവർ എറിഞ്ഞത്​ ക്രിസ്​ മോറിസ്​. രണ്ടാം ഓവർ എറിഞ്ഞ മുഹമ്മദ്​ സിറാജ്​ രണ്ടുവിക്കറ്റുകൾ വീഴ്​ത്തി. മൂന്നാം ഓവറിനായി മോറിസിനെ മാറ്റി നവദീപ്​ സൈനി​​യെ കൊ​ണ്ടുവന്നതിനുപിന്നാലെ ഗംഭീർ കോഹ്​ലിയുടെ ക്യാപ്​റ്റൻസിയെ വിമർ​ശിച്ചു. എന്നാൽ ആ ഓവറിൽ ​ശുഭ്​മാൻ ഗില്ലിനെ മോറിസി​െൻറ കൈകളിലെത്തിച്ച്​ സൈനി വിക്കറ്റ്​ വീഴ്​ത്തിയതോടെ ഗംഭീറിന്​ വായടപ്പൻ മറുപടി കിട്ടി മത്സരത്തിനിടയിൽ ഗംഭീർ കോഹ്​ലിയുടെ ക്യാപ്​റ്റൻസിയെ പുകഴ്​ത്തുകയും ചെയ്​തു.

മത്സരത്തിൽ കൊൽകത്തയെ വെറും 84 റൺസിൽ പുറത്താക്കിയ ബാംഗ്ലൂർ 13.3 ഓവറിൽ ലക്ഷ്യം കണ്ടിരുന്നു. ഇതിന്​ പിന്നാലെ ഗംഭീറിന്​ നേരെ ട്വിറ്ററിൽ ട്രോൾ മഴ പെയ്​തു. മത്സരശേഷം ഞങ്ങളൊന്നും മറന്നിട്ടില്ലെന്ന്​ സൂചിപ്പിക്കുന്ന 'സൗത്​ റിമെംബേഴ്​സ്​' എന്ന വാചകമാണ് ബാംഗ്ലൂർ ട്വീറ്റ്​ ചെയ്​തത്​.

2013 ഐ.പി.എല്ലിലെ ബാംഗ്ലൂർ-കൊൽകത്ത മത്സരത്തിൽ ഗംഭീറും കോഹ്​ലിയും കളിക്കളത്തിൽ പരസ്യമായി ഏറ്റുമുട്ടിയത്​ വലിയ വാർത്തയായിരുന്നു. കൊൽകത്തയും ബാംഗ്ലൂരും ഐ.പി.എല്ലിൽ പരസ്​പരം 25 തവണ ഏറ്റുമുട്ടിയപ്പോൾ കൊൽകത്ത 14 തവണയും ബാംഗ്ലൂർ 11 തവണയും വിജയിച്ചു.