Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightടീമുകൾക്ക്​ നാല്​...

ടീമുകൾക്ക്​ നാല്​ താരങ്ങളെ നിലനിർത്താമെന്ന്​; ഐ.പി.എൽ മെഗാ താരലേലം ഡിസംബറിലെന്ന്​ റിപ്പോർട്ട്​

text_fields
bookmark_border
ടീമുകൾക്ക്​ നാല്​ താരങ്ങളെ നിലനിർത്താമെന്ന്​; ഐ.പി.എൽ മെഗാ താരലേലം ഡിസംബറിലെന്ന്​ റിപ്പോർട്ട്​
cancel

ന്യൂഡൽഹി: ഇന്ത്യൻ പ്രീമിയർ ലീഗ്​ 2021 സീസണി​െൻറ രണ്ടാം ഘട്ടത്തിനായി ആരാധകർ കാത്തിരിക്കു​േമ്പാൾ ഈ വർഷം നടക്കാൻ ​േപാകുന്ന മെഗാ താര ലേലത്തിനായുള്ള ഒരുക്കത്തിലാണ്​ ബി.സി.സി.ഐ. ടൂർണമെൻറിലെ ബഹുഭൂരിപക്ഷം വരുന്ന കളിക്കാർ ലേലത്തിൽ വരുന്നതിനാൽ തന്നെ ഫ്രഞ്ചൈസികൾ മികച്ച സ്​ക്വാഡിനെ കെട്ടിപ്പടുക്കാൻ അഹോരാത്രം പണിപ്പെടുകയാകും. 2022 സീസണിൽ പുതിയ രണ്ട്​ ടീമുകളെ കൂടി ഉൾപെടുത്തുന്നതിനാൽ ലേലം കൂടുതൽ ആവേശകരമാകും.

മെഗാതാരലേലത്തിൽ ഓരോ ഫ്രാഞ്ചൈസിക്കും പരമാവധി നാല്​ കളിക്കാരെ നിലനിർത്താനാകുമെന്ന്​ ടൈംസ്​ ഓഫ്​ ഇന്ത്യ റിപ്പോർട്ട്​ ചെയ്​തു. നിലവിലെ സാഹചര്യം അനുസരിച്ച്​ ടീം മാനേജ്​മെൻറിന്​ മൂന്ന്​ ഇന്ത്യൻ താരങ്ങളെയും ഒരു വിദേശ താരത്തെയുമോ, രണ്ട്​ ഇന്ത്യൻ താരങ്ങളെയും രണ്ട്​ വിദേശ താരങ്ങളെയുമോ നിലനിർത്താൻ സാധിക്കും.

മെഗാ ലേലത്തിലേക്ക്​ കടക്കുന്നതിന്​ മുമ്പ്​ ഈ കളിക്കാരുടെ വേതനം കുറക്കാൻ ഫ്രാഞ്ചൈസികൾക്ക്​ സാധിക്കും. പുതിയ ടീമുകൾ കൂടി വരുന്നതിനാൽ ലേലത്തിൽ ചെലവിടാനുള്ള സംഖ്യ ബി.സി.സി.ഐ ഉയർത്തിയിട്ടുണ്ട്​. 50 കോടി രൂപ കൂട്ടിയതോടെ 85 മുതൽ 90 കോടി രൂപ വരെ ഓരോ ടീമുകൾക്കും ഇറക്കാം.

ഒരു ടീം മൂന്ന്​ കളിക്കാരെ നിലനിർത്തുകയാണെങ്കിൽ 15 കോടി രൂപ, 11 കോടി രൂപ, ഏഴ്​ കോടി രൂപ എന്നിങ്ങനെയാകും അവരുടെ വേതനം. 12.5 കോടി രൂപയും 8.5 കോടി രൂപയുമായിരിക്കും രണ്ട്​ കളിക്കാരെ നിലനിർത്തിയാലുള്ള ശമ്പളം. ഒരു കളിക്കാരനെ മാത്രമാണ്​ നിലനിർത്തുന്നതെങ്കിൽ അയാൾക്ക്​ 12.5 കോടി രൂപ നൽകണം.

ഐ.പി.എൽ 2021ന്​ മുമ്പായിട്ടായിരുന്നു മെഗാ താരലേലം നടക്കേണ്ടിയിരുന്നത്​. എന്നാൽ കോവിഡ്​ മഹാമാരി കാരണം ടീമുകൾക്ക്​ വൻ നഷ്​ടം സംഭവിച്ചതും 2020, 2021 സീണുകൾ തമ്മിൽ വലിയ ഇടവേള ഇല്ലാതിരിക്കുകയും ചെയ്​തതിനാൽ ഒരു വർഷം നീട്ടിവെക്കുകയായിരുന്നു. ഈ വർഷം ഡിസംബറിലാണ്​ മെഗാ താരലേലം നടക്കാൻ സാധ്യത.

കൊൽക്കത്ത കേന്ദ്രീകരിച്ച്​ പ്രവർത്തിക്കുന്ന ആർ.പി സഞ്​ജീവ്​ ഗോയങ്ക ഗ്രൂപ്പ്​, അദാനി ഗ്രൂപ്പ്​, ഹൈദരാബാദ്​ കേന്ദ്രീകരിച്ച്​ പ്രവർത്തിക്കുന്ന അരബിന്ദേ ഫാർമ, ഗുജറാത്ത്​ കേന്ദ്രമായ ടോറൻറ്​ ഗ്രൂപ്പ്​ എന്നിവരാണ്​ പുതിയ ഐ.പി.എൽ ഫ്രാഞ്ചൈസികൾ സ്വന്തമാക്കാനായി രംഗത്തുള്ളത്​.

Show Full Article
TAGS:IPL auctions IPL mega auction BCCI cricket 
News Summary - franchises allowed to retain 4 players For IPL mega auction
Next Story