'കർഷകർക്ക്​ യാതൊരു സുരക്ഷയുമില്ലേ'; മോദിയോട്​ ചോദ്യവുമായി ഇംഗ്ലണ്ട്​ ക്രിക്കറ്റർ

ന്യൂഡൽഹി: കേന്ദ്രസർക്കാറി​െൻറ കാർഷിക നിയമങ്ങൾക്കെതിരെ പ്രതിഷേധിച്ച്​ വിവിധ സംസ്ഥാനങ്ങളിലെ കർഷകർ നടത്തുന്ന സമരത്തിന്​ പിന്തുണയുമായി ഇംഗ്ലീഷ്​ ക്രിക്കറ്റ്​ താരം മോണ്ടി ​പനേസർ.

ബി.ജെ.പിക്കും നരേന്ദ്ര മോദിക്കും ടാഗ്​ ചെയ്​ത്​ മോണ്ടി പനേസർ ട്വീറ്റ്​ ചെയ്​തതിങ്ങ​നെ: കാർഷിക വിളക്ക്​ ഗുണനിലവാരം ഇല്ലാത്തതിനാൽ കരാർ പാലിക്കാനാകില്ലെന്ന്​​ വാങ്ങുന്നവർ പറഞ്ഞാൽ കർഷകർ എന്തുചെയ്യും? കർഷകർക്ക്​ എന്ത്​ സുരക്ഷയാണ്​ ഇതിലുള്ളത്​. വില ഉറപ്പുവരുത്താൻ​ യാതൊരു പരാമർശവുമി​ല്ലേ?.

ഇംഗ്ലണ്ടിനായി 50 ടെസ്​റ്റുകളിലും 26 ഏകദിനങ്ങളിലും കളത്തിലിറങ്ങിയ മോണ്ടി ഇന്ത്യൻ വംശജനാണ്​. നേരത്തെ കർഷകസമരത്തിന്​ പിന്തുണയുമായി ഇന്ത്യൻതാരം ഹർഭജൻ സിങ്ങും എത്തിയിരുന്നു.