Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightതുടർച്ചയായി എട്ടാം...

തുടർച്ചയായി എട്ടാം സീസണിലും പരാജയം; കോഹ്ലി വെറും തോൽവിയാകുന്നു

text_fields
bookmark_border
തുടർച്ചയായി എട്ടാം സീസണിലും പരാജയം; കോഹ്ലി വെറും തോൽവിയാകുന്നു
cancel

ഒാരോ ​െഎ.പി.എൽ സീസൺ കഴിയു​േമ്പാഴും വിരൽ കടിച്ച്​, താടിയും തടവി, കണ്ണും മിഴിച്ച്​ കളം വിടുന്ന വിരാട്​ കോഹ്​ലി ഒരു കണ്ണീർ ചിത്രമാണ്​. വ്യക്തിപരമായി നേട്ടങ്ങൾ കൊയ്​തുകൂട്ടു​േമ്പാഴും ക്യാപ്​റ്റൻസിയിൽ അദ്ദേഹം തുടർച്ചയായി പരാജയപ്പെടുന്നു. ലോകോത്തര താരങ്ങളും മാച്ച്​ വിന്നർമാരും ഏറ്റവും മികച്ച യുവതാരങ്ങളുമെല്ലാം ടീമിലുണ്ടാവു​േമ്പാഴും കോഹ്​ലിയുടെ ടീം നിരന്തര തോൽവിയായി മാറുന്നു.

സമകാലികരായ എം.എസ്.​ ധോണിയും രോഹിത്​ ശർമയും കിരീടങ്ങൾ വാരിക്കൂട്ടുന്നു. തന്നെക്കാൾ ജൂനിയർമാരായ ശ്രേയസ്​ അയ്യരും കെ.എൽ. രാഹുലും മികച്ച ക്യാപ്​റ്റന്മാരായി പേരെടുക്കുന്നു. അപ്പോഴാണ്​ ദേശീയ ടീം ക്യാപ്​റ്റൻ ​െഎ.പി.എല്ലിൽ ആവർത്തിക്കുന്ന ദുരന്തമായി മാറുന്നത്​. വെള്ളിയാഴ്​ചത്തെ മത്സരത്തിൽ ​ഹൈദരാബാദി​െനതിരെ ആറു വിക്കറ്റിന്​ തോൽവി വഴങ്ങി 13ാം സീസണിലും ബാംഗ്ലൂർ കിരീടമില്ലാതെ മടങ്ങുകയായി. മത്സരഫലം മാറിമറിയുന്ന സാഹചര്യത്തിൽ സമ്മർദങ്ങളെ നേരിടാനും ഫീൽഡിൽ സഹതാരങ്ങൾക്ക്​ പ്രചോദനമാവാനും കഴിയാത്ത കോഹ്​ലിയെയാണ്​ ​െഎ.പി.എല്ലിൽ എന്നും കാണുന്നത്​.

അതി​െൻറ ഏറ്റവും നല്ല ഉദാഹരണമായിരുന്നു കഴിഞ്ഞ മത്സരത്തിൽ ഹൈദരാബാദ്​ ജയത്തിലേക്ക്​ നീങ്ങവെ 18ാം ഒാവറിൽ വില്യംസനെ ബൗണ്ടറി ലൈനിൽ ഉയർന്നുചാടി ദേവ്​ദത്ത്​ പടിക്കൽ സിക്​സർ തടഞ്ഞ ഫീൽഡിങ്​ ശ്രമം. ഒൗട്ടാക്കാനായില്ലെങ്കിലും അഞ്ചു റൺസ്​ തടയാൻ കഴിഞ്ഞു. ദേവദത്ത്​ പടിക്കലി​െൻറ ഉജ്ജ്വല ഫീൽഡിങ്ങിനെ കമ​േൻററ്റർമാരും ബൗളർ നവദീപ്​ സെയ്​നിയും അഭിനന്ദിച്ചപ്പോൾ, രൂക്ഷമായായിരുന്നു ക്യാപ്​റ്റൻ കോഹ്​ലിയുടെ പ്രതികരണം. ആ ദൃശ്യങ്ങൾ ടി.വി കാമറകൾ വീണ്ടും വീണ്ടും എടുത്തുകാണിച്ചു. നിർണായക സമയങ്ങളിൽ ധോണിയെയോ രോഹിതിനെയോ മോർഗനെയോ പോലെ സഹതാരങ്ങൾക്ക്​ ​പ്രോത്സാഹനം നൽകാനാവാതെ നായകൻ സ്കൂൾ ക്രിക്കറ്റ്​ നിലവാരത്തിലേക്ക്​ പോവുന്നതുതന്നെ ഏറ്റവും വലിയ തിരിച്ചടി.


2013ലാണ്​ കോഹ്​ലി ​ബാംഗ്ലൂർ ക്യാപ്​റ്റൻസി ഏറ്റെടുക്കുന്നത്​. അതിന്​ മുമ്പുള്ള സീസണിൽ ഏതാനും മത്സരത്തിൽ ക്യാപ്​റ്റനായെങ്കിലും സ്ഥിരനിയമനം പിന്നീടായിരുന്നു. െഎ.പി.എല്ലിൽ ​ധോണിക്കും (177) ഗംഭീറിനും (129) ശേഷം ഏറ്റവും കൂടുതൽ മത്സരം നയിച്ച ക്യാപ്​റ്റനാണ്​ കോഹ്​ലി (112). കഴിഞ്ഞ എട്ടു സീസണി​നിടെ ഒരുതവണ മാത്രമേ ടീം ഫൈനലിൽ കടന്നുള്ളൂ (2016). കോഹ്​ലി മൂന്നു​ സെഞ്ച്വറി നേടി വിസ്​മയിപ്പിച്ച സീസണിൽ ഫൈനലിൽ ഹൈദരാബാദിനോട്​ തോറ്റു. 2015, 2020 ​േപ്ല ഒാഫ്​ പ്രവേശനമാണ്​ ഭേദപ്പെട്ട മറ്റു പ്രകടനം. കഴിഞ്ഞ സീസണിൽ ​ലീഗ്​ റൗണ്ടിൽ എട്ടാം സ്ഥാനത്തായിരുന്നു കോഹ്​ലിയുടെ ബാംഗ്ലൂർ.

എബി ഡിവി​ല്ലിയേഴ്​സ്​, മാർകസ്​ സ്​റ്റോയിണിസ്​, ​ക്രിസ്​ ഗെയ്​ൽ, ഡാന​ിയേൽ വെട്ടാേറി, സഹീർ ഖാൻ, ഷെയ്​ൻ വാട്​സൻ തുടങ്ങിയ സൂപ്പർ താരങ്ങൾ അടങ്ങിയ ടീമിനെ പലകാലങ്ങളിലായി നയിച്ചിട്ടും കോഹ്​ലിക്ക്​ കപ്പിലേക്ക്​ നയിക്കാനാവുന്നില്ലെന്നത്​ ഒരു ക്യാപ്​റ്റ​െൻറ വലിയ പരാജയം തന്നെയാണ്​.

Show Full Article
TAGS:IPL 2020 
Next Story