ഐ.പി.എൽ ടൈറ്റിൽ സ്​പോൺസർഷിപ്പിന്​ മത്സരിച്ച്​ അഞ്ച്​ കമ്പനികൾ; മുന്നിൽ ടാറ്റാ ഗ്രൂപ്പ്​

മുംബൈ: സെപ്​റ്റംബർ 19 മുതൽ നവംബർ 10 വരെ യു.എ.ഇയിൽ നടക്കാനിരിക്കുന്ന ഇന്ത്യൻ പ്രീമിയർ ലീഗ്​ 13ാം എഡിഷ​െൻറ ടൈറ്റിൽ സ്​പോൺസറാകാൻ കമ്പനികൾ തമ്മിൽ പോരാട്ടം മുറുകുന്നതായി റിപ്പോർട്ട്​. ചൈനീസ്​ കമ്പനിയായ വിവോ ഉപേക്ഷിച്ച്​ പോയ സ്ഥാനത്തേക്ക്​ ഇന്ത്യൻ കമ്പനികളെയാണ്​ ബി.സി.സി.​െഎ കാര്യമായി പരിഗണിക്കുന്നത്​.

പുറത്തുവരുന്ന റിപ്പോർട്ടുകൾ പ്രകാരം നിലവിൽ അഞ്ച്​ പ്രമുഖ കമ്പനികളാണ് മത്സരിക്കുന്നത്​. ടാറ്റാ ഗ്രൂപ്പ്​, വിദ്യാഭ്യാസ സ്റ്റാർട്ടപ്പുകളായ അൺഅക്കാദമി, ബൈജൂസ്​ ആപ്പ്​, പതഞ്ജലി, ജിയോ എന്നിവരാണവർ. ഫാൻറസി ഗെയിമിങ്ങ്​ പ്ലാറ്റ്​ഫോമായ ഡ്രീം 11നും മുന്നോട്ടുവന്നിട്ടുണ്ടെന്നാണ്​ സൂചന​.

അതേസമയം, താൽപര്യം പ്രകടിപ്പിച്ച എല്ലാവരും ആഗസ്​ത്​ 18ന്​ സംഘടിപ്പിക്കുന്ന ലേലത്തിൽ പ​െങ്കടുക്കാൻ സാധ്യതയില്ലെന്നാണ്​ വിദഗ്​ധർ ചൂണ്ടിക്കാട്ടുന്നത്​. ഇതിൽ ടാറ്റാ ഗ്രൂപ്പ്, അൺഅക്കാദമി എന്നിവരാണ്​ ഏറ്റവും താൽപര്യം പ്രകടിപ്പിക്കുന്ന കമ്പനികൾ.​ ​'െഎ.പി.എൽ ടൈറ്റിൽ റൈറ്റ്​സിനായി സമീപിച്ചിട്ടുണ്ടെന്ന്​​ ടാറ്റയുടെ വക്​താവ്​ ഹിന്ദുസ്ഥാൻ ടൈംസിനോട്​ പ്രതികരിച്ചിട്ടുണ്ട്​.

അഞ്ച്​ വർഷത്തേക്ക്​ ടൈറ്റിൽ സ്​പോൺസർഷിപ്പ്​ ഏറ്റെടുത്ത ചൈനീസ്​ കമ്പനിയായ വിവോ രാജ്യത്ത്​ നിലനിൽക്കുന്ന ചൈന വിരുദ്ധ വികാരത്തെ തുടർന്ന്​ ഇത്തവണ വിട്ടുനിൽക്കുകയാണ്​. വർഷം 440 കോടിയാണ്​ വിവോ നൽകേണ്ടിയിരുന്നത്​. എന്നാൽ, കഴിഞ്ഞ ആഴ്​ച സ്​പോൺസർമാരെ ക്ഷണിക്കു​േമ്പാൾ ബി.സി.സി.​െഎ ഉദ്യോഗസ്ഥർ പറഞ്ഞത്​ വിവോ നൽകേണ്ട 440 കോടിയിൽ 30 മുതൽ 40 ശതമാനം വരെ കിഴിവ്​ നൽകാമെന്നാണ്​. ഫെസ്റ്റിവൽ സീസണിൽ നടക്കുന്ന ​െഎ.പി.എല്ലി​െൻറ ടൈറ്റിൽ സ്​പോൺസർഷിപ്പ്​ ഒരു വർഷത്തേക്ക്​ മാത്രമായി ഡിസ്​കൗണ്ടിൽ ലഭിക്കുന്നത്​ ടാറ്റാ ഗ്രൂപ്പ്​ പരമാവധി ഉപയോഗപ്പെടുത്താൻ സാധ്യതയുണ്ടെന്നും വിദഗ്​ധർ അഭിപ്രായപ്പെടുന്നു.

ഇന്ത്യൻ ടീമി​െൻറ ജഴ്​സി സ്​പോൺസറായ ബൈജൂസ്​ നിലവിൽ വലിയ തുക അതിന്​ വേണ്ടി ചെലവഴിക്കുന്നുണ്ട്​. റിലയൻസ്​ ജിയോ ​െഎ.എസ്​.എൽ അടക്കമുള്ള മറ്റ്​ പല കായിക ഇനങ്ങളുടെയും ടൈറ്റിൽ സ്​പോൺസർഷിപ്പ്​ ഏറ്റെടുത്തിട്ടുണ്ട്​. പതഞ്ജലി അൺഅക്കാദമി എന്നീ കമ്പനികൾക്കും ഇത്തവണ സാധ്യത കൽപ്പിക്കുന്നുണ്ട്​. എന്തായാലും വരുന്ന വെള്ളിയാഴ്​ച ​െഎ.പി.എൽ ടൈറ്റിലിനൊപ്പം ആരുടെ പേരാണുണ്ടാവുക എന്ന്​ തീരുമാനമാകും.