'വിവാഹ വാഗ്ദാനം നൽകി ലൈംഗികമായി ചൂഷണം ചെയ്തു, നിരവധിപേർ അവന്റെ വലയിൽപെട്ടു'; യുവതിയുടെ പരാതിയിൽ യാഷ് ദയാലിനെതിരെ കേസെടുത്തു

ഗാ​സി​യാ​ബാ​ദ് (യു.​പി): വി​വാ​ഹ വാ​ഗ്ദാ​നം ന​ല്‍കി ലൈം​ഗി​ക ചൂ​ഷ​ണം ചെ​യ്തു​വെ​ന്ന യു​വ​തി​യു​ടെ പ​രാ​തി​യി​ൽ റോ​യ​ല്‍ ച​ല​ഞ്ചേ​ഴ്‌​സ് ബം​ഗ​ളൂ​രു താ​രം യാ​ഷ് ദ​യാ​ലി​നെ​തി​രെ എ​ഫ്.​ഐ.​ആ​ർ.

മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​ന്റെ ഓ​ൺ​ലൈ​ൻ പ​രാ​തി​പ​രി​ഹാ​ര പോ​ർ​ട്ട​ലി​ലാ​ണ് യു​വ​തി പ​രാ​തി ന​ൽ​കി​യ​ത്. തു​ട​ര്‍ന്ന് പൊ​ലീ​സ് പ്രാ​ഥ​മി​ക അ​ന്വേ​ഷ​ണം ന​ട​ത്തി.

ഇ​ന്ദി​രാ​പു​രം പൊ​ലീ​സ് സ്‌​റ്റേ​ഷ​നി​ലാ​ണ് എ​ഫ്‌.​ഐ.​ആ​ര്‍ ര​ജി​സ്റ്റ​ര്‍ ചെ​യ്തി​രി​ക്കു​ന്ന​ത്. ദ​യാ​ലു​മാ​യി ത​നി​ക്ക് അ​ഞ്ചു വ​ര്‍ഷ​ത്തെ ബ​ന്ധ​മു​ണ്ടെ​ന്നും ത​ന്നെ മാ​ന​സി​ക​മാ​യും ശാ​രീ​രി​ക​മാ​യും ചൂ​ഷ​ണം ചെ​യ്‌​തെ​ന്നും പ​രാ​തി​യി​ല്‍ പ​റ​യു​ന്നു.

'വിവാഹ വാഗ്ദാനം നൽകി അയാൾ എന്നെ പലതവണ ശാരീരികമായി ഉപയോഗപ്പെടുത്തി. അയാളുടെ കുടുംബത്തിന് എന്നെ പരിചയപ്പെടുത്തി. ഞാൻ അവരുടെ മരുമകളാകുമെന്ന് അവർ ഉറപ്പുനൽകി. തികഞ്ഞ സത്യസന്ധതയോടും സമർപ്പണത്തോടും കൂടിയാണ് ഞാൻ ബന്ധം നിലനിർത്തിയത്. എന്നാൽ, മറ്റ് സ്ത്രീകളുമായുള്ള അവന്റെ ബന്ധം എനിക്ക് ആഴത്തിലുള്ള മാനസിക ആഘാതമാണ് ഉണ്ടാക്കിയത്. പക്ഷേ, യാഷിന്റെ കുടുംബം വിവാഹ പ്രതീക്ഷ നൽകിക്കൊണ്ടിരുന്നു. ദയാൽ സമാനമായി വഞ്ചിച്ച മൂന്ന് പെൺകുട്ടികൾ എന്നോട് അനുഭവങ്ങൾ പങ്കുവെച്ചു. ഇത് തനിക്ക് വിഷാദരോഗത്തിന് കാരണമായി'- യുവതി പരാതിയിൽ പറഞ്ഞു.