Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightഹൈദരാബാദിന്​ വീണ്ടും...

ഹൈദരാബാദിന്​ വീണ്ടും തിരിച്ചടി; പിതാവ്​ മരിച്ചതിനെ തുടർന്ന്​ കരീബിയൻ താരം മടങ്ങി

text_fields
bookmark_border
Sherfane Rutherford
cancel

ദുബൈ: പിതാവ്​ മരിച്ചതിനെ തുടർന്ന്​ സൺറൈസേഴ്​സ്​ ഹൈദരാബാദിന്‍റെ വെസ്റ്റിൻഡീസ്​ ബാറ്റർ ഷെർഫെയ്​ൻ റൂഥർഫോഡ്​ ​െഎ.പി.എൽ ബയോബബ്​ൾ വിട്ട്​ നാട്ടിലേക്ക്​ മടങ്ങി. താരത്തിന്‍റെ പിതാവിന്‍റെ നിര്യാണത്തിൽ ടീം ട്വിറ്റർ അക്കൗണ്ടിലൂടെ അനുശോചനം രേഖപ്പെടുത്തി.

കഴിഞ്ഞ ദിവസം പേസർ ടി. നടരാജൻ കോവിഡ്​ പോസിറ്റീവായിരുന്നു. താരവുമായി അടുത്ത്​ ഇടപഴകിയ വിജയ്​ ശങ്കറും ഇതോടെ ഐസൊലേഷനിൽ കഴിയേണ്ടി വന്നു. റൂഥർഫോഡിന്‍റെ മടക്കം പോയിന്‍റ്​ പട്ടികയിലെ അവസാന സ്​ഥാനക്കാരായ സൺറൈസേഴ്​സിന്​ മറ്റൊരു തിരിച്ചടിയായി.

ഇംഗ്ലീഷ്​ താരം ജോണി ബെയർസ്​റ്റോയുടെ അഭാവത്തിലാണ്​ ഗയാനക്കാരനായ റൂഥർഫോഡിനെ ഹൈദരാബാദ്​ ടീമിലെത്തിച്ചത്​. അടുത്തിടെ സമാപിച്ച കരീബിയൻ പ്രീമിയർ ലീഗിൽ താരം മികച്ച ഫോമിലായിരുന്നു. എങ്കിലും വിൻഡീസിന്‍റെ ട്വന്‍റി20 ലോകകപ്പ്​ ടീമിൽ സ്​ഥാനം പിടിക്കാനായിരുന്നില്ല.

ഇടംകൈയ്യൻ ബാറ്ററായ 23കാരൻ മുമ്പ്​ ഐ.പി.എല്ലിൽ ഡൽഹി കാപിറ്റൽസിനും മുംബൈ ഇന്ത്യൻസിനും വേണ്ടി കളിച്ചിട്ടുണ്ട്​. കഴിഞ്ഞ ദിവസം ഡൽഹിക്കെതിരെ നടന്ന മത്സരത്തിൽ റൂഥർഫോഡിനെ ആദ്യ ഇലവനിൽ കളിപ്പിച്ചിര​ുന്നില്ല.

എട്ട്​ മത്സരങ്ങളിൽ നിന്ന്​ ഒരു മത്സരം മാത്രം വിജയിച്ച ടീമിന്​ പ്ലേഓഫ്​ സാധ്യത വിദൂരമാണ്​. പഞ്ചാബ്​ കിങ്​സിനെതിരെയാണ്​ ഹൈദരാബാദിന്‍റെ അടുത്ത മത്സരം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Sunrisers HyderabadSherfane RutherfordIPL 2021
News Summary - Sunrisers Hyderabad's Sherfane Rutherford returns home due to father's death
Next Story