Top
Begin typing your search above and press return to search.
exit_to_app
exit_to_app
ഒരുകാലത്ത്​ നാം അവർക്ക്​​ ബ്ലഡി ഇന്ത്യൻസ്​ ആയിരുന്നു, ഐ‌.പി.എൽ വന്നതോടെ സ്വരം മാറി; ഇംഗ്ലണ്ടിൽ നേരിട്ട വംശീയതയെ കുറിച്ച്​ ഫറൂഖ്​ എഞ്ചിനീയർ
cancel
Homechevron_rightSportschevron_rightCricketchevron_rightഒരുകാലത്ത്​ നാം...

ഒരുകാലത്ത്​ നാം അവർക്ക്​​ 'ബ്ലഡി ഇന്ത്യൻസ്​' ആയിരുന്നു, ഐ‌.പി.എൽ വന്നതോടെ സ്വരം മാറി; ഇംഗ്ലണ്ടിൽ നേരിട്ട വംശീയതയെ കുറിച്ച്​ ഫറൂഖ്​ എഞ്ചിനീയർ

text_fields
bookmark_border

ന്യൂഡൽഹി: ഇംഗ്ലണ്ടിൽ നേരിട്ട വംശീയതയെ കുറിച്ച്​ തുറന്ന്​ പറഞ്ഞ്​ ഇന്ത്യയുടെ മുന്‍ വിക്കറ്റ് കീപ്പര്‍ ബാറ്റ്‌സ്മാന്‍ ഫറൂഖ് എഞ്ചിനീയര്‍. വംശീയവും ലൈംഗികച്ചുവയുള്ളതുമായ പഴയ ട്വീറ്റുകളെ തുടർന്ന്​ പേസർ ഒല്ലി റോബിൻസണെ ഇംഗ്ലണ്ട്​ ക്രിക്കറ്റ്​ ബോർഡ്​ അന്താരാഷ്ട്ര മത്സരങ്ങളില്‍ നിന്ന് സസ്‌പെന്‍ഡ് ചെയ്ത സംഭവത്തിന്​ പിന്നാലെയാണ്​ അദ്ദേഹം പ്രതികരിച്ചത്​. തെറ്റായ പ്രവർത്തി ചെയ്​ത റോബിൻസണ്​​ ശിക്ഷ നൽകിയ​ ഇംഗ്ലണ്ട്​ ക്രിക്കറ്റ്​ ബോർഡ്​ നടപടി​ ഏറ്റവും ശരിയായ കാര്യമാണെന്ന്​ ഫറൂഖ്​ എഞ്ചിനീയർ പറഞ്ഞു. ഒപ്പം ഇംഗ്ലണ്ടിൽ താൻ മുമ്പ്​ നേരിട്ട വംശീയാധിക്ഷേപത്തെ കുറിച്ചും അദ്ദേഹം വാചാലനായി.

ഇംഗ്ലീഷ്​ കൗണ്ടി ക്രിക്കറ്റിൽ ലങ്കാഷെയറിന്​ വേണ്ടി കളിക്കുന്ന സമയത്ത് ഇന്ത്യക്കാരനായതിനാൽ​ നിരവധി തവണ വംശീയ പരാമർശങ്ങൾ നേരിട്ടിരുന്നതായി അദ്ദേഹം പറഞ്ഞു. 'അവൻ ഇന്ത്യയിൽ നിന്നാണോ..? എന്ന ചോദ്യം ഒന്നോ രണ്ടോ തവണ കേൾക്കേണ്ടി വന്നിട്ടുണ്ട്​... കൂടാതെ ത​െൻറ ഇന്ത്യൻ ചുവയിലുള്ള ഇംഗ്ലീഷിനെയും അവർ കളിയാക്കിയിരുന്നതായി ഫറൂഖ്​ എഞ്ചിനീയർ ഇന്ത്യൻ എക്​സ്​പ്രസിനോട്​ പറഞ്ഞു.

"എ​െൻറ ഇംഗ്ലീഷ് മിക്ക ഇംഗ്ലീഷുകാരേക്കാളും മികച്ചതാണെന്ന് ഞാൻ കരുതുന്നു, അതുകൊണ്ട്​ ഫറോക്ക് എഞ്ചിനീയറോട്​ കളിക്കാൻ നിക്കരുതെന്ന്​ അവർ പെട്ടെന്നുതന്നെ മനസ്സിലാക്കി. മാത്രമല്ല, എന്നെ കൊണ്ട്​ എന്തൊക്കെ കഴിയുമെന്ന്​ ബാറ്റിങ്ങും വിക്കറ്റ്​ കീപ്പിങ്ങും കൊണ്ട് ഞാൻ​ തെളിയിച്ചുകൊടുത്തു. രാജ്യത്തി​െൻറ അംബാസഡറായി ഇന്ത്യയുടെ അഭിമാനം കാക്കാൻ കഴിഞ്ഞതിൽ ഞാൻ അഭിമാനിക്കുന്നു, " -അദ്ദേഹം കൂട്ടിച്ചേർത്തു.

ഐ‌പി‌എല്ലി​െൻറ ഉദയത്തോടെ മുൻ അന്താരാഷ്​ട്ര താരങ്ങളുടെ സ്വരം മാറിയതും ഫറൂഖ്​ എഞ്ചിനീയർ എടുത്തുപറഞ്ഞു. ''കുറച്ച് വർഷങ്ങൾക്ക് മുമ്പ് വരെ നാമെല്ലാവരും അവർക്ക്​ 'ബ്ലഡി ഇന്ത്യൻസ്​' ആയിരുന്നു. എന്നാൽ, ഐ‌പി‌എൽ ആരംഭിച്ചതോടെ, അവരെല്ലാവരും ഞങ്ങളുടെ പിറകെയാണ്​. അത്​ എന്നെ അതിശയിപ്പിക്കുന്നു, പണം കാരണം, അവർ ഇപ്പോൾ ഞങ്ങളുടെ ബൂട്ട് നക്കുകയാണ്. എന്നാൽ തുടക്കത്തിൽ അവരുടെ യഥാർത്ഥ ഭാവം എന്തായിരുന്നുവെന്ന്​ അറിയാവുന്നവരാണ്​ എന്നെപ്പോലുള്ളവർ. ഇപ്പോഴവരുടെ സ്വരം മാറി. -അദ്ദേഹം കൂട്ടിച്ചേർത്തു.

Show Full Article
TAGS:Farokh Engineer Racism England 
News Summary - Farokh Engineer On Facing Racism In England
Next Story