വനിതാ ആഷസ് ടെസ്റ്റിൽ ആവേശകരമായ സമനില

ആസ്ട്രേലിയയും ഇംഗ്ലണ്ടും തമ്മിലെ വനിതാ ആഷസ് ഏക ടെസ്റ്റ് മത്സരം സമനിലയിൽ കലാശിച്ചു. ഇരുടീമുകൾക്കും ജയപരാജയ സാധ്യതകൾ മാറിമറിഞ്ഞ മത്സരം ആവേശകരമായ സമനിലയിൽ പിരിയുകയായിരുന്നു.

സ്​കോർ: ആസ്​ട്രേലിയ - 337/9 ഡിക്ലയർ, 216/7 ഡിക്ലയർ. ഇംഗ്ലണ്ട്​ - 297, 245/9

ഇംഗ്ലണ്ടിന്​ രണ്ടാം ഇന്നിങ്​സിൽ 257 റൺസായിരുന്നു വിജയലക്ഷ്യം. എന്നാൽ, ഒമ്പത്​ വിക്കറ്റ്​ നഷ്ടത്തിൽ 245 റൺസ്​ മാത്രമാണ്​ എടുക്കാനായത്​.

ഓപണർമാരായ ലോറൻ വിൻഫീൽഡ് ഹില്ലും ടാമി ബ്യൂമോണ്ടും ഒന്നാം വിക്കറ്റിൽ 52 റൺസ് കൂട്ടിച്ചേർത്തപ്പോൾ മാന്യമായ തുടക്കമാണ് ഇംഗ്ലണ്ടിന്​ ലഭിച്ചത്.

അവസാന ദിനം പത്തോവർ ബാക്കിനിൽക്കെ ജയിക്കാൻ വേണ്ടിയിരുന്നത്​ 45 റൺസായിരുന്നു. എന്നാൽ, 26 റൺസ്​ എടുക്കുന്നതിനിടെ ആറ്​ വിക്കറ്റുകൾ വീഴ്ത്തി ആസ്​ട്രേലിയ കളിയിലേക്ക്​ തിരിച്ചുവന്നു. പക്ഷെ, വാലറ്റത്ത്​ കേറ്റ്​ ക്രോസ്​ (12 പന്തിൽ ഒരു റൺസ്​) പിടിച്ചുനിന്നതോടെ ആസ്​​ട്രേലിയ അർഹിച്ച വിജയം വഴുതിപ്പോയി.

സോഫിയ ഡക്ലി (45), നഥാലി സ്കിവര്‍(58), ഹീത്തര്‍ നൈറ്റ് (48), താമി ബ്യൂമോണ്ട് (36), ലൗറന്‍ വിന്‍ഫീൽഡ് ഹിൽ (33) എന്നിവരായിരുന്നു ഇംഗ്ലണ്ടിന്‍റെ പ്രധാന സ്കോറര്‍മാര്‍. ആസ്​ട്രേലിയക്ക്​ വേണ്ടി അന്നാബെൽ സതർലാൻഡ്​ മൂന്ന്​ വിക്കറ്റുകൾ നേടി.

ആസ്​ട്രേലിയയും ഇംഗ്ലണ്ടും തമ്മിലെ ഏകദിന പരമ്പര ഫെ​ബ്രുവരി മൂന്നിന്​ ആരംഭിക്കും. മൂന്ന്​ മത്സരങ്ങളാണുള്ളത്​.