ആസ്​ട്രേലിയയെ തകർത്തെറിഞ്ഞ്​ വിൻഡീസ്​ പട

സെൻറ്​ ലൂ​സി​യ: കു​ട്ടി​ക്രി​ക്ക​റ്റ്​ ലോ​ക​ക​പ്പി​ന് ഒ​രു​ങ്ങു​ന്ന വ​മ്പ​ന്മാ​ർ ജാ​​ഗ്ര​തൈ... ട്വ​ൻ​റി20 പ​ര​മ്പ​ര​യി​ൽ ആ​സ്​​ട്രേ​ലി​യ​യെ അഞ്ചാം മ​ത്സ​ര​ത്തി​ൽ ത​ക​ർ​ത്തെ​റി​ഞ്ഞ്​ ക​രീ​ബി​യ​ൻ പ​ട​യു​ടെ ജൈ​ത്ര​യാ​ത്ര. ആ​വേ​ശം നി​റ​ഞ്ഞ മത്സരത്തിൽ 16 റ​ൺ​സി​നാ​ണ്​ വി​ൻ​ഡീ​സ്​ ഓ​സീ​സി​നെ തോ​ൽ​പി​ച്ച​ത്. സ്​​കോ​ർ: വെ​സ്​​റ്റി​ൻ​ഡീ​സ്​ -199/8(20 ഓ​വ​ർ), ആ​സ്​​ട്രേ​ലി​യ-183/9(20 ഓ​വ​ർ). ഇ​തോ​ടെ 4-1ന്​ ​ആ​തി​ഥേ​യ​ർ പ​ര​മ്പ​ര സ്വ​ന്ത​മാ​ക്കി.

ഒ​ക്​​ടോ​ബ​ർ 17ന്​ ​ആ​രം​ഭി​ക്കു​ന്ന ട്വ​ൻ​റി20 ലോ​ക​ക​പ്പി​ൽ ത​ങ്ങ​ൾ ഫേ​വ​റേ​റ്റു​ക​ളാ​ണെ​ന്ന​റി​യി​ച്ചാ​ണ്​​ വെ​സ്​​റ്റി​ന്‍ഡീ​സ് ടീം ​പ​ര​മ്പ​ര അ​വ​സാ​നി​പ്പി​ച്ച​ത്. 2016ൽ സമാപിച്ച ഒടുവിലെ ട്വന്‍റി 20 ലോക ജേതാക്കളാണ്​ വിൻഡീസ്​. വെ​സ്​​റ്റി​ൻ​ഡീ​സി​​ൻെ​റ ഹെ​യ്​​ഡ​ന്‍ വാ​ല്‍ഷ് ജൂ​നി​യ​ര്‍ ആ​ണ് പ​ര​മ്പ​ര​യു​ടെ താ​രം. 34 പ​ന്തി​ല്‍ 79 റ​ണ്‍സെ​ടു​ത്ത എ​വി​ന്‍ ലൂ​യി​സി​​ൻെ​റ പ്ര​ക​ട​ന​ത്തി​ലാ​ണ്​ ആ​തി​ഥേ​യ​ർ കൂ​റ്റ​ൻ സ്​​കോ​റി​ലേ​ക്കെ​ത്തി​യ​ത്. എ​വി​ന്‍ ലൂ​യി​സി​നൊ​പ്പം നി​കോ​ള​സ്​ പു​ര​ന്‍ 18 പ​ന്തി​ല്‍ 31 റ​ണ്‍സും ഗെ​യ്ല്‍ ഏ​ഴു പ​ന്തി​ല്‍ 21 റ​ണ്‍സും അ​ടി​ച്ചെ​ടു​ത്തു.

23 പ​ന്തി​ല്‍ 34 റ​ണ്‍സെ​ടു​ത്ത ആ​രോ​ണ്‍ ഫി​ഞ്ച്​ മാ​ത്ര​മാ​ണ്​ വി​ൻ​ഡീ​സ്​ ബൗ​ള​ർ​മാ​ർ​ക്കു മു​ന്നി​ൽ പി​ടി​ച്ചു നി​ന്ന​ത്. മി​ച്ച​ല്‍ മാ​ര്‍ഷ് 15 പ​ന്തി​ല്‍ 30 റ​ണ്‍സും മാ​ത്യു വെ​യ്​​ഡ് 18 പ​ന്തി​ല്‍ 26 റ​ണ്‍സും നേ​ടി. വെ​സ്​റ്റി​ന്‍ഡീ​സി​നാ​യി ഷെ​ല്‍ഡ​ണ്‍ കോ​ട്രെ​ലും ആ​ന്ദ്രെ റ​സ്സ​ലും മൂ​ന്നു വീ​തം വി​ക്ക​റ്റ് വീ​ഴ്ത്തി.