Begin typing your search above and press return to search.
exit_to_app
exit_to_app
100ാം ടെസ്​റ്റിൽ സെഞ്ച്വറിയോടെ റൂട്ട്​; ഇന്ത്യക്കെതിരെ ഇംഗ്ലണ്ടിന്​ മികച്ച തുടക്കം
cancel
Homechevron_rightSportschevron_rightCricketchevron_right100ാം ടെസ്​റ്റിൽ...

100ാം ടെസ്​റ്റിൽ സെഞ്ച്വറിയോടെ റൂട്ട്​; ഇന്ത്യക്കെതിരെ ഇംഗ്ലണ്ടിന്​ മികച്ച തുടക്കം

text_fields
bookmark_border


ചെന്നൈ: ആധികാരിക സെഞ്ച്വറിയോടെ ജോ റൂട്ടും 87 റൺസോടെ ഡോം സിബ്​ലിയും നയിച്ച ഒന്നാം ദിനത്തിൽ ഇന്ത്യക്കെതിരെ ഗംഭീരമായി തുടങ്ങി ഇംഗ്ലണ്ട്​. പരമ്പരയിലെ ആദ്യ ടെസ്​റ്റിന്​ ​ചെന്നൈയിലെ മൈതാനത്ത്​ തുടക്കം കുറിച്ചപ്പോഴാണ്​ പുറത്താകാതെ റൂട്ട്​ 128 റൺസുമായി ഇംഗ്ലീഷ്​ പടയോട്ടത്തി​െൻറ നായകനായത്​. ഓപണറായി ഇറങ്ങിയ സിബ്​ലി 286 പന്ത്​ നേരിട്ട്​ റൂട്ടിനൊപ്പം 200 റൺസ്​ കൂട്ടുകെട്ട്​ പടുത്തുയർത്തി വലിയ ഭീഷണിയുടെ സൂചന നൽകിയെങ്കിലും അവസാന ഓവറിൽ നിർണായക വിക്കറ്റ്​ പിഴുത്​ ഫാസ്​റ്റ്​ബൗളർ ജസ്​പ്രീത്​ ബുംറ ഇന്ത്യയെ വീണ്ടും തീരികെയെത്തിച്ചു.

ആസ്​ട്രേലിയയിൽ ചെന്ന്​ കംഗാരുക്കളെ കീഴടക്കി ലോക ടെസ്​റ്റ്​ ചാമ്പ്യൻഷിപ്പിൽ ഒന്നാം സ്​ഥാനത്തേക്ക്​ മടങ്ങിയെത്തിയതി​െൻറ ആഘോഷം തുടരാമെന്ന്​ ഉറപ്പിച്ചാണ്​ വെള്ളിയാഴ്​ച ഇംഗ്ലീഷുകാർക്കെതിരെ ഇന്ത്യ പന്തെടുത്തത്​്​. തുടക്കത്തിൽ ഇന്ത്യ തന്നെ മേൽക്കൈ നിലനിർത്തുകയും ചെയ്​തു. 63 എത്തിയപ്പോഴേക്ക്​ രണ്ടു വിക്കറ്റ്​ വീണ്​ പതറിയ സന്ദർശക​രെ​ റൂട്ടും ​സിബ്​ലിയും ചേർന്ന്​ മുന്നോട്ടു നയിക്കുകയായിരുന്നു. റൂട്ടി​െൻറ വഴിയിൽ സിബ്​ലിയും സെഞ്ച്വറി തൊടുമെന്ന്​ തോന്നിച്ചെങ്കിലും കളി നിർത്താനിരിക്കെ ബുംറ കൊടുങ്കാറ്റായി. ഇൻസ്വിംഗായി വന്ന യോർകറാണ്​ സിബ്​ലിയെ എൽ.ബി.ഡബ്ല്യുവിൽ കുരുക്കിയത്​.

​അടുത്തിടെ ലങ്കൻ പര്യടനത്തിൽ 228ഉം 186ഉം റൺസുമായി ടീമി​െൻറ നെടുംതൂണായി മാറിയ റൂട്ട്​ ഇന്ത്യയിലും പതിവ്​ തുടർന്നാൽ അത്​ തിരിച്ചടിയാകും. പൂജ്യക്കാരനായി ഡാനിയൽ ലോറൻസും 33 എടുത്ത്​ റോറി ബേൺസുമാണ്​ പുറത്തായ മറ്റുള്ളവർ. ബുംറ രണ്ടു വിക്കറ്റെടുത്തപ്പോൾ അശ്വിൻ ഒരു വിക്കറ്റെടുത്തു.

2013നു ശേഷം സ്വന്തം മണ്ണിൽ ഒറ്റ ടെസ്​റ്റ്​ മാത്രം തോറ്റ ചരിത്രമുള്ള ഇന്ത്യക്ക്​ തിരിച്ചുവരവ്​ അനായാസമാകുമെന്നു തന്നെയാണ്​ സൂചനകൾ.

Show Full Article
TAGS:England India test Root century 
News Summary - England in India: Joe Root marks 100th Test with century as tourists dominate day one
Next Story