Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightന്യൂസിലൻഡിൽ കടുവ...

ന്യൂസിലൻഡിൽ കടുവ ഗർജനം; ലോകചാമ്പ്യൻമാരെ വീഴ്ത്തിയത്​ എട്ടുവിക്കറ്റിന്​

text_fields
bookmark_border
bangladesh cricket
cancel

മൗണ്ട്​ മോംഗനൂയി: ലോകജേതാക്കളായ ന്യൂസിലൻഡിനെ അവരു​ടെ മണ്ണിൽ എട്ടുവിക്കറ്റിന്​ തകർത്ത്​ ബംഗ്ലാദേശ്​ ചരിത്രം തിരുത്തി. ലോകറാങ്കിങ്ങിൽ രണ്ടാം സ്ഥാനക്കാരായ ന്യൂസിലൻഡിനെതിരെ ഒമ്പതാം സ്ഥാനക്കാരായ കട​ുവകളുടെ അട്ടിമറി. രണ്ടാം ഇന്നിങ്​സിൽ ജയിക്കാൻ 40 റൺസ്​ മാത്രം വേണ്ടിയിരുന്ന സന്ദർശകർ രണ്ടുവിക്കറ്റ്​ മാത്രം നഷ്ടപ്പെടുത്തി ലക്ഷ്യത്തിലെത്തി. കഴിഞ്ഞ നാലുവർഷത്തിനിടെ സ്വന്തം മണ്ണിൽ ആദ്യമായാണ്​ കിവീസ്​ പരാജയം രുചിക്കുന്നത്​.

ന്യൂസിലൻഡിലെ ബംഗ്ലാദേശിന്‍റെ ആദ്യ ടെസ്റ്റ്​ വിജയമാണിത്​. 61എവേ ടെസ്റ്റുകളിൽ ഇത്​ ആറാമത്തെ മാത്രം വിജയവുമാണ്​. ഇതോടെ രണ്ടുമത്സരങ്ങളടങ്ങിയ പരമ്പരയിൽ ബംഗ്ലാദേശ്​ 1-0ത്തിന്​ മുന്നിലെത്തി.

വെറും 46 റൺസ്​ മാ​ത്രം വഴങ്ങി ആറുവിക്കറ്റ്​ വീഴ്ത്തിയ ഇബാദത്ത്​ ഹുസൈന്‍റെ ബൗളിങ്​ മികവിൽ ബംഗ്ലാദേ്​ ആതിഥേയരെ രണ്ടാം ഇന്നിങ്​സിൽ 169 റൺസിന്​ പുറത്താക്കുകയായിരുന്നു.


വിവിധ ഫോർമാറ്റുകളിലായി ന്യൂസിലൻഡിൽ കളിച്ച 32 മത്സരങ്ങളിലും ബംഗ്ലാദേശിന്​ തോൽവിയായിരുന്നു ഫലം. സ്വന്തം മണ്ണിൽ പാകിസ്താനോട്​ തകർന്നടിഞ്ഞതിന്​ പിന്നാലെയാണ്​ ന്യൂസിലൻഡിലേക്ക്​ വണ്ടി കയറിയത്​. എന്നാൽ ആത്മവിശ്വാസത്തോടെ കിവീസിനെ നേരിട്ട കടുവകൾ എന്നെന്നും ഓർമിക്കാൻ സാധിക്കുന്ന വിജയം സ്വന്തമാക്കി.

ആദ്യ ഇന്നിങ്​സിൽ കിവീസ്​ 328 റൺസ്​ നേടി. മോമിനുൽ ഹഖ്​ (88), മഹ്​മൂദുൽ ഹസൻ ജോയ്​ (78), നജ്​മുൽ ഹുസൈൻ ഷാന്‍റോ (64), ലിട്ടൺ ദാസ്​ (86), മെഹ്​ദി ഹസൻ (47) എന്നിവരുടെ മികവിൽ 478 റൺസ്​ പടുത്തുയർത്തി ബംഗ്ലാദേശ്​ 130 റൺസിന്‍റെ ആദ്യ ഇന്നിങ്​സ്​ ലീഡ്​ സ്വന്തമാക്കി. രണ്ടാം ഇന്നിങ്​സിൽ വിൽ യങ്​ (69), റോസ്​ ടെയ്​​ലർ (40) എന്നിവർ മാത്രമാണ്​ കിവീസ്​ നിരയിൽ പ്രതിരോധിച്ച്​ നിന്നത്​. നാലുപേർ ഡക്കായി.

40 റൺസ്​ വിജയലക്ഷ്യം തേടിയിറങ്ങിയ സന്ദർശകരെ നജ്​മുൽ ഹു​സൈൻ (17), മോമിനുൽ ഹഖ്​ (13 നോട്ടൗട്ട്​), മുഷ്ഫിഖുർ റഹീം (അഞ്ച്​ നോട്ടൗട്ട്​) എന്നിവർ ചേർന്ന്​ ലക്ഷ്യത്തിലെത്തിച്ചു. ഇബാദത്ത്​ ഹുസൈനാണ്​ കളിയിയിലെ താരം. ഞായറാഴ്ച മുതൽ ക്രൈസ്റ്റ്​ചർച്ചിലാണ്​ രണ്ടാം ടെസ്റ്റ്​.

Show Full Article
TAGS:Bangladesh vs New Zealand Bangladesh New Zealand Ebadot Hossain 
News Summary - Ebadot Hossain shines; Bangladesh register first-ever Test win over New Zealand
Next Story