Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightമഴ ഇടവേളയിൽ ലങ്കൻ...

മഴ ഇടവേളയിൽ ലങ്കൻ നായകന്​ 'നുറുങ്ങുവിദ്യ​' പകർന്ന്​ ദ്രാവിഡ്​; വൈറലായി ഫോ​ട്ടോ

text_fields
bookmark_border
rahul Dravid, Dasun Shanaka
cancel

കൊളംബോ: കളിക്കാരൻ, കോച്ച്​ എന്നീ നിലകളിൽ ക്രിക്കറ്റിൽ പേരെടുത്തയാളാണ്​ രാഹുൽ ദ്രാവിഡ്​. ഗ്രൗണ്ടിനകത്തും പുറത്തും തന്‍റെ സൗമ്യമായ സ്വഭാവം കൊണ്ടും രാഹുൽ ഏവരുടെയും ഇഷ്​ടം പിടിച്ചു പറ്റാറുണ്ട്​. കൊളംബോയിൽ ഇന്ത്യ-ശ്രീലങ്ക മൂന്നാം ഏകദിനത്തിനിടയിൽ അത്തരമൊരു സംഭവമുണ്ടായി.

മഴയെത്തുടർന്ന്​ മത്സരം ഇടക്ക്​ നിർത്തിവെക്കേണ്ടി വന്നപ്പോൾ ലങ്കൻ നായകൻ ദാസുൺ ഷനാക്കയുമായി​ സംസാരിച്ച്​ കൊണ്ടിരിക്കുന്ന ദ്രാവിഡിന്‍റെ ചിത്രങ്ങളാണ്​ ഇപ്പോൾ സോഷ്യൽ മീഡിയയിൽ വൈറൽ. എതിരാളികളോട്​ പോലും വിനയം കാണിക്കുകയും​ ഉപദേശം നൽകുകയും ചെയ്യുന്ന ദ്രാവിഡിനെ പുകഴ്​ത്തുകയാണ്​ ആരാധകർ.

അതേ സമയം പരമ്പരയിലെ അവസാന മത്സരത്തിനിടെ പെയ്​​ത മഴ ലങ്കക്ക്​ അനുഗ്രഹമായി. മഴമൂലം 47 ഓവറാക്കി ചുരുക്കിയ മത്സരത്തിൽ ലങ്ക ആദ്യം ബാറ്റുചെയ്​ത ഇന്ത്യയെ 226 റൺസിന്​ പുറത്താക്കി. മറുപടി ബാറ്റിങ്ങിൽ 39 ഓവറിൽ ഏഴുവിക്കറ്റ്​ നഷ്​ടത്തിൽ ആതിഥേയർ ലക്ഷ്യം കണ്ടു. ഓപണർമാരായ അവിഷ്​ക ഫെർണാണ്ടോയും (76) ഭനുക രാജപക്​സേയുമാണ്​ (65) ലങ്കക്ക്​ ജയമൊരുക്കിയത്​.

പരമ്പരയിലെ ആദ്യ മത്സരത്തിൽ ഏകപക്ഷീയമായിരുന്നു ഇന്ത്യൻ വിജയം. രണ്ടാം മത്സരത്തിൽ ഇന്ത്യയുടെ ദൗർബല്യങ്ങൾ എടുത്തു കാട്ടിയപ്പോൾ വാലറ്റക്കാരൻ ദീപക്​ ചഹറിന്‍റെ പോരാട്ട വീര്യത്തിന്‍റെ മികവിൽ തോറ്റെന്ന്​ കരുതിയ മത്സരം തിരിച്ചുപിടിച്ചു. പരമ്പര കൈയ്യിലെത്തിയതോടെ അവസാന മത്സരത്തിൽ പരീക്ഷണത്തിന്​ മുതിർന്ന ഇന്ത്യക്ക്​ പക്ഷേ തെറ്റി. അഞ്ച്​ പേർക്ക്​ അരങ്ങേറ്റത്തിന്​ ഇന്ത്യ അവസരം നൽകിയിരുന്നു.

ഞായറാഴ്ചയാണ്​ മൂന്ന്​ മത്സരങ്ങളടങ്ങിയ ട്വന്‍റി20 പരമ്പരക്ക്​ തുടക്കം കുറിക്കുന്നത്​. ഈ വർഷം ഒക്​ടോബർ-നവംബർ മാസങ്ങളിലായി യു.എ.ഇയിലും ഒമാനിലുമായി നടക്കുന്ന ലോകകപ്പിന്​ മുമ്പ്​ ഇന്ത്യ കളിക്കുന്ന അവസാന ട്വന്‍റി20 പരമ്പരയാണ്​ ഇത്​.

Show Full Article
TAGS:rahul dravid Dasun Shanaka Viral Photo 
News Summary - Dravid shared tips to Sri Lanka skipper Dasun Shanaka during rain break photo went viral
Next Story