Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightതുഴഞ്ഞില്ല,...

തുഴഞ്ഞില്ല, ഇടിച്ചുകുത്തിപെയ്​തു; ആരാധക മനസ്സിലേക്ക്​ ധോണിയുടെ മാസ്​ റീ എൻട്രി

text_fields
bookmark_border
തുഴഞ്ഞില്ല, ഇടിച്ചുകുത്തിപെയ്​തു; ആരാധക മനസ്സിലേക്ക്​ ധോണിയുടെ മാസ്​ റീ എൻട്രി
cancel

ദുബൈ: നിർണായകമായ ​േപ്ല ഓഫ്​ മത്സരത്തിൽ രവീന്ദ്ര ​ജദേജക്കും ഡ്വെയ്​ൻ ബ്രാവോക്കും മുന്നേ സാത്വിക ഭാവത്തിൽ മഹേന്ദ്ര സിങ്​ ധോണി ക്രീസിലേക്ക്​ നടന്നടുത്തപ്പോൾ എല്ലാവരുമൊന്ന്​ ഞെട്ടി. പത്തുവർഷങ്ങൾക്ക്​ മുന്നേ വാംഖഡെയിൽ ലോകകപ്പ്​ ഫൈനലിൽ ക്രീസിലേക്ക്​ സ്ഥാനക്കയറ്റം വാങ്ങിയെത്തിയ ധോണിയെ എല്ലാവർക്കും വിശ്വാസമായിരുന്നെങ്കിലും 40കാരനായ ധോണിയിൽ കടുത്ത ചെന്നൈ ആരാധകർക്ക്​ പോലും ചെറിയ ആശങ്കകൾ ഉണ്ടായിരുന്നു.


11 പന്തിൽ 24 റൺസ്​ മാത്രം വേണമെന്നിരിക്കേ ക്രീസിൽ 'സെറ്റാകാൻ' ഏറെ സമയമെടുക്കുന്ന ധോണി എത്തിയത്​ അതിരുകടന്ന ആത്മവിശ്വാസമാകുമെന്നാണ്​ എല്ലാവരും കരുതിയത്​. ആവേശ്​ ഖാൻ എറിഞ്ഞ ആദ്യ പന്ത്​ ഡോട്ട്​ ബാളാക്കിയാണ്​ ധോണി തുടങ്ങിയത്​. നേരിട്ട രണ്ടാം പന്ത്​ ഡീപ്​ മിഡ്​വിക്കറ്റിലൂടെ താഴ്​ത്തി ഗാലറിയിൽ ലാൻഡ്​ ചെയ്യിച്ചു..സിക്​സ്​.. ​ധോണിയിൽ എല്ലാവരും പഴയ കരുത്തനെ കണ്ട നിമിഷങ്ങൾ. നേരിട്ട മൂന്നാം പന്ത്​ വീണ്ടും ഡോട്ട്​ ബാൾ.



ആറുപന്തിൽ ചെ​െന്നെക്ക്​ വിജയിക്കാൻ വേണ്ടത്​ 13 റൺസ്​. സൂപ്പർ സ്റ്റാർ ബൗളർ കാഗിസോ റബാദക്ക്​ നൽകാതെ മത്സരത്തിൽ ഉജ്ജ്വല പ്രകടനം നടത്തിയ ടോം കറനെ ഡൽഹി നായകൻ ഋഷഭ്​ പന്ത്​ പന്തേൽപ്പിച്ചു. ആദ്യപന്തിൽ തന്നെ മുഈൻ അലി പുറത്ത്​. ക്യാച്ചിനിടെ ഓടിയെത്തിയതിനാൽ സ്​ട്രൈക്​ ധോണിക്ക്​. ഓഫ്​ സ്റ്റംപിന്​ വെളിയിലേക്ക്​ വന്ന രണ്ടാം പന്ത്​ ബാക്​ഫൂട്ടിൽ നിന്ന്​ ധോണി ബൗണ്ടറിയിലേക്ക്​ അടിച്ചകറ്റി. മൂന്നാംപന്ത്​ ധോണിയുടെ ബാറ്റിലുരസി ഭാഗ്യത്തിന്‍റെ അകമ്പടിയോടെ ബൗണ്ടറിയി​ലേക്ക്​. സമ്മർദ്ദത്തിലായ ടോം കറൻ അടുത്തതായി എറഞ്ഞത്​ ഉഗ്രൻ വൈഡ്​. നേരിട്ട മൂന്നാം പന്ത്​ അനായാസം ലെഗ്​ സൈഡിലേക്ക്​ അടിച്ചകറ്റി ധോണി സ്വതസിദ്ധമായ ശൈലിയിൽ ഗാലറിയിലേക്ക്​ തിരിച്ചുനടന്നു. രണ്ട്​ പന്ത്​ ശേഷിക്കേ ചെന്നെക്ക്​ ഉഗ്രൻ വിജയം.

കഴിഞ്ഞ 14 മത്സരങ്ങളിൽ നിന്നും 96 റൺസ്​ മാത്രം നേടിയ ധോണി 15ാം മത്സരത്തിൽ നേടിയ വിലപ്പെട്ട 18 റൺസോടെ വീണ്ടും താരപ്രഭയിലേക്ക്​. വീണ്ടുമൊരു ​ഐ.പി.എൽ കിരീടം കൂടി ഏറ്റുവാങ്ങി ഐ.പി.എല്ലിൽ നിന്നും വിടപറയാനുള്ള ധോണിയുടെ ആഗ്രഹത്തിന്​ ഒരു വിജയത്തിന്‍റെ അകലം മാത്രം ബാക്കി.

Show Full Article
TAGS:MS Dhoni IPL 2021 
News Summary - Dhoni Vintage Knock
Next Story