Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_right'മഹി നിങ്ങൾ എവിടെയാണോ...

'മഹി നിങ്ങൾ എവിടെയാണോ അവിടെയാണ്​ ഞങ്ങൾ'; ധോണിയുടെ കളി കാണാൻ ദുബൈയിലെത്തി ആരാധിക

text_fields
bookmark_border
DHONI FAN GIRL
cancel

ദുബൈ: ചെന്നൈ സൂപ്പർ കിങ്​സിന്​ നാലാം ഐ.പി.എൽ കിരീടം നേടിക്കൊടുത്ത്​ 40ാം വയസിൽ എം.എസ്​. ധോണി ഒരിക്കൽ കൂടി തന്‍റെ ക്ലാസ്​ തെളിയിച്ച ദിനമായിരുന്നു വെള്ളിയാഴ്ച. ദുബൈ ക്രിക്കറ്റ്​ സ്​റ്റേഡിയത്തിൽ നടന്ന ഫൈനലിൽ കൊൽക്കത്ത ​​നൈറ്റ്​റൈഡേഴ്​സിനെ 27 റൺസിനാണ്​ ചെന്നൈ​ തോൽപിച്ചത്​.​ ധോണിക്കൊപ്പം തന്നെ ചെന്നൈയുടെ കിരീടധാരണ ദിവസം സോഷ്യൽ മീഡിയയുടെ ഹൃദയം കവർന്നത്​ ഒരു ആരാധികയാണ്​​.

2020ൽ അന്താരാഷ്​ട്ര ക്രിക്കറ്റിൽ നിന്ന്​ വിരമിച്ച ധോണി ഐ.പി.എല്ലിൽ മാത്രമാണിപ്പോൾ പാഡണിയുന്നത്​. ധോണി കളിക്കുന്നത്​ കാണാൻ വേണ്ടി മാത്രമായി ദക്ഷിണേന്ത്യൻ നഗരമായ ചെന്നൈയിൽ നിന്ന്​ ദുബൈയിലേക്ക്​ പറ​ന്നെത്തിയതായിരുന്നു ആരാധിക.

'മഹി നിങ്ങൾ എവിടെയാണോ അവിടെയാണ്​ ഞങ്ങൾ' എന്ന്​ അർഥം വരുന്ന 'മഹി തും ജഹാം ഹം വഹാം' എന്ന്​ എഴുതിയ പ്ലക്കാഡ്​ പിടിച്ച്​ ദുബൈ ക്രിക്കറ്റ്​ സ്​റ്റേഡിയത്തിലെത്തിയ പെൺകുട്ടി​ സോഷ്യൽ മീഡിയയിൽ താരമായി. പ്ലക്കാഡിൽ കപ്പ്​ ചെന്നൈയിലേക്ക്​ കൊണ്ടുവരാൻ വേണ്ടി ടീമിനോട്​ അവർ അഭ്യർഥിക്കുകയും ചെയ്​തിരുന്നു​.

ഈ സീസണിലെ ഐ.പി.എൽ ഫൈനലിലൂടെ ധോണി മറ്റൊരു നേട്ടം കൂടി സ്വന്തമാക്കി. നായകനെന്ന നിലയിൽ ധോണിയുടെ 300ാം ട്വന്‍റി20 മത്സരമായിരുന്നു വെള്ളിയാഴ്ച. ഒമ്പത്​ തവണയാണ്​ ധോണി സി.എസ്​.കെയെ ഐ.പി.എൽ ​ൈഫനലിൽ നയിച്ചത്​. ധോണിയും ഡാരൻ സമിയും (208) മാത്രമാണ്​ 200ലധികം ട്വൻി20കളിൽ നായകൻമാരായത്​.

2017 ജനുവരിയിൽ ഇന്ത്യൻ ടീമിന്‍റെ നായക സ്​​ഥാനം ഒഴിയുന്നത്​ വരെ ധോണി 72 ട്വന്‍റി20മത്സരങ്ങളിൽ നീലക്കുപ്പായക്കാരെ നയിച്ചിരുന്നു. ചെന്നൈയെ 213 മത്സരങ്ങളിൽ നയിച്ച ധോണി 14 മത്സരങ്ങളിൽ റൈസിങ്​ പൂനെ സൂപ്പർജയന്‍റിന്‍റെയും ക്യാപ്​റ്റനായിരുന്നു.

Show Full Article
TAGS:MS Dhoni IPL 2021 chennai super kings 
News Summary - Dhoni fangirl travels from Chennai to Dubai became social media sensation after CSK'S 4th IPL title
Next Story