ഐ.പി.എല്ലിലൊരു മലയാളിത്തിളക്കം; എടപ്പാളുകാരൻ ദേവ്​ദത്ത്​ പടിക്കലിന്​ അർധസെഞ്ച്വറി

ദുബൈ: : വെടിക്കെട്ടുകളുടെ തമ്പുരാക്കന്മാരായ വിരാട്​ കോഹ്​ലിയെയും എബി ഡിവ​ില്യേഴ്​സിനെയും ഡഗ്​ഒൗട്ടിൽ സാക്ഷിയാക്കി മലയാളി താരം ദേവ്​ദത്ത്​ പടിക്കലി​െൻറ സംഭവബഹുലമായ അരങ്ങേറ്റം. സൺറൈസേഴ്​സ്​ ഹൈദരാബാദിനെതിരായ മത്സരത്തിൽ ബാംഗ്ലൂർ റോയൽ ചലഞ്ചേഴ്​സി​െൻറ ഇന്നിങ്​സ്​ ഒാപൺ ചെയ്യാൻ നിയോഗം ലഭിച്ച ദേവ്​ദത്ത്​ ഒട്ടും മോശമാക്കിയില്ല.

മറുതലക്കൽ ആസ്​ട്രേലിയൻ ക്യാപ്​റ്റൻ ആരോൺ ഫിഞ്ചിനെ നിർത്തി തിരികൊളുത്തിയ വെടിക്കെട്ടിൽ എട്ട്​ ബൗണ്ടറികൾ പിറന്നു.

42 പന്തിൽ 56 റൺസുമായി അരങ്ങേറ്റം തന്നെ അർധ​സെഞ്ച്വറിയാക്കി മാറ്റിയാണ്​ 20കാരൻ കളം വിട്ടത്​. പിന്നാലെ ക്രീസിലെത്തിയ എബി ഡിവില്യേഴ്​സ്​ (30 പന്തിൽ 51) ബാക്കി ഭാഗം കൂട്ടിച്ചേർത്തു. ബാംഗ്ലൂർ സ്​കോർ അഞ്ചു വിക്കറ്റ്​ നഷ്​ടത്തിൽ 163 റൺസ്​. ദേവ്​ദത്തിന്​ മികച്ച സ്​ട്രൈക്ക്​ നൽകിയ ആരോൺ ഫിഞ്ച്​ 29 റൺസെടുത്തു. വിരാട്​ കോഹ്​ലി 14ഉം, ശിവം ദുബെ ഏഴും റൺസുമായി മടങ്ങി.ടോസ്​ ജയിച്ച ഹൈദരാബാദ്​ ബാംഗ്ലൂരിനെ ബാറ്റിങ്ങിന്​ അയക്കുകയായിരുന്നു.

മലപ്പുറം എടപ്പാൾ സ്വദേശിയായ ദേവ്​ദത്ത്​ കർണാടകക്കുവേണ്ടിയാണ്​ കളിച്ചുവളർന്നത്​. 20കാരനായ ദേവ്​ദത്തിനെ 2019ൽ 20 ലക്ഷം രൂപക്കാണ്​ റോയൽ ചാലഞ്ചേഴ്​സ്​ സ്വന്തമാക്കിയത്​. സയ്യിദ് മുഷ്താഖ് അലി ടി20 ട്രോഫിയിലുൾ​പ്പെടെ കർണാടകക്കായി നടത്തിയ മികച്ച പ്രകടനമാണ്​ ദേവ്​ദത്തിനെ ആർ.സി.ബി ജഴ്​സിയിലെത്തിച്ചത്​.