Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightഇക്കുറി ബൗളർമാർ...

ഇക്കുറി ബൗളർമാർ രക്ഷിച്ചില്ല; മുംബൈയുടെ കൊ​െമ്പാടിച്ച്​ ഡൽഹി

text_fields
bookmark_border
mishra
cancel

ചെ​ന്നൈ: കുറഞ്ഞ സ്​കോറിൽ പുറത്തായാലും എതിർടീമിനെ അതിലും കുറഞ്ഞ സ്​കോറിൽ പുറത്താക്കുന്ന പ്ലാനുകൾ മുംബൈ ഇന്ത്യൻസിന്​ ഇക്കുറി നടപ്പായില്ല. മും​ബൈ ഇ​ന്ത്യ​ൻ​സ്​ ഉയർത്തിയ 137റൺസിന്‍റെ കുഞ്ഞൻ വിജയലക്ഷ്യം ഡൽഹി കാപ്പിറ്റൽസ്​ 19ാം ഓവറിൽ നാലുവിക്കറ്റ്​ നഷ്​ടത്തിൽ മറികടന്നു. 42 പന്തിൽ 45 റൺസെടുത്ത ശിഖർധവാനും 29 പന്തിൽ 33 റൺസെടുത്ത സ്റ്റീവ്​ സ്​മിത്തുമാണ്​ ഡൽഹിയുടെ വിജയം എളുപ്പമാക്കിയത്​. നാലുമത്സരങ്ങളിൽ നിന്നുള്ള ഡൽഹിയുടെ മൂന്നാം വിജയമാണിത്​.

ആ പ​രി​ച​യ സ​മ്പ​ന്ന​നാ​യ മുംബൈ ലെ​ഗ്​ സ്​​പി​ന്ന​ർ അ​മി​ത്​ മി​ശ്ര​ക്കു​ മു​ന്നി​ൽ ബാ​റ്റി​ങ്ങ്​ മ​റ​ക്കുകയായിരുന്നു. നാ​ല്​ ഓ​വ​റി​ൽ 24 റ​ൺ​സ്​ വി​ട്ടു ന​ൽ​കി നാ​ലു വി​ക്ക​റ്റ്​ വീ​ഴ്​​ത്തി​യ മി​ശ്ര​യു​ടെ പ​ന്തു​ക​ൾ​ക്ക്​ മു​ന്നി​ൽ മും​ബൈ​യു​ടെ മു​ൻ​നി​ര കീ​ഴ​ട​ങ്ങി. 44 റ​ൺ​സെ​ടു​ത്ത ക്യാ​പ്​​റ്റ​ൻ രോഹിത്​ ശർമയാണ്​ മുംബൈ ടോ​പ്​ സ്​​കോ​റ​ർ. സൂ​ര്യ​കു​മാ​ർ യാ​ദ​വ്​ (24), ഇ​ഷാ​ൻ കി​ഷ​ൻ (26), ജ​യ​ന്ത്​ യാ​ദ​വ്​ (23) എ​ന്നി​വ​രൊ​ഴി​കെ അ​ഞ്ചു ബാ​റ്റ്​​സ്​​മാ​ൻ​മാ​ർ ഒ​റ്റ​യ​ക്ക​ത്തി​ൽ പു​റ​ത്താ​യി.


മൂ​ന്നാം ഓ​വ​റി​ൽ ക്വി​ൻ​റ​ൺ ഡി​കോ​ക്കി​നെ (2) മാ​ർ​ക​സ്​ സ്​​റ്റോ​യി​ണി​സ്​ പു​റ​ത്താ​ക്കി​യ​ത്​ മു​ത​ൽ തു​ട​ങ്ങു​ന്നു മും​ബൈ​യു​ടെ വീ​ഴ്​​ച.ര​ണ്ടാം വി​ക്ക​റ്റി​ൽ രോ​ഹി​തും സൂ​ര്യ​കു​മാ​ർ യാ​ദ​വും ന​ട​ത്തി​യ ചെ​റു​ത്തു നി​ൽ​പാ​യി​രു​ന്നു ചാ​മ്പ്യ​ൻ നി​ര​യി​ടെ ഏ​റ്റ​വും മി​ക​ച്ച കൂ​ട്ടു​കെ​ട്ട്​ (58 റ​ൺ​സ്). ​ആ​ർ. അ​ശ്വി​നെ​യും ക​ഗി​സോ റ​ബാ​ദ​യെ​യും സി​ക്​​സ​റും ബൗ​ണ്ട​റി​യും പ​റ​ത്തി ഇ​ന്നി​ങ്​​സ്​ കെ​ട്ടി​പ്പ​ടു​ത്ത രോ​ഹി​ത്​ ശ​ർ​മ അ​മി​ത്​ മി​ശ്ര എ​റി​ഞ്ഞ ഒ​മ്പ​താം ഓ​വ​റി​ൽ സ്​​മി​ത്തി​ന്​ പി​ടി​കൊ​ടു​ത്താ​ണ്​ മ​ട​ങ്ങി​യ​ത്. 30 പ​ന്തി​ൽ മൂ​ന്ന്​ സി​ക്​​സ​റു​മാ​യി 44 റ​ൺ​സാ​യി​രു​ന്നു സ​മ്പാ​ദ്യം. തൊ​ട്ടു​പി​ന്നാ​ലെ ഹാ​ർ​ദി​ക്​ പാ​ണ്ഡ്യ (0)അ​തേ ഓ​വ​റി​ൽ നേ​രി​ട്ട ആ​ദ്യ പ​ന്തി​ൽ പു​റ​ത്താ​യി.

ക്രു​ണാ​ൽ പാ​ണ്ഡ്യ​യെ (1) ല​ളി​ത്​ യാ​ദ​വും, കീ​രോ​ൺ പൊ​ള്ളാ​ർ​ഡി​നെ (2) മി​ശ്ര​യും പു​റ​ത്താ​ക്കി​യ​തോ​ടെ മും​ബൈ ത​ക​ർ​ന്നു ത​രി​പ്പ​ണ​മാ​യി. അ​വ​സാ​ന ഓ​വ​റു​ക​ളി​ൽ ജ​യ​ന്ത്​ യാ​ദ​വ്​ ന​ട​ത്തി​യ ചെ​റു​ത്തു​നി​ൽ​പാ​ണ്​ ടീം ​ടോ​ട്ട​ൽ 100 ക​ട​ത്തി​യ​ത്. ഡൽഹിക്കായി ആ​വേ​ശ്​ ഖാ​ൻ ര​ണ്ടും, സ്​​റ്റോ​യി​ണി​സ്, റ​ബാ​ദ, ല​ളി​ത്​ യാ​ദ​വ്​ എ​ന്നി​വ​ർ ഒ​ാ​രോ വി​ക്ക​റ്റും വീ​ഴ്​​ത്തി. സീസണിൽ നാലുമത്സരങ്ങൾ പിന്നിട്ടിട്ടും മുംബൈ ബാറ്റിങ്​ ബാറ്റിങ്​ നിരക്ക്​ ഇതുവരെയും പെരുമക്കൊത്ത പ്രകടനം കാഴ്ചവെക്കാനായിട്ടില്ല.




Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:mumbai indiansipl 2021
News Summary - Delhi vs Mumbai, 13th Match
Next Story