Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightവമ്പില്ലാതെ മുംബൈ,...

വമ്പില്ലാതെ മുംബൈ, ഡൽഹിയോടും തോറ്റു; ​േപ്ല ഓഫ്​ പ്രവേശനം കഷ്​ടത്തിൽ

text_fields
bookmark_border
വമ്പില്ലാതെ മുംബൈ, ഡൽഹിയോടും തോറ്റു; ​േപ്ല ഓഫ്​ പ്രവേശനം കഷ്​ടത്തിൽ
cancel

ഷാർജ: പ്ലേ ഓഫ്​ സാധ്യതക്ക്​ ജയം നിർണായകമായ മത്സരത്തിൽ ഡൽഹി കാപ്പിറ്റൽസിന്​ മുന്നിൽ മുട്ടുമടക്കി മുംബൈ ഇന്ത്യൻസ്​​. ബാറ്റിങ്ങിൽ വീണ്ടും അ​േമ്പ പാളിയതാണ് ചാമ്പ്യൻമാരായ​ മുംബൈക്ക്​ വിനയായത്​. ആദ്യം ബാറ്റ്​ ചെയ്​ത മുംബൈ ഉയർത്തിയ 129 റൺസ്​ 19.1 ഓവറിൽ ഡൽഹി കാപ്പിറ്റൽസ്​ മറികടക്കുകയായിരുന്നു. ആദ്യമൊന്ന്​ വിറച്ചെങ്കിലും 33 റൺസെടുത്ത ശ്രേയസ്​ അയ്യറും 20 റൺസെടുത്ത രവിചന്ദ്രൻ അശ്വിനും ചേർന്ന്​ ഡൽഹിയെ വിജയതീരമണയിക്കുകയായിരുന്നു. 77 റൺസിന്​ അഞ്ചുവിക്കറ്റ്​ നഷ്​ടപ്പെട്ട ഡൽഹി ഒരു ഘട്ടത്തിൽ പരാജയം മണത്തിരുന്നു.

ജയത്തോടെ 18 പോയന്‍റുമായി ഡൽഹി പോയന്‍റ്​ പട്ടികയിലെ രണ്ടാം സഥാനം അരക്കിട്ടുറപ്പിച്ചപ്പോൾ തോൽവിയോടെ മുംബൈയുടെ ​​േപ്ല ഓഫ്​ പ്രവേശനം കഷ്​ടത്തിലായി. 12 മത്സരങ്ങളിൽ നിന്നും പത്തുപോയന്‍റുള്ള മുംബൈക്ക്​ ഇനിയുള്ള രണ്ട്​ മത്സരങ്ങളും വിജയിച്ചാലും ​േപ്ല ഓഫ്​ പ്രവേശനം ഉറപ്പില്ല. മറ്റുടീമുകളുടെ പ്രകടനം കൂടി പരിഗണിച്ചാവും ​േപ്ല ഓഫ്​ പ്രവേശനം.


മൂന്നു പേരെ വീതം പുറത്താക്കിയ ആവേശ്​ ഖാനും അക്​സർ പ​േട്ടലുമാണ്​ മുംബൈയുടെ നടുവൊടിച്ചത്​.ടോസ് നഷ്ടപ്പെട്ട് ആദ്യം ബാറ്റ് ചെയ്​ത മുംബൈ ഇന്ത്യന്‍സിന് ഓപ്പണര്‍മാരെ പെ​ട്ടെന്നു തന്നെ നഷ്ടമായിരുന്നു. ഏഴു റണ്‍സെടുത്ത രോഹിത് ശര്‍മയെ ആവേശ് ഖാനും 19 റണ്‍സെടുത്ത ക്വിന്‍റണ്‍ ഡിക്കോക്കിനെ അക്‌സര്‍ പട്ടേലുമാണ്​ മടക്കിയത്​. മികച്ച സ്​കോർ പ്രതീക്ഷിച്ച മുംബൈക്ക്​ തുടക്കം തന്നെ പ്രഹരം ഏൽപിക്കാൻ ഡൽഹി ബൗളർമാർക്കായി.

സൂര്യകുമാർ യാദവ്​ പിടിച്ചു നിൽക്കാൻ ശ്രമിച്ചെങ്കിലും (33) അക്​സർപ​േട്ടൽ മുംബൈയുടെ ആ പ്രതീക്ഷയും തകർത്തു കളഞ്ഞു. പിന്നാലെ സൗരഭ്​ തവാരി(15), കീരൺ പൊള്ളാർഡ്​(6), ഹാർദിക്​ പാണ്ഡ്യ(17), നദാൻ കോൾട്ടർ നീൽ(1), ജയന്ത്​ യാദവ്​(11) എന്നവരെല്ലാം പുറത്തായി. ക്രുണാൽ പാണ്ഡ്യ(13)യും ബുംറയും(1) പുറത്താകാതെ നിന്നു.

Show Full Article
TAGS:Delhi Capitals Mumbai Indians IPL 2021 
News Summary - Delhi Capitals beat Mumbai Indians by 4 wickets
Next Story