Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightCricketchevron_rightഭാഗ്യമൈതാനത്തും​...

ഭാഗ്യമൈതാനത്തും​ അടിതെറ്റി റോയൽസ്​; രാജസ്​ഥാനെതിരെ ഡൽഹിക്ക്​ 46 റൺസ്​ ജയം

text_fields
bookmark_border
rajasthan royals
cancel

ഷാർജ: ​െഎ.പി.എല്ലിൽ രാജസ്​ഥാൻ റോയൽസിനെ ഇത്തവണ ഷാർജയിലെ ഭാഗ്യമൈതാനവും തുണച്ചില്ല. ഇൗ സീസണിലെ മികച്ച ടീമായി പേരെടുത്ത ഡൽഹി ക്യാപിറ്റൽസാണ്​ രാജസ്​ഥാനെ 46 റൺസിന്​ തകർത്തത്​. സ്​കോർ: ഡൽഹി ^ 184/8, രാജസ്​ഥാൻ ^ 138/10 (19.4). വിജയത്തോടെ ഡൽഹി പോയിൻറ്​ പട്ടികയിൽ ഒന്നാമതെത്തി. രാജസ്​ഥാ​െൻറ തുടർച്ചയായ നാലാം തോൽവിയാണ്​ വെള്ളിയാഴ്​ചത്തേത്​.

മലയാളി താരം സഞ്​ജു സാംസണും ബട്ട്​ലറുമെല്ലാം നിരാശപ്പെടുത്തിയപ്പോൾ ഒാപണർ ജെയസ്​വാളും തെവാത്തിയയുമാണ്​ വമ്പൻ തോൽവിയിൽനിന്ന്​ രാജസ്​ഥാനെ രക്ഷിച്ചത്​. ഒമ്പത്​ പന്തിൽനിന്ന്​ അഞ്ച്​ റൺസ്​ മാത്രമാണ്​ സഞ്​ജുവി​െൻറ സമ്പാദ്യം.

ജെയ്​സ്​വാൽ (34), ബട്ട്​ലർ (13), ക്യാപ്​റ്റൻ സ്​റ്റീവ്​ സ്​മിത്ത്​ (24), തെവാത്തിയ (38) എന്നിവർ മാത്രമാണ്​ രാജസ്​ഥാൻ നിരയിൽ രണ്ടക്കം കടന്ന ബാറ്റ്​സ്​മാൻമാർ. ഡൽഹിക്കായി റബാദ മൂന്നും അശ്വിൻ, സ്​റ്റോണിസ്​ എന്നിവർ രണ്ട്​ വീതവും വിക്കറ്റുകൾ വീഴ്​ത്തി.

ഹെറ്റ്​മെയറുടെയും സ്​റ്റോണിസി​െൻറയും ബാറ്റിങ്​ കരുത്തിലാണ്​ ഡൽഹി എട്ട്​ വിക്കറ്റ്​ നഷ്​ടത്തിൽ 184 റൺസെടുത്തത്​. ടോസ്​ നേടിയ രാജസ്​ഥാൻ ക്യാപ്​റ്റൻ സ്​റ്റീവ്​ സ്​മിത്ത്​ ബൗളിങ്​ തിരഞ്ഞെടുക്കുകയായിരുന്നു.

ക്യാപ്​റ്റ​െൻറ തീരുമാനം ശരിവെക്കുന്ന രീതിയിലായിരുന്നു ആദ്യ ഒാവറുകൾ. രണ്ടാമത്തെ ഒാവറിൽ തന്നെ ഇന്ത്യൻ താരം ശിഖാർ ധവാൻ ആർച്ചറിന്​ മുന്നിൽ കീഴടങ്ങി. അഞ്ച്​ റൺസ്​ മാത്രമായിരുന്നു സമ്പാദ്യം. പിന്നീട്​ വന്ന ശ്രേയസ്​ ​െഎയ്യരും ഒാപണർ പ്രിഥ്വി ഷായും ചേർന്ന്​ ഇന്നിങ്​സ്​ ​പതിയെ കെട്ടിപ്പടുക്കുന്നതിനിടെ അടുത്ത വിക്കറ്റും വീണു. അഞ്ചാമത്തെ ഒാവറിൽ ആർച്ചർ തന്നെയാണ്​ വീണ്ടും വിക്കറ്റ്​ വീഴ്​ത്തിയത്​. 10 പന്തിൽനിന്ന്​ 19 റൺസായിരുന്നു ഷായുടെ സമ്പാദ്യം.

ആറമാത്തെ ഒാവറിൽ ​ശ്രേയസ്​ ​അയ്യരും കൂടാരം കയറി. 22 റൺസ്​ എടുത്തുനിൽക്കെ റൺഒൗട്ട്​ ആകാനായിരുന്നു വിധി. പിന്നീട്​ എത്തിയ ക്യാപ്​റ്റനും അധിക ആയുസ്സുണ്ടായില്ല. ഒമ്പത്​ പന്തിൽനിന്ന്​ അഞ്ച്​ റൺസ്​ മാത്രമെടുത്ത പന്തും റൺഒൗട്ട്​ ആവുകയായിരുന്നു.

തുടർന്ന്​ ക്രീസിലെത്തിയ സ്​റ്റോണിസും (30 പന്തിൽനിന്ന്​ 39 റൺസ്​) ഹെറ്റ്​മെയറും (24 പന്തിൽനിന്ന്​ 45 റൺസ്​) ചേർന്നാണ്​ ഡൽഹിക്ക്​ മാന്യമായ സ്​കോർ പടുത്തുയർത്തിയത്​. ഹർഷൽ പ​േട്ടൽ (16), അക്​സർ പ​േട്ടൽ (17), റബാദ (2), അശ്വിൻ (0) എന്നിങ്ങനെയാണ്​ മറ്റുള്ളവരുടെ ബാറ്റിങ്​ പ്രകടനം.

രാജസ്​ഥാന്​ വേണ്ടി ആർച്ചർ മൂന്ന്​ വിക്കറ്റ്​ വീഴ്​ത്തി. കാർത്തിക്​ ത്യാഗി, ആൻഡ്രു ടൈ, തെവാത്തിയ എന്നിവർ ഒാരോ വിക്കറ്റുകൾ വീതവും പിഴുതു. തുടർച്ചയായി മൂന്ന്​ തോൽവികൾക്ക്​ ശേഷമാണ്​ രാജസ്​ഥാൻ റോയൽസ്​ ഷാർജയിലേ​ക്ക്​ വീണ്ടുമെത്തിയത്​. ഷാർജയിലെ ആദ്യ രണ്ട്​ മത്സരങ്ങളിൽ 200ലേറെ റൺസ്​ സ്​കോർ ചെയ്​ത്​ രാജസ്​ഥാൻ വിജയിച്ചിരുന്നു. നിലവിൽ പോയിൻറ്​ നിലയിൽ ഏഴാംസ്​ഥാനത്താണ്​ രാജസ്​ഥാൻ.

Show Full Article
TAGS:ipl 2020 Rajasthan royals Delhi capitals 
Web Title - Delhi beat Rajasthan in ipl by 46 runs
Next Story