ഓറഞ്ച്​ വസന്തം തീർത്ത ഡേവിഡ്​ വാർണറെ ഹൈദരാബാദ്​ അപമാനിച്ച്​ മടക്കുന്നു

ഹൈദരാബാദ്​: നല്ല കാലത്ത് സൺറൈസേഴ്​സ്​​ ഹൈദരാബാദ്​ ജഴ്​സിയിൽ ഓറഞ്ച്​ വസന്തം തീർത്തവന്​ ആപത്ത്​ കാലത്ത്​ അപമാനിച്ച്​ മടക്കം. വലിയ താരക്കനവും കോടിക്കിലുക്കവുമില്ലാത്ത ഹൈദരാബാദിനെ ബാറ്റി​െൻറ മൂർച്ചകൊണ്ടും തീരുമാനങ്ങളിലെ ചടുലത കൊണ്ടും ഐ.പി.എൽ ചാമ്പ്യൻമാരാക്കിയ വാർണർ ഈ സീസണോടെ ടീം വിടുന്നുവെന്നാണ്​ റിപ്പോർട്ടുകൾ. ടീം മാനേജ്​മെൻറും വാർണറും തമ്മിൽ ഒട്ടും സ്വരച്ചേർച്ചയിൽ അല്ലെന്നും വാർത്തകളുണ്ട്​.

ഇത്​ ശരിവെച്ച്​ വാർണർ തന്നെ രംഗത്തെത്തിയിട്ടുണ്ട്​. ''ഓർമകൾ തന്നതിന് എല്ലാ ആരാധകർക്കും നന്ദി. നിങ്ങളെല്ലാവരും ഇൗ ടീമിന്​ എപ്പോഴും 100 ശതമാനം പിന്തുണ തന്നു. നിങ്ങളെല്ലാവരും നൽകിയ പിന്തുണക്ക്​ അതേ അളവിൽ നന്ദിയർപ്പിക്കാൻ എനിക്കാകില്ല. ഇതൊരു അവിസ്​മരണീയമായ യാത്രയായിരുന്നു. ഞാനും എ​െൻറ കുടുംബവും നിങ്ങളെയെല്ലാവരെയും മിസ്​​ ചെയ്യും''- വാർണർ ഇൻസ്​റ്റഗ്രാമിൽ കുറിച്ചു.

സീസൺ അവസാനിപ്പിച്ചതിന്​ പിന്നാലെ സൺ റൈസേഴ്​സ്​ ഹൈദരാബാദ്​ ടീം നന്ദിയർപ്പിച്ച്​ പോസ്​റ്റ്​ ചെയ്​ത വിഡിയോയിലും ​വാർണർ ഉൾപ്പെട്ടിട്ടില്ല. ഇതിനെക്കുറിച്ച്​ ആരാധകർ ചോദ്യം ഉന്നയിച്ചതോടെ തന്നെ വിളിക്കാത്തത്​ കൊണ്ടാണ്​ പ​ങ്കെടുക്കാത്തത്​ എന്നാണ്​ വാർണർ മറുപടി നൽകിയത്​. ഇതിന്​ പിന്നാലെ ടീം മാനേജ്​മെൻറിനെതിരെ ഹൈദരാബാദ്​ ആരാധകർ സമൂഹമാധ്യമങ്ങളിൽ പ്രതിഷേധം ഉയർത്തുന്നുണ്ട്​.

ഈ സീസണിൽ മോ​ശം ഫോ​മി​ലായിരുന്ന വാർണറെ സൺറൈസേഴ്​സ്​ ടീ​മി​​െൻറ ആ​ദ്യ ഇ​ല​വ​നി​ൽ​നി​ന്ന്​ മാ​ത്ര​മ​ല്ല, ഗ്രൗ​ണ്ടി​ലേ​ക്കു​ള്ള സം​ഘ​ത്തി​ൽ പോലും ഉ​ൾ​പ്പെ​ടു​ത്തി​യിട്ടി​ല്ലായിരുന്നു. തു​ട​ർ​ന്ന്​ ഹോ​ട്ട​ൽ മു​റി​യി​ലി​രു​ന്നാണ്​ വാർണർ ശേഷിക്കുന്ന കളികൾ കണ്ടത്​.

ഐ.പി.എൽ ചരിത്രത്തിലെ ഏറ്റവും മികച്ച ബാറ്റ്​സ്​മാൻമാരിലൊരാളാണ്​ വാർണർ. 150 മത്സരങ്ങളിൽ നിന്നായി 5449 റൺസ്​ അടിച്ചുകൂട്ടിയ വാർണറാണ്​ ഐ.പി.എല്ലിൽ ഏറ്റവുമധികം റൺസ്​ നേടിയ വിദേശ താരം. മൂന്നുസീസണുകളിൽ ഏറ്റവുമധികം റൺസ്​ നേടിയ താരത്തിനുള്ള ഓറഞ്ച്​ ക്യാപ്​ നേടിയ വാർണർ ഇക്കാര്യത്തിലും മറ്റുള്ളവരേക്കാൾ മുന്നിലാണ്​. 2016ൽ സൺറൈസേഴ്​സ്​ ഐ.പി.എൽ ചാമ്പ്യൻമാരാകു​േമ്പാൾ വാർണറായിരുന്നു ക്യാപ്​റ്റൻ.

2009 മുതൽ ഐ.പി.എല്ലിൽ കളിക്കുന്ന വാർണർ പന്ത്​ ചുരണ്ടൽ മൂലം വിലക്കിലായിരുന്ന 2018ൽ മാത്രമാണ്​ കളിക്കാതിരുന്നത്​. 2014 മുതൽ തുടർച്ചയായ ആറുസീസണുകളിലാണ്​ വാർണർ 500ന്​ മുകളിൽ സ്​കോർ ചെയ്​തത്​. എന്നാൽ 2021ൽ വാർണറിന്​ അ​േമ്പ പിഴച്ചു. എട്ടുകളികളിൽ നിന്നും വെറും 195 റൺസ്​ മാത്രമാണ്​ നേടിയത്​. ഇതിനെത്തുടർന്ന്​ വാർണറെ മാറ്റി കെയ്​ൻ വില്യംസണെ ഹൈദരാബാദ്​ നായകനാക്കിയിരുന്നു.

ഹൈദരാബാദിനായി ഇത്രയും ഉജ്ജ്വല പ്രകടനം കാഴ്​ചവെച്ച വാർണർക്ക്​ ടീം മാനേജ്​മെൻറ്​ അർഹമായ വിടവാങ്ങൽ നൽകിയില്ലെന്ന ആക്ഷേപം ശക്തമാണ്​. പോയ സീസണുകളി​െലല്ലാം മികച്ച പ്രകടനം നടത്തിയ വാർണറെ അദ്ദേഹത്തി​െൻറ മോശം സമയത്ത്​ ടീം കൈവിടുന്നത്​ അനീതിയാണെന്നും ആരാധകർ പറയുന്നു.