Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightതോൽവിക്ക്​ പിന്നാലെ...

തോൽവിക്ക്​ പിന്നാലെ ഡാനിയൻ ക്രിസ്റ്റ്യനും ഗർഭിണിയായ ഭാര്യക്കും തെറിവിളി; ആരാധകരോട്​ അടങ്ങിയിരിക്കാൻ ആർ.സി.ബി

text_fields
bookmark_border
തോൽവിക്ക്​ പിന്നാലെ ഡാനിയൻ ക്രിസ്റ്റ്യനും ഗർഭിണിയായ ഭാര്യക്കും തെറിവിളി; ആരാധകരോട്​ അടങ്ങിയിരിക്കാൻ ആർ.സി.ബി
cancel

ദുബൈ: നിർണായകമായ ​േപ്ല ഓഫ്​ മത്സരത്തിൽ കൊൽക​ത്തയോട്​ നാലുവിക്കറ്റിന്​ പുറത്തായതിന്‍റെ മുഴുവൻ ദേഷ്യവും ബാംഗ്ലൂർ ആരാധകർ തീർത്തത് ഓസീസ്​ താരം​ ഡാനിയൽ ക്രിസ്റ്റ്യനോട്​​. താരത്തിന്‍റെ ഗർഭിണിയായ ഭാര്യയുടെ ഇൻസ്റ്റഗ്രാം പോസ്​റ്റിലും നിരവധി അധിക്ഷേപ പരാമർശങ്ങളാണ്​​ ആരാധകർ ചൊരിഞ്ഞത്​.

മത്സരത്തിൽ മോശം പ്രകടനമാണ്​ ഡാനിയൽ ക്രിസ്റ്റ്യൻ നടത്തിയത്​. വെറും ഒരോവറും നാല്​ പന്തും മാത്രം എറിഞ്ഞ ഡാനിയൽ ക്രിസ്റ്റ്യൻ 29 റൺസ്​ വഴങ്ങിയതാണ്​ ബാംഗ്ലൂരിന്‍റെ തോൽവിക്ക്​ പ്രധാനകാരണമായത്​. ഐ.പി.എല്ലിൽ ഈ സീസണിൽ ഒൻപത്​ മത്സരങ്ങളിൽ കളത്തിലിറങ്ങിയ ക്രിസ്റ്റ്യൻ വെറും 14 റൺസും നാലുവിക്കറ്റും മാത്രമാണ്​ നേടിയത്​​.

സൈബർ ആക്രമണത്തിന്​ പിന്നാലെ ഡാനിയൽ ക്രിസ്റ്റ്യൻ പോസ്റ്റ്​ ചെയ്​തതിങ്ങനെ: '' എന്‍റെ പങ്കാളിയുടെ ഇൻസ്റ്റ ഗ്രാം പോസ്റ്റിലുള്ള കമന്‍റുകൾ നോക്കൂ. ഞാൻ ഇന്നലെ നന്നായി കളിച്ചില്ലെന്നത്​ ശരിയാണ്​. പക്ഷേ എന്‍റെ ഭാര്യയെ ഇതിൽ നിന്നൊഴിവാക്കൂ''.



ഇതിനു പിന്നാലെ ബാംഗ്ലൂർ ആരാധകരുടെ ചെയ്​തിക്കെതിരെ വലിയ പ്രതിഷേധം ഉയർന്നു. ആരാധകരോട്​ സൗമ്യത പാലിക്കണമെന്ന്​ ആവശ്യപ്പെട്ട്​ ടീം മാനേജ്​മെന്‍റും താരങ്ങളും രംഗത്തെത്തി. സമൂഹമാധ്യമങ്ങളിൽ പ്രചരിപ്പിക്കുന്ന മാലിന്യങ്ങളിൽ നിന്നും വിട്ടു നിൽക്കാൻ ആഹ്വാനം ചെയ്​ത സൂപ്പർ താരം ​െഗ്ലൻ മാക്​സ്​വെൽ 'യഥാർഥ' ആരാധകർ നൽകിയ സ്​​േനഹത്തിന്​ നന്ദി പറയുകയും ചെയ്​തു.

ഇതിന്​ പിന്നാലെ ആരാകരോട്​ അടങ്ങിയിരിക്കാൻ ആവശ്യപ്പെട്ട്​ റോയൽ ചാലഞ്ചേഴ്​സ്​ ബാംഗ്ലൂരിന്‍റെ ഔദ്യോഗിക പേജും രംഗത്തെത്തി. ജയവും തോൽവിയും കളിയുടെ ഭാഗമാണെന്നും എല്ലാ താരങ്ങളും നിലവി​ലെ അവസ്ഥയിലെത്താൻ കഠിനാധ്വാനം ചെയ്​തവരാണെന്നും പോസ്റ്റ്​ ചെയ്​തു. തങ്ങൾ 100 ശതമാനവും ഡാനിയൽ ക്രിസ്റ്റ്യനൊപ്പമാണെന്നും കളിക്കാർക്കും അവരുടെ കുടുംബത്തിനുമെതിരെയുള്ള സൈബർ ആക്രമണം അംഗീകരിക്കാനാകില്ലെന്നും ആർ.സി.ബി വ്യക്തമാക്കി. ദിനേശ്​ കാർത്തികിന്‍റെ വിഡിയോ പോസ്റ്റ്​ ചെയ്​ത് സൈബർ ആക്രമണങ്ങൾക്കെതിരെ ​ കൊൽകത്ത നൈറ്റ്​ ​ൈ​റഡേഴ്​സും പങ്കുചേർന്നു.


Show Full Article
TAGS:Daniel Christian IPL 2021 
News Summary - Dan Christian and his pregnant wife face online abuse after RCB's exit
Next Story