റെക്കോഡിൽ കമിൻസ്, നാണക്കേടിൽ സാംസ്

പു​ണെ: 14 പ​ന്തി​ൽ അ​ർ​ധ സെ​ഞ്ച്വ​റി കു​റി​ച്ച് ഐ.​പി.​എ​ൽ റെ​ക്കോ​ഡ് പു​സ്ത​ക​ത്തി​ലേ​ക്ക് ഓ​സീ​സ് താ​രം ക​മി​ൻ​സ് ബാ​റ്റു പി​ടി​ച്ചു​ക​യ​റു​മ്പോ​ൾ അ​തി​ന്റെ പേ​രി​ൽ റെ​ക്കോ​ഡ് പു​സ്ത​ക​ത്തി​ലാ​യ വേ​ദ​ന​യി​ൽ മ​റ്റൊ​രു ഓ​സീ​സ് താ​രം. മും​ബൈ ഇ​ന്ത്യ​ൻ​സി​ന്റെ ഓ​ൾ​റൗ​ണ്ട​ർ ഡാ​നി​യ​ൽ സാം​സാ​ണ് അ​പ്ര​തീ​ക്ഷി​ത റെ​ക്കോ​ഡി​നു​ട​മ.

കൊ​ൽ​ക്ക​ത്ത അ​ഞ്ചു വി​ക്ക​റ്റ് ന​ഷ്ട​ത്തി​ൽ 101 റ​ൺ​സി​ൽ നി​ൽ​ക്കെ 14ാം ഓ​വ​റി​ലാ​ണ് പാ​റ്റ് ക​മി​ൻ​സ് ടീ​മി​ന്റെ വി​ജ​യ​പ്ര​തീ​ക്ഷ​യി​ലേ​ക്ക് ബാ​റ്റു വീ​ശാ​നെ​ത്തു​ന്ന​ത്. അ​തി​വേ​ഗം ന​യം വ്യ​ക്ത​മാ​ക്കി​യ ക​മി​ൻ​സ് ടീം ​സ്കോ​ർ അ​തി​വേ​ഗം ബ​ഹു​ദൂ​രം മു​ന്നോ​ട്ടു​കൊ​ണ്ടു​പോ​യി. 16ാം ഓ​വ​ർ എ​റി​യാ​നെ​ത്തി​യ​ത് നാ​ട്ടു​കാ​ര​നാ​യ സാം​സ്. കൊ​ൽ​ക്ക​ത്ത​ക്ക് ജ​യി​ക്കാ​ൻ വേ​ണ്ട​ത് 30 പ​ന്തി​ൽ 35 റ​ൺ​സ്. നി​ർ​ദ​യം സാം​സി​നെ ശി​ക്ഷി​ച്ച ക​മി​ൻ​സ് ​ആ ​ഓ​വ​റി​ൽ ക​ഥ തീ​ർ​ത്തു. 6,4,6,6,2 (നോ​ബൗ​ൾ), 4,6 എ​ന്നി​ങ്ങ​നെ​യാ​യി​രു​ന്നു ക​മി​ൻ​സി​ന്റെ വെ​ടി​ക്കെ​ട്ട്. ഒ​റ്റ ഓ​വ​റി​ൽ സാം​സ് വ​ഴ​ങ്ങി​യ​ത് 35 റ​ൺ​സ്. അ​തും ത​ന്റെ മൂ​ന്നാം ഓ​വ​റി​ൽ. ഐ.​പി.​എ​ല്ലി​ൽ ഏ​റ്റ​വും വേ​ഗ​ത്തി​ൽ അ​ർ​ധ സെ​ഞ്ച്വ​റി​യെ​ന്ന റെ​ക്കോ​ഡ് ഇ​തോ​ടെ ക​മി​ൻ​സ് കെ.​എ​ൽ. രാ​ഹു​ലി​നൊ​പ്പം പ​ങ്കി​ട്ടു.

എ​ന്നാ​ൽ, ഈ ​സീ​സ​ണി​ൽ ഒ​രോ​വ​റി​ൽ ഏ​റ്റ​വും കൂ​ടു​ത​ൽ റ​ൺ​സ് വ​ഴ​ങ്ങു​ന്ന താ​ര​മാ​യി സാം​സ്. മു​ൻ സീ​സ​ണു​ക​ളി​ൽ ഹ​ർ​ഷ​ൽ പ​ട്ടേ​ലും പ്ര​ശാ​ന്ത് പ​ര​മേ​ശ്വ​ര​നും 37 റ​ൺ​സ് വ​ഴ​ങ്ങി​യ​താ​ണ് നി​ല​വി​ലെ റെ​ക്കോ​ഡ്. അ​ത് ഭേ​ദി​ക്ക​പ്പെ​ട്ടി​​ല്ല​ല്ലോ എ​ന്നു മാ​ത്ര​മാ​കും സാം​സി​ന്റെ ആ​ശ്വാ​സം.