ഇന്ത്യ വേദിയാവുന്ന ട്വൻറി20 ലോകകപ്പിന്​ കോവിഡ്​ ഭീഷണിയോ​​​?. വേദി മാറ്റ സൂചനയുമായി വിദേശ മാധ്യമങ്ങൾ

ന്യൂഡൽഹി: കോവിഡ്​ വ്യാപനവും കൂട്ടമരണങ്ങളും, ഇൗ വർഷം ഇന്ത്യ വേദിയാവുന്ന ട്വൻറി20 ലോകകപ്പിനും ആശങ്കയാവുന്നു. ​​​െഎ.പി.എല്ലിലെ കർശനമായ ബയോബബ്​ൾ സുരക്ഷ​ സംവിധാനം കളിക്കാർക്കിടയിൽ മാനസിക സമ്മർദം സൃഷ്​ടിക്കുന്നുവെന്ന പരാതി ഉയർന്നത്​ ഒക്​ടോബറിൽ ആരംഭിക്കാനിരിക്കുന്ന ലോകകപ്പിനെ ദോഷകരമായി ബാധിക്കുമെന്നാണ്​ റിപ്പോർട്ട്​. ​

കളിക്കാരെ ബന്ദികളാക്കുന്ന രൂപത്തിലുള്ള ബയോബബ്​ൾ സുരക്ഷയുടെ സമ്മർദം താങ്ങാനാവാതെ മൂന്ന്​ ആസ്​ട്രേലിയൻ താരങ്ങൾ ഇതിനകം ​െഎ.പി.എല്ലിൽ നിന്നും പിൻവാങ്ങി നാട്ടിലേക്ക്​ മടങ്ങി കഴിഞ്ഞു. വിവിധ ടീമുകൾക്കൊപ്പമുള്ള വിദേശ താരങ്ങളും അസ്വസ്​ഥരാ​ണ്​.

ഇതെല്ലാം ലോകകപ്പി​െനയും ബാധിക്കുമെന്ന്​ 'ഡെയ്​ലി മെയ്​ൽ' റിപ്പോർട്ട്​ ചെയ്​തു. പകരം വേദിയായി ദുബൈ മനസ്സിൽ കണ്ട്​ ​െഎ.സി.സി ലോകകപ്പിനായി പ്ലാൻ 'ബി' തയാറാക്കിയതായും സൂചനയുണ്ട്​.

കോവിഡ്​ വ്യാപനത്തെ തുടർന്ന്​ നിരവധി രാജ്യങ്ങൾ ഇന്ത്യയിലേക്കുള്ള വ്യോമഗതാഗതം നിർത്തിയിരിക്കുകയാണ്​. കോവിഡിനെ കൈകാര്യം ചെയ്യുന്നതിൽ സർക്കാർ പരാജയമായെന്ന ലോകമാധ്യമങ്ങളിലെ വാർത്തകളും വിദേശ ടീമുകളെ സ്വാധീനിച്ചേക്കും. വേദി മാറ്റാൻ ​െഎ.സി.സി ആലോചിക്കുന്നതായി 'സിഡ്​നി മോണിങ്​ ഹെറാൾഡും' റിപ്പോർട്ട്​ ചെയ്​തു.

അതേസമയം, കോവിഡ്​ ഭീഷണികൾക്കിടയിലും 2020 ​​െഎ.പി.എല്ലിനും വിവിധ രാജ്യാന്തര മത്സരങ്ങൾക്കും സുരക്ഷിതമായി വേദിയൊരുക്കിയ ദുബൈ ഒക്​ടോബർ-നവംബർ വിൻഡോയിൽ തന്നെ ലോകകപ്പ്​ നടത്താൻ സന്നദ്ധ അറിയിച്ചു.