99 ന്​ പുറത്ത്​; ട്വൻറി20യിൽ 1000 സിക്​സ്​ തികച്ച്​ 'യൂനിവേഴ്​സൽ ബോസ്'​ ​

അബൂദബി: ടീമിൽ സ്​ഥാനം തിരികെ നൽകിയ ശേഷം കിങ്​സ്​ ഇലവൻ പഞ്ചാബിന്​ വാരിക്കോരി നൽകുകയാണ്​ ക്രിസ്​ ഗെയ്​ൽ. വെള്ളിയാഴ്​ച രാജസ്​ഥാൻ റോയൽസിനെതിരെയും സംഹാര താണ്ഡവമാടിയ ഗെയ്​ലിന്​ പക്ഷേ ഒരു റൺസിന്​ സെഞ്ച്വറി നഷ്​ടമായി.

അബൂദബിയിൽ ജോ​ഫ്ര ആർച്ചറാണ്​ 99ൽ ഗെയ്​ലിനെ ക്ലീൻ ബൗൾഡാക്കിയത്​. ഇതോടെ ട്വൻറി20യിൽ സെഞ്ച്വറി നേടുന്ന പ്രായമേറിയ രണ്ടാമത്തെ താരമാകാനുള്ള അവസരം കരീബിയൻ താരത്തിന്​​ നഷ്​ടമായി. ബാറ്റ്​ വലിച്ചെറിഞ്ഞാണ്​ ഗെയ്​ൽ ദേഷ്യം തീർത്തത്​.

എന്നിരുന്നാലും ട്വൻറി20 ക്രിക്കറ്റിൽ 1000 സിക്​സെന്ന അതുല്യ നേട്ടം മത്സരത്തിലൂടെ ഗെയ്​ൽ കൈപ്പിടിയിലൊതുക്കി. കാർത്തിക്ക്​ ത്യാഗിയെ വേലിക്ക്​ പുറത്തേക്ക്​ പറത്തിയാണ്​ ഗെയ്​ൽ നാഴികക്കല്ല്​ പിന്നിട്ടത്​. 63 പന്തിൽ എട്ട്​ സിക്​സും ആറ്​ ബൗണ്ടറികളുമടങ്ങുന്നതായിരുന്നു ഗെയ്​ലി​െൻറ ഇന്നിങ്​സ്​. പഞ്ചാബ്​ 20 ഓവറിൽ നാലുവിക്കറ്റ്​ നഷ്​ടത്തിൽ 185 റൺസെടുത്തു.

ഐ.പി.എല്ലിൽ ഗെയ്​ലി​െൻറ ഏഴാമത്തെയും സീസണിലെ ഒന്നാമത്തെയും സെഞ്ച്വറിയാകുമായിരുന്നു ഇത്​. മുൻ ഇംഗ്ലണ്ട്​ താരം പോൾ കോളിങ്​വുഡി​െൻറ പേരിലാണ്​ പ്രായമേറിയ ട്വൻറി20 സെഞ്ച്വറിയുടെ റെക്കോഡ്​.

41 വയസും 65 ദിവസവും പ്രായമായിരിക്കേ 2007ലാണ്​ ഡർഹാം ഓൾറൗണ്ടറായ കോളിങ്​വുഡ്​ നോർതാംപ്​റ്റൺഷെയറിനെതിരെ സെഞ്ച്വറി നേടി റെക്കോഡിട്ടത്​. നാറ്റ്​വെസ്​റ്റ്​ ടി20 ബ്ലാസ്​റ്റ്​ ടൂർണമെൻറിലായിരുന്നു 110 റൺസ്​. നിലവിൽ 41വയസും 39 ദിവസവുമാണ്​ ഗെയ്​ലി​െൻറ പ്രായം.