തുടർച്ചയായ അഞ്ചാം ജയത്തോടെ ചെന്നൈ വീണ്ടും തലപ്പത്ത്​​; തവിടുപൊടിയായത്​ ഹൈദരാബാദ്​

ന്യൂഡൽഹി: ​സൺറൈസേഴ്​സ്​ ഹൈദരാബാദിനെതിരെ അനായാസ ജയവുമായി ചെന്നൈ സൂപ്പർ കിങ്​സ്​ ഇന്ത്യൻ പ്രീമിയർ ലീഗിന്‍റെ തലപ്പത്ത്​​ തിരിച്ചെത്തി. ഒമ്പത്​ പന്തുകൾ ശേഷിക്കേ ഏഴു വിക്കറ്റിനായിരുന്നു​ ചെന്നൈയുടെ വിജയം​. ആദ്യം ബാറ്റുചെയ്​ത ഹൈദരാബാദ്​ ഡേവിഡ്​ വാർണറിന്‍റെയും (55 പന്തിൽ 57) മനീഷ്​ പാണ്ഡേയുടെയും (46 പന്തിൽ 61) അർധശതകങ്ങളുടെ മികവിൽ 20 ഓവറിൽ മൂന്നു വിക്കറ്റ്​ നഷ്​ടത്തിൽ 171റൺസെടുത്തു.

മറുപടി ബാറ്റിങ്ങിനിറങ്ങിയ ചെന്നൈ ഓപണർമാരായ റുതുരാജ്​ ഗെയ്​ക്​വാദിന്‍റെയും​ (44 പന്തിൽ 75)​ ഫാഫ്​ ഡുപ്ലെസിസിന്‍റെയും (38 പന്തിൽ 56) മികവിൽ അനായാസം ലക്ഷ്യത്തിലെത്തി. ചെന്നൈയുടെ തുടർച്ചയായ അഞ്ചാം ജയമാണിത്​. ആറ്​ മത്സരങ്ങളിൽ നിന്ന്​ ചെന്നൈക്ക്​ 10 പോയിന്‍റായി. റോയൽ ചലഞ്ചേഴ്​സ്​ ബാംഗ്ലൂരിനും 10 പോയിന്‍റുണ്ടെങ്കിലും റൺറേറ്റിന്‍റെ അടിസ്​ഥാനത്തിലാണ്​ ചെന്നൈ ഒന്നാമതെത്തിയത്​.

ട്വന്‍റി20യിൽ 10,000 തികച്ച്​ വാർണർ

ടോസ്​ നേടിയ ഹൈദരാബാദ് ബാറ്റിങ്​ തെരഞ്ഞെടുക്കുകയായിരുന്നു. പരിക്ക്​ ഭേദമായ ഓൾറൗണ്ടർ മുഈൻ അലിയും ലുൻഗി എൻഗിഡിയും ചെന്നൈ നിരയിൽ ഇറങ്ങി. ഇംറാൻ താഹിറിനും ഡ്വൈൻ ബ്രാവോക്കുമാണ്​ സ്​ഥാനം നഷ്​ടമായത്​. മനീഷ്​ പാണ്ഡേയും സന്ദീപ്​ ശർമയും സൺറൈസേഴ്​സ്​ ഇലവനിൽ മടങ്ങിയെത്തി​.

നാലാം ഓവറിൽ 25 റൺസിലെത്തി നിൽക്കേ അപകടകാരിയായ ഓപണർ ജോണി ബെയർസ്​റ്റോയെ മടക്കി സാം കറൻ ചെന്നൈക്ക്​ ആദ്യ ബ്രേക്ക്​ത്രൂ നൽകി. പതിവിൽ നിന്ന്​ വിപരീതമായി നങ്കൂരമിട്ടായിരുന്നു വാർണറിന്‍റെ ബാറ്റിങ്​. 12 ഓവർ പിന്നിടു​േമ്പാൾ ഒന്നിന്​ 82 റൺസെന്ന നിലയിലായിരുന്നു ഹൈദരാബാദ്​.

വൺഡൗണായിറങ്ങിയ മനീഷ്​ പാണ്ഡേ 35 പന്തിൽ അർധശതകം തികച്ചു. സിക്​സടിച്ച്​ അർധസെഞ്ച്വറി നേടിയ വാർണർ ട്വന്‍റി20യിൽ 10,000 റൺസ്​ തികച്ചു. ട്വന്‍റി20യിൽ 10000 ക്ലബിലെത്തുന്ന നാലാമത്തെ കളിക്കാരനാണ്​ വാർണർ. വിൻഡീസ്​ താരങ്ങളായ ക്രിസ്​ ഗെയ്​ലും (13,839) കീറൺ പൊള്ളാഡും (10,694) പാകിസ്​താന്‍റെ ശുഐബ്​ മാലികുമാണ്​​ (10,488) 10k ക്ലബിലെത്തിയ മറ്റ്​ താരങ്ങൾ.

ഐ.പി.എല്ലിലെ വാർണറുടെ 200ാം സിക്​സും മത്സരത്തിൽ പിറന്നു. സ്​കോർ 128ലെത്തി നിൽക്കേ വാർണറെ പുറത്താക്കി എൻഗിഡിയാണ്​ കൂട്ടുകെട്ട്​ പൊളിച്ചത്​. രണ്ടാം വിക്കറ്റിൽ 106 റൺസാണ്​ ഇരുവരും ചേർത്തത്​. മൂന്ന്​ ബൗണ്ടറിയും രണ്ട്​ സിക്​സുമാണ്​ വാർണർ പായിച്ചത്​.

തൊട്ടുപിന്നാലെ 17.5 ഓവറിൽ സ്​കോർ 134ൽ എത്തിനിൽക്കേ പാണ്ഡേയും മടങ്ങി. ശർദുൽ ഠാക്കൂർ എറിഞ്ഞ 19ാം ഓവറിൽ ഒരു സിക്​സും മൂന്ന്​ ബൗണ്ടറിയുമടക്കം കെയ്​ൻ വില്യംസൺ 20 റൺസ്​ വാരി. 20ാം ഓവറിൽ സാം കറൻ 13 റൺസ്​ വഴങ്ങി. അവസാന ഓവറുകളിൽ ആഞ്ഞടിച്ച കെയ്​ൻ വില്യംസണും (10 പന്തിൽ 26 ​േനാട്ടൗട്ട്​) കേദാർ ജാദവുമാണ് (നാല്​ പന്തിൽ 12 ​േനാട്ടൗട്ട്) സ്​കോർ 171ലെത്തിച്ചത്​​. ​

ചെന്നൈ ജയം എളുപ്പമാക്കി ഡുപ്ലെസിയും റുതുരാജും

ഭേദപ്പെട്ട ലക്ഷ്യം തേടിയിറങ്ങിയ ചെന്നൈ ഓപണർമാർ നിശ്ചയിച്ചുറപ്പിച്ചാണ്​ ഇറങ്ങിയത്​. റുതുരാജും ഡുപ്ലെസിസും ചേർന്ന്​ 5.5 ഓവറിൽ സ്​കോർ 50 കടത്തി. ഇരുവരും ഒരേ താളത്തിലാണ്​ ബാറ്റേന്തിയത്​.

10.6 ഓവറിൽ സ്​കോർബോർഡിൽ 100 റൺസ്​ ആയി. 32 പന്തിൽ ആറ്​ ബൗണ്ടറികളും ഒരു സിക്​സുമടിച്ച്​ ഡുപ്ലെസി ഫിഫ്​റ്റിയിലെത്തി. 36 പന്തിൽ നിന്നായിരുന്നു റുതുരാജിന്‍റെ അർധശതകം. താരം ഏഴു ബൗണ്ടറികൾ പായിച്ചു. 13ാം ഓവറിന്‍റെ അവസാന പന്തിൽ റുതുരാജിനെ വിക്കറ്റിന്​ മുന്നിൽ കുരുക്കി റാശിദ്​ ഖാനാണ്​ മത്സരത്തിലേക്ക്​ ഹൈദരാബാദിനെ തിരികെ കൊണ്ടുവന്നത്​. ആദ്യ വിക്കറ്റിൽ ഇരുവരും ​ചേർന്ന്​ 129 റൺസാണ്​ ചേർത്തത്​.

അനായാസം ജയത്തിലേക്ക്​ നീങ്ങവേ 15ാം ഓവറിലെ തൊട്ടടുത്ത പന്തുകളിൽ മുഈൻ അലിയെയും (15) ഡുപ്ലെസിസിൻെയും മടക്കി റാശിദ്​ ഖാൻ ഇരട്ട പ്രഹരമേൽപിച്ചു. എങ്കിലും രവീന്ദ്ര ജദേജയും (7 നോട്ടൗട്ട്) സുരേഷ്​ റെയ്​നയും (17 നോട്ടൗട്ട്​) അധികം പരിക്കുകളില്ലാതെ ടീമിനെ ജയത്തിലെത്തിച്ചു.