Top
Begin typing your search above and press return to search.
exit_to_app
exit_to_app
chaminda vaas
cancel
Homechevron_rightSportschevron_rightCricketchevron_rightചുമതലയേറ്റത്​​ മൂന്ന്​ ...

ചുമതലയേറ്റത്​​ മൂന്ന്​ ദിവസം മുമ്പ്​; ശ്രീലങ്കൻ ബൗളിങ്​ കോച്ച്​ ചാമിന്ദ വാസ്​​ രാജിവെച്ചു

text_fields
bookmark_border

കൊളംബോ: ശ്രീലങ്കൻ ബൗളിങ്​ കോച്ച്​ സ്​ഥാനത്തുനിന്ന്​ ചാമിന്ദ വാസ്​ രാജിവെച്ചു. ശമ്പളത്തർക്ക​ത്തെ തുടർന്നാണ്​ വാസിന്‍റെ നാടകീയമായ രാജി പ്രഖ്യാപനം. മൂന്ന്​ ദിവസം മുമ്പ്​ മാത്രമാണ്​ ശ്രീലങ്കയുടെ വിഖ്യാത ഫാസ്റ്റ്​ ബൗളർ പരിശീലക സ്​ഥാനമേറ്റെടുത്തത്​. എന്നാൽ, വെസ്റ്റ്​ ഇൻഡീസ്​ പര്യടനത്തിനായി​ ടീം പുറപ്പെടുന്നതിന്‍റെ തൊട്ടുമുന്നെ രാജി വെക്കുകയായിരുന്നു.

വാസിന്‍റെ നിബന്ധനകൾ അംഗീകരിക്കാൻ തങ്ങൾക്ക്​ കഴിയാത്തിനാലാണ്​ അദ്ദേഹം രാജിവെച്ചതെന്നത്​ ​ശ്രീലങ്കൻ ക്രിക്കറ്റിലെ മുതിർന്ന ഉദ്യോഗസ്​ഥൻ പറഞ്ഞു. ലോകത്താകമാനം സാമ്പത്തിക പ്രതിസന്ധി നേരിടുന്ന സമയത്ത്​, വ്യക്​തിഗത നേട്ടത്തിനായി നിരുത്തരവാദ സമീപനം സ്വീകരിച്ചത്​ നിരാശാജനകമാണെന്നും അദ്ദേഹം പറഞ്ഞു. ഇതോടൊപ്പം എസ്​.എൽ.സി അക്കാദമി പരിശീലക സ്​ഥാനത്തുനിന്നും വാസ്​ രാജിവെച്ചു​.

ദക്ഷിണാഫ്രിക്കക്കും ഇംഗ്ലണ്ടിനുമെതിരായ ടീമിന്‍റെ മോശം പ്രകടനത്തെ തുടർന്നാണ്​ ആസ്‌ട്രേലിയക്കാരനായ ഡേവിഡ് സക്കറിന് പകരം വാസിനെ നിയമിച്ചത്. വെസ്റ്റ്​ ഇൻഡീസിനെതിരായ പര്യടനത്തിൽ മൂന്ന്​ വീതം ട്വി20യും ഏകദിനവുമാണുള്ളത്​. കൂടാതെ രണ്ട്​ ടെസ്റ്റുകളും കളിക്കും. 355 ടെസ്റ്റ് വിക്കറ്റുകളും 400 ഏകദിന വിക്കറ്റുകളും നേടിയ ചാമിന്ദ വാസ് ശ്രീലങ്ക കണ്ട മികച്ച പേസ്​ ബൗളറാണ്​.

Show Full Article
TAGS:Chaminda Vaas srilanka 
News Summary - Chaminda Vaas resigns as Sri Lankan bowling coach
Next Story