Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightബട്​ലർ മിന്നി;...

ബട്​ലർ മിന്നി; ഓസീസിനെതിരായ ട്വൻറി20 പരമ്പര ഇംഗ്ലണ്ടിന്

text_fields
bookmark_border
ബട്​ലർ മിന്നി; ഓസീസിനെതിരായ ട്വൻറി20 പരമ്പര ഇംഗ്ലണ്ടിന്
cancel

സതാംപ്​റ്റൺ: ഓപണർ ജോസ്​ ബട്​ലറി​െൻറ (54 പന്തിൽ 77 നോട്ടൗട്ട്​) വെടിക്കെട്ട്​ ബാറ്റിങ്​ മികവിൽ ആസ്​ട്രേലിയയെ ആറ്​ വിക്കറ്റിന്​ തോൽപിച്ച്​ ആതിഥേയരായ ഇംഗ്ലണ്ട്​ ട്വൻറി20 പരമ്പര 2-0ത്തിന്​ സ്വന്തമാക്കി. സന്ദർശകർ ഉയർത്തിയ 158 റൺസ്​ വിജയലക്ഷ്യം ഏഴുപന്തുകൾ ശേഷിക്കേ ഇംഗ്ലണ്ട്​ മറികടന്നു.

അവസാന രണ്ടോവറിൽ 18 റൺസ്​ വേണ്ടിയിരുന്ന വേളയിൽ ആദം സാംബയെ സിക്​സും ഫോറുമടിച്ച്​ മുഈൻ അലി (13 നോട്ടൗട്ട്​) ഇംഗ്ലണ്ടി​െൻറ വിജയം എളുപ്പമാക്കി. സാംബയെ സിക്​സറിന്​ പറത്തിയാണ്​ ബട്​ലർ ജയം ആഘോഷിച്ചത്​. ഡേവിഡ്​ മലാനും (42) ബട്​ലറും ചേർന്ന്​ രണ്ടാം വിക്കറ്റിൽ ചേർത്ത 87 റൺസാണ്​ ഇംഗ്ലീഷ്​ ഇന്നിങ്​സി​െൻറ ന​ട്ടെല്ലായത്​.

വെള്ളിയാഴ്​ച നടന്ന ആദ്യ ട്വൻറി20 മത്സരത്തിൽ ഇംഗ്ലണ്ട്​ രണ്ട്​ റൺസി​െൻറ ത്രസിപ്പിക്കുന്ന ജയം സ്വന്തമാക്കിയിരുന്നു. ചൊവ്വാഴ്​ചയാണ്​ പരമ്പരയിലെ അവസാന മത്സരം.

54 പന്തിൽ എട്ട്​ ബൗണ്ടറികളും രണ്ട്​ സിക്​സുകളും സഹിതമാണ്​ ബട്​ലർ ട്വൻറി20യിലെ ത​െൻറ ഏറ്റവും മികച്ച സ്​കോർ സ്വന്തമാക്കിയത്​. നാല്​ വർഷങ്ങൾക്ക്​ മുമ്പ്​ ഇതേ വേദിയിൽ ശ്രീലങ്കക്കെതിരെ നേടിയ 73 നോട്ടൗട്ട്​ ആയിരുന്നു ഇതു വരെയുള്ള ഉയർന്ന സ്​കോർ. ടോസ്​ നേടി ബാറ്റിങ്​ തെരഞ്ഞെടുത്ത സന്ദർശകർക്ക്​ ഏഴുവിക്കറ്റ്​ നഷ്​ടത്തിൽ 157 റൺസെടുക്കാനേ​ സാധിച്ചുള്ളൂ​.

ഇന്നിങ്​സ്​ അവസാനിക്കാൻ ഏഴ്​ ഓവർ മാത്രം ബാക്കി നിൽക്കേ അഞ്ചിന്​ 89 റൺസെന്ന നിലയിലായിരുന്നു ഓസീസ്​. വാലറ്റക്കാരുടെ ചെറുത്തു നിൽപ്പാണ്​ ടീമിനെ മാന്യമായ സ്​കോറിലെത്തിച്ചത്​. നായകൻ ആരോൺ ഫിഞ്ച്​ (40), മാർകസ്​ സ്​റ്റോയ്​നിസ്​ (35), ഗ്ലെൻ മക്​സ്​​വെൽ (26), ആഷ്​ടൺ അഗർ (23) എന്നിവരാണ്​ പൊരുതിയത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:englandCricket Newsjos buttler
Next Story