ഏകദിന റാങ്കിങ് ബുംറ ഒന്നാമത്

ദുബൈ: ഇംഗ്ലണ്ടിനെതിരായ ആദ്യ ഏകദിനത്തിലെ തകർപ്പൻ പ്രകടനത്തോടെ ഐ.സി.സി റാങ്കിങ്ങിൽ ഒന്നാം സ്ഥാനം തിരിച്ചുപിടിച്ച് ഇന്ത്യൻ പേസർ ജസ്പ്രീത് ബുംറ. 2020 ഫെബ്രുവരിയിൽ ന്യൂസിലൻഡിന്റെ ട്രെന്റ് ബോൾട്ടിനുമുന്നിൽ നഷ്ടമായ ഒന്നാം റാങ്കാണ് ബുംറ തിരിച്ചുപിടിച്ചത്. ട്വന്റി20യിൽ മുമ്പ് ഒന്നാമതായിട്ടുള്ള ബുംറ പക്ഷേ ഇപ്പോൾ 28ാമതാണ്. ടെസ്റ്റ് റാങ്കിങ്ങിൽ മൂന്നാമതും. ഏകദിന ബാറ്റിങ്ങിൽ ഇന്ത്യയുടെ വിരാട് കോഹ്‍ലി മൂന്നാമതും രോഹിത് ശർമ നാലാമതുമുണ്ട്.