ഇന്ത്യയെ തോൽപ്പിക്കാനല്ല, പ്രാധാന്യം ചാമ്പ്യൻസ് ട്രോഫി കിരീടം നേടുന്നതിന് -പാകിസ്താൻ വൈസ് ക്യാപ്റ്റൻ

ലാഹോർ: ചാമ്പ്യൻസ് ട്രോഫി ക്രിക്കറ്റിൽ ചിരവൈരികളായ ഇന്ത്യയും പാകിസ്താനും ഏറ്റമുട്ടുന്ന മത്സരം ഈ മാസം 23നാണ് നടക്കുന്നത്. ക്രിക്കറ്റ് ആരാധകർ ആകാംക്ഷയോടെ കാത്തിരിക്കുന്ന മത്സരത്തിന് ഗാലറികൾ നിറയുമെന്ന കാര്യത്തിൽ തർക്കമില്ല. ഇതിനിടെ മത്സരത്തിന്‍റെ പ്രാധാന്യത്തെ കുറിച്ചുള്ള പാകിസ്താന്‍റെ വൈസ് ക്യാപ്റ്റൻ സൽമാൻ അലി ആഘ നടത്തിയ പരാമർശം വൈറലായി.

ഇന്ത്യക്കെതിരെ ഒറ്റ മത്സരത്തിൽ ജയിക്കുക എന്നതിലുപരി കിരീടം നേടുന്നതിനാണ് തങ്ങൾ പ്രാധാന്യം നൽകുന്നതെന്ന് സൽമാൻ പറയുന്നു. “ഒരു ഐ.സി.സി ടൂർണമെന്‍റിന് പാകിസ്താൻ വേദിയാകുന്നതിനാൽ തന്നെ ഇത്തവണത്തെ ചാമ്പ്യൻസ് ട്രോഫി എനിക്ക് ഏറെ പ്രത്യേകതയുള്ളതാണ്. സ്വന്തം നാട്ടിൽ കിരീടം നേടാനാകുകയെന്നത് ഏതൊരു ക്രിക്കറ്റ് താരത്തെയും പോലെ എന്റെയും വലിയ സ്വപ്നമാണ്. പാകിസ്താൻ ടീമിന് അതിനുള്ള ശേഷിയുണ്ട്.

ഇന്ത്യ -പാകിസ്താൻ മത്സരം ഏറെ പ്രത്യേകതയുള്ളതാണ്. എല്ലാവരും കാത്തിരിക്കുന്ന വളരെ വലിയ മത്സരമാണത്. എന്നാൽ ആ ഒരൊറ്റ മത്സരം ജയിക്കുക എന്നതല്ല, ചാമ്പ്യൻസ് ട്രോഫി കിരീടം നേടുക‍ എന്നതാണ് പ്രധാനം. എന്നിരുന്നാലും ഇന്ത്യക്കെതിരം ജയിക്കാൻ തന്നെയാകും ഞങ്ങൾ ശ്രമിക്കുക. അതിനായി ഏറ്റവും മികച്ച പ്രകടനം തന്നെ പുറത്തെടുക്കും” -സൽമാൻ പറഞ്ഞു.

അതേസമയം, 19ന് തുടങ്ങുന്ന ചാ​മ്പ്യ​ൻ​സ് ട്രോ​ഫി​യി​ൽ മൂ​ന്ന് അ​യ​ൽ​ക്കാ​രും പി​ന്നെ ന്യൂ​സി​ല​ൻ​ഡും ചേ​ർ​ന്ന​താ​ണ് ഇ​ന്ത്യ ഉ​ൾ​ക്കൊ​ള്ളു​ന്ന ഗ്രൂ​പ്. പാ​കി​സ്താ​ൻ, ബം​ഗ്ലാ​ദേ​ശ് എ​ന്നി​വ​യാ​ണ് ഗ്രൂ​പ്പി​ലെ മ​റ്റു രാ​ജ്യ​ങ്ങ​ൾ. ഫെ​ബ്രു​വ​രി 20ന് ​ബം​ഗ്ലാ​ദേ​ശി​നെ​തി​രെ​യാ​ണ് ഇ​ന്ത്യ​ക്ക് ആ​ദ്യ മ​ത്സ​രം. 23ന് ​പാ​കി​സ്താ​നും മാ​ർ​ച്ച് ര​ണ്ടി​ന് ന്യൂ​സി​ല​ൻ​ഡും എ​തി​രാ​ളി​ക​ളാ​കും.

ജേതാക്കൾക്ക് 19.5 കോടി

എ​ട്ടു​വ​ർ​ഷ​ത്തെ ഇ​ട​വേ​ള​ക്കു​ശേ​ഷം തി​രി​കെ​യെ​ത്തു​ന്ന ഐ.​സി.​സി ചാ​മ്പ്യ​ൻ​സ് ട്രോ​ഫി ​ക്രി​ക്ക​റ്റി​ൽ ജേ​താ​ക്ക​ളെ കാ​ത്തി​രി​ക്കു​ന്ന​ത് 19.5 കോ​ടി രൂ​പ. ഫെ​ബ്രു​വ​രി 19 മു​ത​ൽ മാ​ർ​ച്ച് ഒ​മ്പ​തു​വ​രെ പാ​കി​സ്താ​നി​ലെ വേ​ദി​ക​ളി​ലും ദു​ബൈ​യി​ലു​മാ​യാ​ണ് മ​ത്സ​ര​ങ്ങ​ൾ ന​ട​ക്കു​ന്ന​ത്. നാ​ലു ടീ​മു​ക​ള​ട​ങ്ങി​യ ര​ണ്ടു ഗ്രൂ​പ്പു​ക​ളി​ലാ​യാ​ണ് മ​ത്സ​രം.

ഓ​രോ ഗ്രൂ​പ്പി​ൽ​നി​ന്നും ആ​ദ്യ ര​ണ്ടു സ്ഥാ​ന​ക്കാ​ർ നോ​ക്കൗ​ട്ടി​ലേ​ക്ക് യോ​ഗ്യ​ത നേ​ടും. കി​രീ​ട​വു​മാ​യി മ​ട​ങ്ങു​ന്ന​വ​ർ​ക്ക് 22.4 ​ല​ക്ഷം ഡോ​ള​ർ (19.45 കോ​ടി രൂ​പ) ആ​ണ് സ​മ്മാ​ന​ത്തു​ക. ര​ണ്ടാം സ്ഥാ​ന​ക്കാ​ർ​ക്ക് 11.2 ല​ക്ഷം ഡോ​ള​ർ (9.72 കോ​ടി രൂ​പ) ല​ഭി​ക്കും. സെ​മി​യി​ലെ​ത്തി​യ മ​റ്റു ര​ണ്ടു ടീ​മു​ക​ൾ​ക്ക് 560,000 ഡോ​ള​റും (4.86 കോ​ടി രൂ​പ) ന​ൽ​കും.

ഗ്രൂ​പ് ഘ​ട്ട​ത്തി​ൽ ഓ​രോ മ​ത്സ​ര​വി​ജ​യി​ക്കും 34,000 ഡോ​ള​ർ (29.5 ല​ക്ഷം രൂ​പ) ല​ഭി​ക്കും. അ​ഞ്ചാ​മ​തും ആ​റാ​മ​തു​മെ​ത്തു​ന്ന ടീ​മു​ക​ൾ​ക്ക് മൂ​ന്ന​ര​ല​ക്ഷം ഡോ​ള​റും (3.04 കോ​ടി രൂ​പ) ഏ​ഴും എ​ട്ടും സ്ഥാ​ന​ക്കാ​ർ​ക്ക് 140,000 ഡോ​ള​റും (1.21 കോ​ടി) ല​ഭി​ക്കും. 2027 മു​ത​ൽ വ​നി​ത​ക​ൾ​ക്കും ട്വ​ന്റി20 ചാ​മ്പ്യ​ൻ​സ് ട്രോ​ഫി ആ​രം​ഭി​ക്കും.