Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightമുഷ്​താഖ്​ അലി...

മുഷ്​താഖ്​ അലി ​േ​ട്രാഫി​ കളിക്കാനാകില്ല​; യുവരാജിന്‍റെ തിരിച്ചുവരവിന്​ ബി.സി.സി.ഐയുടെ ചുവപ്പുകൊടി

text_fields
bookmark_border
yuvraj singh
cancel
camera_alt

യുവരാജ്​ സിങ്​

ന്യൂഡൽഹി: ആഭ്യന്തര ക്രിക്കറ്റിലേക്ക്​​ മടങ്ങി വരാനുള്ള മുൻ ഇന്ത്യൻ ഓൾറൗണ്ടർ യുവരാജ്​ സിങ്ങിന്‍റെ ശ്രമങ്ങൾക്ക്​ ബി.സി.സി.ഐയുടെ ചുവപ്പുകൊടി. തിരിച്ചുവരവിനുള്ള യുവിയുടെ ശ്രമങ്ങളോട്​ ബി.സി.സി.ഐക്ക്​ അനുകൂല നിലപാടല്ലെന്നാണ്​ ദേശീയ മാധ്യമങ്ങൾ റിപ്പോർട്ട്​ ചെയ്യുന്നത്​.

സയ്യിദ്​ മുഷ്​താഖ്​ അലി ട്രോഫിക്കുള്ള പഞ്ചാബ്​ ടീമിൽ കളിക്കാൻ താ​ൽപര്യം പ്രകടിപ്പിച്ച്​ യുവി പഞ്ചാബ്​ ക്രിക്കറ്റ്​ അസോസിയേഷനും ബി.സി.സി.ഐക്കും നേരത്തെ കത്തയച്ചിരുന്നു. ഏറെ നാളായി കളിക്കളത്തിൽ നിന്നും വിട്ടുനിൽക്കുന്ന യുവരാജിനെ ടീമിലെടുക്കാൻ പഞ്ചാബിനും തൽപര്യമില്ലെന്നാണ്​ റി​പ്പോർട്ട്​. എന്നാൽ എന്ത് ​കൊണ്ടാണ്​ യുവിയുടെ ആവശ്യം പരിഗണിക്കാത്തതെന്ന്​ ബി.സി.സി.ഐ വ്യക്തമാക്കിയിട്ടില്ല.

നേരത്തെ പഞ്ചാബിന്‍റെ സാധ്യതാ ടീമിൽ യുവരാജിനെ ഉൾപെടുത്തിയതോടെ ആരാധകർ തികഞ്ഞ പ്രതീക്ഷയിലായിരുന്നു. പിന്നാലെ യുവരാജ്​ പരിശീലനം തു​ടങ്ങുകയും ചെയ്തിരുന്നു. ഗൗതം ഗംഭീര്‍ അടക്കമുള്ള മുന്‍താരങ്ങള്‍ പിന്തുണയും യുവരാജിനുണ്ടായിരുന്നു. 2019ലാണ്​ താരം അന്താരാഷ്​ട്ര ക്രിക്കറ്റിൽ നിന്ന്​ വിരമിച്ചത്​. ശേഷം കാനഡയിലെ ഗ്ലോബൽ ടി20യിൽ യുവി ബാറ്റുവീശിയിരുന്നു.

ജനുവരി 10 മുതൽ 31വരെയാണ്​ സയ്യിദ്​ മുഷ്​താഖ്​ അലി ട്വന്‍റി20 ടൂർണമെന്‍റ്​ നടക്കുക. ഇന്ത്യ കണ്ട എക്കാലത്തെയും മികച്ച ഓൾറൗണ്ടർമാരിൽ ഒരാളായ യുവരാജ്​ 58 അന്താരാഷ്​ട്ര മത്സരങ്ങളിൽ നിന്നായി 1177 റൺസ്​ സ്​കോർ ചെയ്​തിട്ടുണ്ട്​. 77 റൺസാണ്​ ഉയർന്ന സ്​കോർ. 7.06 എക്കോണമിയിൽ 28 വിക്കറ്റുകളും താരം സ്വന്തമാക്കി. 2007ലെ പ്രഥമ ട്വന്‍റി20 ലോകകപ്പിൽ ഇന്ത്യ ജേതാക്കളായപ്പോൾ ടീമിന്‍റെ അവിഭാജ്യ ഘടകമായിരുന്നു യുവരാജ്​.

ഐ.പി.എല്ലിൽ കിങ്​സ്​ ഇലവൻ പഞ്ചാബിനായി മിന്നുന്ന പ്രകടനം കാഴ്ചവെച്ച മൻദീപ്​ സിങ്ങാണ്​ പഞ്ചാബിന്‍റെ പുതിയ നായകൻ. ഉത്തർപ്രദേശിനെതിരെയാണ്​ പഞ്ചാബിന്‍റെ ആദ്യ മത്സരം. ഐ.പി.എൽ കോഴ വിവാദത്തിന്​ ശേഷം മലയാളി താരം എസ്​. ശ്രീശാന്ത്​ വീണ്ടും കളിക്കളത്തിൽ തിരിച്ചെത്തുന്നതും ടൂർണമെന്‍റിലൂടെയാകും.

Show Full Article
TAGS:Yuvraj Singh BCCI punjab Mushtaq Ali T20 
News Summary - BCCI's red flag on Yuvraj Singh’s request to come out of retirement
Next Story