ആദ്യ ഏകദിനത്തിൽ ഇന്ത്യക്ക് ബാറ്റിങ്; പന്ത് കളിക്കില്ല

ധാക്ക: ബംഗ്ലാദേശ് പര്യടനത്തിലെ ആദ്യ ഏകദിനത്തിൽ വിക്കറ്റ് കീപ്പർ റിഷഭ് പന്ത് കളിക്കില്ല. പരിക്ക് കാരണമാണ് പന്തിനെ ഒഴിവാക്കിയതെന്നാണ് വിവരം. മെഡിക്കൽ സംഘത്തിന്‍റെ നിർദേശപ്രകാരം പന്തിനെ ഏകദിന സ്ക്വാഡിൽ നിന്ന് ഒഴിവാക്കിയെന്നും ടെസ്റ്റ് പരമ്പരക്ക് മുന്നോടിയായി ടീമിനൊപ്പം ചേരുമെന്നും ബി.സി.സി.ഐ വ്യക്തമാക്കി.

അതേസമയം, പന്തിന് കളിക്കാനാകാത്ത സാഹചര്യമായിട്ടും പകരം കളിക്കാരനെ ടീമിലെടുത്തിട്ടില്ല. ഈ സാഹചര്യത്തിൽ കെ.എൽ. രാഹുൽ വിക്കറ്റ് കീപ്പറാകും.

ആദ്യ ഏകദിനത്തിൽ ടോസ് നേടിയ ബംഗ്ലാദേശ് ഇന്ത്യയെ ബാറ്റിങ്ങിനയച്ചു. മൂന്ന് ഏകദിനങ്ങളാണ് ബംഗ്ലാദേശിൽ കളിക്കുക.