കടിഞ്ഞാണിട്ട് ബി.സി.സി.ഐ; ചട്ടങ്ങൾ ലംഘിച്ചാൽ ഐ.പി.എല്ലിൽ അടക്കം വിലക്ക്!

മും​ബൈ: ടീ​മി​ൽ അ​ച്ച​ട​ക്ക​വും ടീം ​സ്പി​രി​റ്റും ക​ളി​യോ​ടു​ള്ള പ്ര​തി​ബ​ദ്ധ​ത​യും വ​ള​ർ​ത്താ​ൻ ക​ടു​ത്ത ന​ട​പ​ടി​ക​ളു​മാ​യി ബി.​സി.​സി.​ഐ. സ്വ​ന്തം മ​ണ്ണി​ലും വി​ദേ​ശ​ത്തും ഒ​രു​പോ​ലെ തോ​ൽ​വി​ത്തു​ട​ർ​ച്ച​ക​ളി​ൽ വീ​ണു​ട​യു​ന്ന ടീ​മി​ന് വി​ജ​യ​ത്തി​ന്റെ ന​ല്ല​നാ​ളു​ക​ൾ തി​രി​ച്ചു​ന​ൽ​കാ​നാ​യി 10 ഇ​ന മാ​ർ​ഗ​നി​ർ​ദേ​ശ​ങ്ങ​ളാ​ണ് ബി.​സി.​സി.​ഐ പു​റ​ത്തി​റ​ക്കി​യി​രി​ക്കു​ന്ന​ത്. കൃ​ത്യ​മാ​യ മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ച്ചി​ല്ലെ​ങ്കി​ൽ ആ​ഭ്യ​ന്ത​ര ക്രി​ക്ക​റ്റി​ൽ​നി​ന്നും ഐ.​പി.​എ​ല്ലി​ൽ​നി​ന്നും പു​റ​ത്താ​ക്കു​ന്ന​തും ബി.​സി.​സി.​ഐ ക​രാ​ർ വെ​ട്ടി​ക്കു​റ​ക്കു​ന്ന​തു​മ​ട​ക്കം ക​ടു​ത്ത ന​ട​പ​ടി​ക​ളാ​ണ് കാ​ത്തി​രി​ക്കു​ന്ന​ത്. അ​ടി​യ​ന്ത​ര പ്രാ​ധാ​ന്യ​ത്തോ​ടെ​യാ​ണ് ന​ട​പ​ടി പ്ര​ഖ്യാ​പി​ച്ചി​രി​ക്കു​ന്ന​ത്.

ക​ഴി​ഞ്ഞ​യാ​ഴ്ച കോ​ച്ച് ഗൗ​തം ഗം​ഭീ​ർ, ക്യാ​പ്റ്റ​ൻ രോ​ഹി​ത് ശ​ർ​മ, സെ​ല​ക്ഷ​ൻ സ​മി​തി അ​ധ്യ​ക്ഷ​ൻ അ​ജി​ത് അ​ഗാ​ർ​ക്ക​ർ, ബി.​സി.​സി.​ഐ സെ​ക്ര​ട്ട​റി ദേ​വ്ജി​ത് സെ​യ്കി​യ എ​ന്നി​വ​ർ പ​​ങ്കെ​ടു​ത്ത യോ​ഗ​മാ​ണ് തീ​രു​മാ​ന​മെ​ടു​ത്ത​ത്. സ്വ​ന്തം മ​ണ്ണി​ൽ ന്യൂ​സി​ല​ൻ​ഡി​നെ​തി​രെ​യും തൊ​ട്ടു​പി​റ​കെ ബോ​ർ​ഡ​ർ-​ഗ​വാ​സ്ക​ർ ട്രോ​ഫി​യി​ൽ ആ​സ്ട്രേ​ലി​യ​ക്കെ​തി​രെ​യും ഇ​ന്ത്യ നാ​ണം​കെ​ട്ടി​രു​ന്നു. ടെ​സ്റ്റ് ചാ​മ്പ്യ​ൻ​ഷി​പ്പി​ൽ​നി​ന്ന് ആ​ദ്യ​മാ​യി ഇ​ന്ത്യ പു​റ​ത്താ​കു​ക​യും ചെ​യ്തു. പ്ര​ധാ​ന നി​ർ​ദേ​ശ​ങ്ങ​ൾ ഇ​വ​യാ​ണ്:

യാ​ത്ര ടീ​മി​നൊ​പ്പം

പ​ര​മ്പ​ര​ക​ൾ​ക്കി​ടെ താ​ര​ങ്ങ​ൾ ടീം ​ബ​സി​ൽ യാ​ത്ര ചെ​യ്യാ​തെ കു​ടും​ബ​ത്തി​നൊ​പ്പ​മോ സ്വ​ന്ത​മാ​യോ വ​രു​ന്ന​ത് നി​ർ​ത്തും. എ​ല്ലാ​വ​രും സ​മ​ന്മാ​രാ​ണ് എ​ന്ന​തി​നു പ​ക​രം ചി​ല​ർ കൂ​ടു​ത​ൽ സ​മ​ന്മാ​രാ​ണ് എ​ന്നു വ​രു​ന്ന​ത് ഒ​ഴി​വാ​ക്കു​ക​യാ​ണ് ല​ക്ഷ്യം. സ്വ​ന്ത​മാ​യി യാ​ത്ര അ​നി​വാ​ര്യ​മാ​യ​വ​ർ കോ​ച്ചി​ന്റെ പ്ര​ത്യേ​ക അ​നു​മ​തി വാ​ങ്ങ​ണം.

പ​രി​ശീ​ല​ന​ത്തി​ൽ ‘നോ ​കോം​പ്ര​മൈ​സ്’

ടീ​മി​നൊ​പ്പം പ​രി​ശീ​ല​ന​ത്തി​ൽ പ​​ങ്കെ​ടു​ക്കു​ന്ന​തി​ൽ വ​രു​ത്തു​ന്ന വീ​ഴ്ച​ക​ൾ ഇ​നി ഗു​രു​ത​ര​മാ​യി കാ​ണും. കൃ​ത്യ​മാ​യി ഓ​രോ താ​ര​വും നി​ർ​ദി​ഷ്ട സ​മ​യ​ത്ത് പ​രി​ശീ​ല​ന​ത്തി​ന് ഉ​ണ്ടാ​ക​ണം.

ആ​ഭ്യ​ന്ത​ര ക്രി​ക്ക​റ്റ് നി​ർ​ബ​ന്ധം

ആ​ഭ്യ​ന്ത​ര ക്രി​ക്ക​റ്റി​ൽ താ​ര​ങ്ങ​ൾ ഇ​റ​ങ്ങ​ൽ നി​ർ​ബ​ന്ധ​മാ​ക്കി​യി​ട്ടു​ണ്ട്. അ​ല്ലാ​ത്ത​പ​ക്ഷം ദേ​ശീ​യ ടീ​മി​ൽ പ​രി​ഗ​ണി​ക്കി​ല്ല. ബി.​സി.​സി.​ഐ ക​രാ​റി​ൽ​നി​ന്ന് പു​റ​ത്താ​കും. ഈ ​നി​ർ​ദേ​ശം ക​ഴി​ഞ്ഞ​വ​ർ​ഷം മു​ത​ൽ ബി.​സി.​സി.​ഐ ന​ട​പ്പാ​ക്കി​യി​രു​ന്നു. അ​സാ​ധാ​ര​ണ സാ​ഹ​ച​ര്യ​ങ്ങ​ളി​ല്ലാ​തെ ഇ​തി​ൽ ഇ​ള​വു​ണ്ടാ​കി​ല്ല.

കു​ടും​ബ​ത്തി​ലും നി​യ​ന്ത്ര​ണം

കോ​വി​ഡ് കാ​ല​ത്തോ​ടെ താ​ര​ങ്ങ​ൾ കു​ടും​ബ​ത്തെ കൂ​ടെ കൂ​ട്ടു​ന്ന​ത് വ​ർ​ധി​ച്ച​ത് പ്ര​ക​ട​ന​ത്തെ ബാ​ധി​ച്ച​താ​യി ബി.​സി.​സി.​ഐ പ​റ​യു​ന്നു. അ​ത് പ​റ​യാ​ൻ 45 നാ​ൾ​വ​രെ​യു​ള്ള ദീ​ർ​ഘ​മാ​യ പ​ര​മ്പ​ര​ക​ളി​ൽ അ​വ​ർ​ക്ക് പ​ര​മാ​വ​ധി കൂ​ടെ ത​ങ്ങാ​വു​ന്ന​ത് ര​ണ്ടാ​ഴ്ച​യാ​യി ചു​രു​ക്കും. കോ​ച്ച്, ക്യാ​പ്റ്റ​ൻ, ബി.​സി.​സി.​ഐ ജ​ന​റ​ൽ മാ​നേ​ജ​ർ എ​ന്നി​വ​രു​ടെ അ​നു​മ​തി വാ​ങ്ങ​ണം. കു​ടും​ബ​ത്തി​ന്റെ ചെ​ല​വ് സ്വ​ന്ത​മാ​യെ​ടു​ക്ക​ണം.

നേ​ര​ത്തേ മ​ട​ക്ക​മി​ല്ല

അ​ഞ്ചു​ദി​വ​സം നീ​ളു​ന്ന ടെ​സ്റ്റ് നേ​ര​ത്തേ തീ​രു​ക​യും പ​ര​മ്പ​ര പ​ദ്ധ​തി​യി​ട്ട​ത്ര ദി​വ​സം ആ​വ​ശ്യ​മി​ല്ലാ​തെ പൂ​ർ​ത്തി​യാ​കു​ക​യും ചെ​യ്താ​ലും ഒ​റ്റ​ക്ക് മു​ങ്ങാ​ൻ അ​നു​വ​ദി​ക്കി​ല്ല.

സ്വ​ന്തം ജീ​വ​ന​ക്കാ​ർ വേ​ണ്ട

താ​ര​ങ്ങ​ൾ​ക്ക് പൊ​തു​വാ​യി അ​നു​വ​ദി​ച്ച ജീ​വ​ന​ക്കാ​ർ​ക്ക് പു​റ​മെ മാ​നേ​ജ​ർ​മാ​ർ, ഷെ​ഫു​മാ​ർ, അ​സി​സ്റ്റ​ന്റു​മാ​ർ, സു​ര​ക്ഷ ഉ​ദ്യോ​ഗ​സ്ഥ​ർ എ​ന്നി​ങ്ങ​നെ ആ​രെ​യും സ്വ​ന്ത​മാ​യി കൂ​ട്ടാ​ൻ അ​നു​വ​ദി​ക്കി​ല്ല. താ​ര​ങ്ങ​ൾ​ക്ക് വ്യ​ക്തി​പ​ര​മാ​യ ആ​വ​ശ്യ​ങ്ങ​ൾ​ക്കു​ള്ള ഷൂ​ട്ടു​ക​ളോ പ​ര​സ്യ ചി​ത്ര​ങ്ങ​ളോ ന​ട​ത്താ​ൻ അ​നു​വാ​ദ​മി​ല്ല. ഇ​തി​നാ​യി പ​രി​ശീ​ല​ന സെ​ഷ​നി​ൽ​നി​ന്ന് നേ​ര​ത്തേ പോ​കാ​ൻ സാ​ധി​ക്കി​ല്ല.

ന​ട​പ​ടി​ക​ൾ ക​ടു​ക്കും

അ​ച്ച​ട​ക്ക ലം​ഘ​ന​മു​ണ്ടാ​യാ​ൽ ഏ​റ്റ​വും ക​ടു​ത്ത ന​ട​പ​ടി​ക​ളു​ണ്ടാ​കു​മെ​ന്നാ​ണ് മു​ന്ന​റി​യി​പ്പ്. ഐ.​പി.​എ​ൽ അ​ട​ക്കം ബി.​സി.​സി.​ഐ ന​ട​ത്തു​ന്ന ടൂ​ർ​ണ​മെ​ന്റു​ക​ളി​ൽ പ​​​ങ്കെ​ടു​ക്കാ​നാ​കി​ല്ലെ​ന്ന് മാ​ത്ര​മ​ല്ല, താ​ര​ങ്ങ​ൾ​ക്കു​ള്ള ക​രാ​ർ പ്ര​കാ​ര​മു​ള്ള ബാ​ക്കി തു​ക​യും മു​ട​ങ്ങും.

ചാമ്പ്യൻസ് ട്രോഫി ടീം ശനിയാഴ്ച

മും​ബൈ: യു.​എ.​ഇ​യി​ലും പാ​കി​സ്താ​നി​ലു​മാ​യി ന​ട​ക്കു​ന്ന ചാ​മ്പ്യ​ൻ​സ് ട്രോ​ഫി​ക്കു​ള്ള ഇ​ന്ത്യ​ൻ ടീ​മി​നെശനിയാഴ്ച പ്ര​ഖ്യാ​പി​ക്കും. അ​ജി​ത് അ​ഗാ​ർ​ക്ക​റു​ടെ നേ​തൃ​ത്വ​ത്തി​ലു​ള്ള സെ​ല​ക്ഷ​ൻ ക​മ്മി​റ്റി യോ​ഗം ശനിയാഴ്ച ചേ​രും. പേ​സ​ർ ജ​സ്പ്രീ​ത് ബും​റ​യു​ടെ പ​രി​ക്കും യ​ശ​സ്വി ജ​യ്സ്വാ​ളു​ടെ തി​രി​ച്ചു​വ​ര​വു​മു​ൾ​​പ്പെ​ടെ വി​ഷ​യ​ങ്ങ​ൾ പ​രി​ഗ​ണ​ന​ക്ക് വ​രും. രോ​ഹി​ത് ശ​ർ​മ ത​ന്നെ ക്യാ​പ്റ്റ​നാ​യി തു​ട​രും. വി​രാ​ട് കോ​ഹ്‍ലി, ശു​ഭ്മാ​ൻ ഗി​ൽ, ശ്രേ​യ​സ് അ​യ്യ​ർ എ​ന്നി​വ​രും ടീ​മി​ലു​ണ്ടാ​കും. പ്ര​ധാ​ന വി​ക്ക​റ്റ് കീ​പ്പ​റാ​യി ഋ​ഷ​ഭ് പ​ന്ത്, സ​ഞ്ജു സാം​സ​ൺ എ​ന്നി​വ​രി​ൽ ആ​ർ​ക്ക് ന​റു​ക്കു വീ​ഴും എ​ന്ന​തും നി​ർ​ണാ​യ​കം. സ​ഞ്ജു പു​റ​ത്താ​യാ​ൽ ധ്രു​വ് ജു​റെ​ലി​നാ​കും അ​വ​സ​രം.