ഐ.പി.എൽ ഇനി പഴയതുപോലെയല്ല; നിർണായക മാറ്റത്തിനൊരുങ്ങി ബി.സി.സി.ഐ

മുംബൈ: ഇന്ത്യൻ പ്രീമിയർ ലീഗ് നിയമത്തിൽ നിർണായക മാറ്റത്തിനൊരുങ്ങി ഇന്ത്യൻ ക്രിക്കറ്റ് കൺട്രോൾ ബോർഡ്. വരുന്ന സീസൺ മുതലാണ് മാറ്റം വരുക. ഒരോവറിൽ ബൗളർക്ക് രണ്ട് ബൗൺസർ അനുവദിക്കുന്നതാണ് പുതിയ നിയമം. ഈയിടെ അവസാനിച്ച സെയ്ദ് മുഷ്താഖ് അലി ട്രോഫി ക്രിക്കറ്റ് ടൂർണമെന്റിൽ ഇത് വിജയകരമായി പരീക്ഷിച്ചിരുന്നു. ഐ.പി.എല്ലിലും ഇത് നടപ്പാക്കാൻ തീരുമാനിച്ചതായും 2024 സീസണിൽ പുതിയ നിയമം നിലവിൽ വരുമെന്നുമാണ് റിപ്പോർട്ട്. പുതിയ നിയമം മത്സരം കൂടുതൽ ആവേശകരമാക്കുമെന്നും ഡെത്ത് ഓവറുകളിൽ ബാറ്റർമാരെ കുഴക്കാൻ ബൗളർമാർക്ക് ഇത് കൂടുതൽ ഗുണം ചെയ്യുമെന്നുമാണ് വിലയിരുത്തൽ.

ഐ.പി.എൽ ലേലം ഇന്ന് ദുബൈയിൽ നടക്കാനിരിക്കെയാണ് പുതിയ നിയമം കൊണ്ടുവരുന്നതിനെ കുറിച്ചുള്ള റിപ്പോർട്ടുകൾ പുറത്തുവന്നത്. 214 ഇ​ന്ത്യ​ക്കാ​ര​ട​ക്കം 333 പേ​രാ​ണ് 10 ടീ​മു​ക​ളി​ൽ ഇ​ടം​തേ​ടി രം​ഗ​ത്തു​ള്ള​ത്. 77 ഒ​ഴി​വു​ക​ളു​ള്ള​തി​ൽ 30 ​വ​രെ വി​ദേ​ശ​താ​ര​ങ്ങ​ളെ സ്വ​ന്ത​മാ​ക്കാം. ഇ​വ​ർ​​ക്കാ​യി മൊ​ത്തം 262 കോ​ടി രൂ​പ​വ​രെ മു​ട​ക്കാം. 23 താ​ര​ങ്ങ​ൾ​ക്ക് അ​ടി​സ്ഥാ​ന വി​ല ര​ണ്ട് കോ​ടി രൂ​പ​യാ​ണ്. തൊ​ട്ടു​താ​ഴെ 1.5 കോ​ടി വി​ല​യു​ള്ള 13 പേ​രു​ണ്ട്.

ഓ​രോ ടീ​മും കൃ​ത്യ​മാ​യ ക​ണ​ക്കു​കൂ​ട്ട​ലു​ക​ളോ​ടെ​യാ​ണ് താ​ര​ലേ​ല​ത്തി​നെ​ത്തു​ക. 31.4 കോ​ടി കൈ​യി​ലു​ള്ള ചെ​ന്നൈ വെ​റ്റ​റ​ൻ താ​രം അം​ബാ​ട്ടി റാ​യു​ഡു, മ​നീ​ഷ് പാ​ണ്ഡെ എ​ന്നി​വ​ർ​ക്ക് പ​ക​ര​​ക്കാ​രെ തി​ര​ഞ്ഞാ​കും എ​ത്തു​ക. ടീം ​വി​ട്ടു​ന​ൽ​കി​യ ഷാ​ർ​ദു​ൽ താ​ക്കൂ​റി​ന് പ​ക​ര​മോ താ​ര​ത്തെ​ത​ന്നെ​യോ ടീം ​സ്വ​ന്ത​മാ​ക്കും. ക്യാ​പ്റ്റ​ൻ ഹാ​ർ​ദി​ക് പാ​ണ്ഡ്യ ടീം ​വി​ട്ട ഗു​ജ​റാ​ത്ത് ടൈ​റ്റ​ൻ​സി​നു​മേ​ലാ​ണ് സ​മ്മ​ർ​ദം ഏ​റ്റ​വും കൂ​ടു​ത​ൽ. ഷാ​ർ​ദു​ൽ താ​ക്കൂ​ർ, ര​ചി​ൻ ര​വീ​ന്ദ്ര, ഡാ​രി​ൽ മി​ച്ച​ൽ, അ​സ്മ​തു​ല്ല ഉ​മ​ർ​സാ​യ് എ​ന്നി​വ​രി​ലാ​ണ് ടീം ​നോ​ട്ട​മി​ട്ടി​രി​ക്കു​ന്ന​ത്. 38.15 കോ​ടി​യാ​ണ് ഗു​ജ​റാ​ത്തി​ന്റെ സ​മ്പാ​ദ്യം.

ക്യാ​പ്റ്റ​ൻ ഋ​ഷ​ഭ് പ​ന്തി​ന്റെ തി​രി​ച്ചു​വ​ര​വ് ഇ​പ്പോ​ഴും അ​നി​ശ്ചി​ത​മാ​യി തു​ട​രു​ന്ന ഡ​ൽ​ഹി​ക്ക് ഹ​ർ​ഷ​ൽ പ​ട്ടേ​ൽ, ഷാ​ർ​ദു​ൽ, ജോ​സ് ഇ​ൻ​ഗ്ലി​സ്, വ​നി​ന്ദു ഹ​സ​രം​ഗ തു​ട​ങ്ങി ക​ഴി​വ് തെ​ളി​യി​ച്ച കു​റെ​പേ​രെ വേ​ണം. 28.95 ​കോ​ടി​യാ​ണ് ടീ​മി​ന്റെ നീ​ക്കി​യി​രി​പ്പ്. രാ​ജ​സ്ഥാ​നാ​ക​ട്ടെ സ​മീ​ർ റി​സ്‍വി, അ​ശു​തോ​ഷ് ശ​ർ​മ, അ​ഭി​മ​ന്യു സി​ങ്, സൗ​ര​ഭ് ചൗ​ഹാ​ൻ തു​ട​ങ്ങി കു​റേ​ക്കൂ​ടി യു​വ​നി​ര​യെ​യാ​ണ് ല​ക്ഷ്യം​വെ​ക്കു​ന്ന​ത്. രോ​ഹി​തി​നു പ​ക​രം ഹാ​ർ​ദി​കി​നെ നാ​യ​ക​നാ​ക്കി​യ മും​ബൈ​യും വ​ൻ​സ്രാ​വു​ക​ളെ നോ​ട്ട​മി​ടു​ന്നി​ല്ല. ഹ​ർ​ഷ​ൽ പ​ട്ടേ​ലി​നെ വി​ട്ടു​ന​ൽ​കി​യ ബാം​ഗ്ലൂ​രി​ന് പ​ക​ര​മാ​യി മി​ച്ച​ൽ സ്റ്റാ​ർ​ക്, പാ​റ്റ് ക​മി​ൻ​സ് തു​ട​ങ്ങി​യ പ്ര​മു​ഖ​രെ​യാ​ണ് വേ​ണ്ട​ത്. പ​രി​ച​യ​സ​മ്പ​ന്ന​ർ​ക്ക് പി​ന്നാ​ലെ​യാ​ണ് പ​ഞ്ചാ​ബ് കി​ങ്സ്, കൊ​ൽ​ക്ക​ത്ത, ല​ഖ്നോ ടീ​മു​ക​ളും.