Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightഹാട്രിക്​ ജയവുമായി...

ഹാട്രിക്​ ജയവുമായി ബാംഗ്ലൂർ തലപ്പത്ത്​; വെടിക്കെട്ടിന്​ മറുപടിയില്ലാതെ കൊൽക്കത്ത

text_fields
bookmark_border
rcb
cancel

ചെന്നൈ: തുടർച്ചയായ മൂന്നാംജയവുമായി റോയൽ ചാലഞ്ചേഴ്​സ്​ ബാംഗ്ലൂർ ജൈത്രയാത്ര തുടരുന്നു. ബൗളർമാർ അരങ്ങുവാണിരുന്ന ചെന്നൈ ചെപ്പോക്ക്​ സ്​റ്റേഡിയം ബാറ്റിങ്​ കരുത്തിന്​ വഴിമാറിയ മത്സരത്തിൽ ബാംഗ്ലൂർ ഉയർത്തിയ 205 റൺസിന്‍റെ വിജയലക്ഷ്യം പിന്തുടർന്നിറങ്ങിയ കൊൽക്കത്തയുടെ പോരാട്ടം 166 റൺസിലവസാനിക്കുകയായിരുന്നു. 31 റൺസെടുത്ത ആന്ദ്രേ റസൽ ഒന്ന്​ പേടിപ്പിച്ചെങ്കിലും ബാംഗ്ലൂർ ബൗളർമാർ അനായാസം കളി വരുതിയിലാക്കുകയായിരുന്നു. മൂന്നുമത്സരങ്ങളിൽ നിന്നും മൂന്നും വിജയിച്ച ബാംഗ്ലൂർ പോയന്‍റ്​ പട്ടികയിൽ ഒന്നാമതെത്തിയപ്പോൾ കൊൽക്കത്തക്കിത്​ രണ്ടാം തോൽവിയാണ്​.


കൊൽക്കത്ത ബാറ്റിങ്​ നിരയിൽ മിക്കവർക്കും നല്ല തുടക്കം ലഭിച്ചെങ്കിലും മികച്ച സ്​കോറിലേക്കെത്താനായില്ല. നിതിഷ്​ റാണ (18), ശുഭ്​മാൻ ഗിൽ (21), രാഹുൽ ത്രിപതി (25), ഓയിൻ മോർഗൻ(29), ദിനേഷ്​ കാർത്തിക്​ (2), ഷാക്കിബ്​ അൽ ഹസൻ (26) എന്നിങ്ങനെയാണ്​ കൊൽക്കത്ത ബാറ്റ്​സ്​മാൻമാരുടെ സ്​കോറുകൾ. ബാംഗ്ലൂരിനായി കൈൽ ജാമിസൺ മൂന്നും യൂസ്​വേന്ദ്ര ചാഹൽ, ഹാർഷൽ പ​േട്ടൽ എന്നിവർ രണ്ട്​വിക്കറ്റ്​ വീതവും വീഴ്​ത്തി.

ഡാനിയൽ ക്രിസ്റ്റ്യനെ പുറത്തിരുത്തിയ ബാംഗ്ലൂർ 3 വിദേശ താരങ്ങളുമായാണ്​ കളിക്കാനിറങ്ങിയത്​.ആദ്യം ബാറ്റുചെയ്​ത ബാംഗ്ലൂർ ആശങ്കയോടെയാണ്​ തുടങ്ങിയത്​. നായകൻ വിരാട്​ കോഹ്​ലിയും (5) രജത്​ പട്ടീഥാറും വേഗം മടങ്ങി. എന്നാൽ ദേവ്​ദത്ത്​ പടിക്കലിനെ (28 പന്തിൽ 25) കൂട്ടുപിടിച്ച്​ ​െഗ്ലൻ മാക്​സ്​വെൽ (49പന്തിൽ 78) ബാംഗ്ലൂരിനെ പൊക്കിയെടുക്കുകയായിരുന്നു. ആത്മവിശ്വാസത്തോടെ ബാറ്റുചെയ്​ത മാക്​സ്​വെല്ലിൻെറ ബാറ്റിൽ നിന്നും റൺസൊഴുകിയതോടെ കൊൽക്കത്ത ബൗളർമാർ വിയർത്തു. മാക്​സ്​വെല്ലിനു കൂട്ടായെത്തിയ എ.ബി ഡിവി​ല്ലിയേഴ്​സും (34 പന്തിൽ 76) എത്തിയതോടെ കൊൽക്കത്ത നായകൻ മോർഗൻ സംഭവിക്കരുതെന്ന്​ പ്രാർഥിച്ചത്​ തന്നെ നടന്നു. സ്​ഫോടനാത്മക ബാറ്റിങ്ങുമായി ഇരുവരും നിറഞ്ഞാടിയതോടെ ബാംഗ്ലൂർ സ്​കോർ 200ഉം പിന്നിട്ടുകുതിക്കുകയായിരുന്നു. മാക്​സ്​വെല്ലും ഡിവില്ലിയേഴ്​സും മൂന്ന്​ സിക്​സറുകളും ഒൻപത്​ ബൗണ്ടറികളും വീതം അടിച്ചെടുത്തു​. ​




Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:RCBkkrIPL 2021
News Summary - Bangalore vs Kolkata, 10th Match
Next Story