ആസ്​ട്രേലിയൻ ക്രിക്കറ്റ്​ ഇതിഹാസം ഷെയ്​ൻ വോണിന്​ ബൈക്കപകടത്തിൽ പരിക്ക്​

സിഡ്​നി: ആസ്​ട്രേലിയൻ ക്രിക്കറ്റ്​ ഇതിഹാസം ഷെയ്​ൻ വേണിന്​ വാഹനാപകടത്തിൽ പരിക്ക്​. മകൻ ജാക്‌സണോടൊപ്പം ബൈക്കിൽ പോകുകയായിരുന്ന വോൺ തെന്നിവീഴുകയായിരുന്നുവെന്ന്​ സിഡ്​നി മോണിങ്​ ഹെറാൾഡ്​ റിപ്പോർട്ട്​ ചെയ്​തു.

അപകടത്തിന്​ പിന്നാലെ ആശുപത്രിയി​ലെത്തി നടത്തിയ പരി​ശോധനകളിൽ പരിക്ക്​ ഗുരുതരമല്ലെന്നറിഞ്ഞു. എന്നാൽ പിറ്റേ ദിവസം നല്ല വേദന അനുഭവപ്പെട്ടതായി വോൺ പ്രതികരിച്ചു. 15 മീറ്ററിലധികം ബൈക്ക്​ തെന്നിമാറിയതിനെ തുടർന്ന്​ താരത്തിന്‍റെ ഇടുപ്പിനും കാലിനും കണങ്കാലിനും പരിക്കേറ്റു. മകനാണ്​ അദ്ദേഹത്തെ പരിചരിച്ചുവരുന്നത്​.

ഡിസംബർ എട്ടുമുതൽ ബ്രിസ്​ബേനിൽ ആരംഭിക്കാനിരിക്കുന്ന ആഷസ്​ പരമ്പരക്ക്​ കമന്‍ററി പറയാൻ സാധിക്കുമെന്ന പ്രതീക്ഷയിലാണ്​ വോൺ ഇപ്പോഴും.