ശ്രീലങ്കയെ ഏഴു വിക്കറ്റിന്​ തകർത്ത്​ ആസ്​ട്രേലിയക്ക്​ രണ്ടാം ജയം

ദു​ബൈ: ട്വ​ൻ​റി20 ലോ​ക​ക​പ്പ്​ ഗ്രൂ​പ്​ ഒ​ന്നി​ൽ രണ്ടാം ജയവുമായി ആസ്​ട്രേലിയ. ആ​ദ്യ ക​ളി ജ​യി​ച്ചെ​ത്തി​യ ടീ​മു​ക​ളു​ടെ അ​ങ്ക​ത്തി​ൽ ശ്രീ​ല​ങ്ക​യെ ഏഴു വിക്കറ്റിനാണ്​ ഓസീസ്​ തകർത്തത്​.

ടോസ്​ നേടി ബൗളിങ്​ തെരഞ്ഞെടുത്ത്​ ല​ങ്കയെ 20 ഓ​വ​റി​ൽ ആ​റു വി​ക്ക​റ്റ്​ ന​ഷ്​​ട​ത്തി​ൽ 154 റ​ൺ​സി​ലൊതുക്കിയ ഓസീസ്​ 18 പന്ത്​ ബാക്കിയിരിക്കെ മൂന്നു വിക്കറ്റ്​ നഷ്​ടത്തിൽ ലക്ഷ്യത്തിലെത്തുകയായിരുന്നു.

ഏറക്കാലത്തിനുശേഷം ഫോമിലേക്ക്​ തിരിച്ചെത്തിയ ഓപണർ ഡേവിഡ്​ വാർണറുടെ (42 പന്തിൽ 65) മികവിലാണ്​ ഓസീസ്​ അനായാസം വിജയതീരമണഞ്ഞത്​. ക്യാപ്​റ്റൻ ആരോൺ ഫിഞ്ച്​ (23 പന്തിൽ 37), സ്​റ്റീവൻ സ്​മിത്ത്​ (26*), മാർകസ്​ സ്​റ്റോയ്​നിസ്​ (16*) എന്നിവരും തിളങ്ങി. ഗ്ലെൻ മാക്​സ്​വെൽ (5) വേഗം പുറത്തായി.

നേരത്തേ, പ​ത്താം ഓ​വ​റി​ൽ ഒ​രു വി​ക്ക​റ്റി​ന്​ 78 റ​ൺ​സെ​ന്ന മി​ക​ച്ച നി​ല​യി​ലാ​യി​രു​ന്ന ല​ങ്ക പൊ​ടു​ന്ന​നെ ത​ക​ർ​ച്ച നേ​രി​ടു​ക​യാ​യി​രു​ന്നു. 16 റ​ൺ​സി​നി​ടെ നാ​ലു വി​ക്ക​റ്റ്​ ന​ഷ്​​ട​മാ​യ​തോ​ടെ 13ാം ഓ​വ​റി​ൽ അ​ഞ്ചി​ന്​ 94 നി​ല​യി​ലേ​ക്ക്​ കൂ​പ്പു​കു​ത്തി​യ ല​ങ്ക​ക്കാ​ർ പി​ന്നീ​ട്​ ഒ​രു​വി​ധം പി​ടി​ച്ചു​നി​ന്ന്​ 150 ക​ട​ക്കു​ക​യാ​യി​രു​ന്നു.

ര​ണ്ടു വി​ക്ക​റ്റ്​ വീ​തം വീ​ഴ്​​ത്തി​യ സ്​​പി​ന്ന​ർ ആ​ദം സാം​പ​യും പേ​സ​ർ​മാ​രാ​യ മി​ച്ച​ൽ സ്​​റ്റാ​ർ​കും പാ​റ്റ്​ ക​മ്മി​ൻ​സും ചേ​ർ​ന്നാ​ണ്​ ല​ങ്ക​യെ ഒ​തു​ക്കി​യ​ത്. സാംപയാണ്​ മാൻ ഓഫ്​ ദ മാച്ച്​.

35 റ​ൺ​സ്​ വീ​ത​മെ​ടു​ത്ത കു​ശാ​ൽ പെ​രേ​ര​യും ച​രി​ത്​ അ​സ​ല​ങ്ക​യു​മാ​ണ്​ ല​ങ്ക​ക്ക്​ മി​ക​ച്ച തു​ട​ക്കം ന​ൽ​കി​യ​ത്. പാ​തും നി​സാ​ങ്ക (7) ​പെ​​ട്ടെ​ന്ന്​ മ​ട​ങ്ങി​യ​തി​നെ തു​ട​ർ​ന്ന്​ ഒ​ത്തു​ചേ​ർ​ന്ന ഇ​രു​വ​രും ഓ​സീ​സ്​ ബൗ​ളി​ങ്ങി​നെ അ​നാ​യാ​സം നേ​രി​ട്ട​പ്പോ​ൾ ല​ങ്ക​ൻ സ്​​കോ​ർ കു​തി​ച്ചു​യ​ർ​ന്നു. ക​ഴി​ഞ്ഞ ക​ളി​യി​ലെ ത​ക​ർ​പ്പ​ൻ ഫോം ​തു​ട​ർ​ന്ന അ​സ​ല​ങ്ക​ക്ക്​ പെ​രേ​ര മി​ക​ച്ച പി​ന്തു​ണ​യേ​കി.

അ​സ​ല​ങ്ക​യെ സാം​പ വീ​ഴ്​​ത്തി​യ​തോ​ടെ​യാ​ണ്​ ഈ ​കൂ​ട്ടു​കെ​ട്ട്​ പൊ​ളി​ഞ്ഞ​ത്. പി​ന്നാ​ലെ പെ​രേ​ര​യെ​യും വാ​നി​ന്ദു ഹ​സ​ര​ങ്ക​യെ​യും (4) സ്​​റ്റാ​ർ​കും അ​വി​ഷ്​​ക ഫെ​ർ​ണാ​ണ്ടോ​യെ (4) സാം​പ​യും മ​ട​ക്കി​യ​തോ​ടെ ഓ​സീ​സി​ന്​ മു​ൻ​തൂ​ക്ക​മാ​യി.

പി​ന്നീ​ട്​ പ്ര​ത്യാ​​ക്ര​മ​ണം ന​ട​ത്തി​യ ഭാ​നു​ക രാ​ജ​പ​ക്​​സെ​യാ​ണ്​ (33*) ല​ങ്ക​ക്ക്​ മാ​ന്യ​മാ​യ സ്​​കോ​ർ സ​മ്മാ​നി​ച്ച​ത്. നാ​യ​ക​ൻ ദാ​സു​ൻ ശാ​ന​ക​യെ (12) കൂ​ട്ടു​പി​ടി​ച്ചാ​യി​രു​ന്നു രാ​ജ​പ​ക്​​സെ​യു​ടെ ര​ക്ഷാ​പ്ര​വ​ർ​ത്ത​നം. ചാ​മി​ക ക​രു​ണ​ര​ത്​​നെ (9*) രാ​ജ​പ​ക്​​സെ​ക്കൊ​പ്പം പു​റ​ത്താ​വാ​തെ നി​ന്നു.