പാകിസ്താൻ കീഴടക്കി ആസ്ട്രേലിയ

ലാഹോർ: ആദ്യ രണ്ടു ടെസ്റ്റുകളിലെ വിരസമായ സമനിലകളെ അവസാന മത്സരത്തിലെ സ്​പോർട്ടിങ് ഡിക്ലറേഷനിലൂടെ ആവേശകരമാക്കിയ ആസ്ട്രേലിയ മത്സരവും പരമ്പരയും സ്വന്തമാക്കി ഫലവും കൊയ്തു.

മൂന്നാം ടെസ്റ്റ് 115 റൺസിന് ജയിച്ച സന്ദർശകർ പരമ്പര 1-0ത്തിന് നേടി. നാലാം ഇന്നിങ്സിൽ 351 റൺസ് ലക്ഷ്യമുയർത്തിയ ഓസീസ് ആതിഥേയരെ 235ലൊതുക്കുകയായിരുന്നു. സ്കോർ: ആസ്ട്രേലിയ 391, 227/3 ഡിക്ല. പാകിസ്താൻ 268, 235.

അഞ്ചു വിക്കറ്റ് വീഴ്ത്തിയ നതാൻ ലിയോണും മൂന്നു വിക്കറ്റ് പിഴുത നായകൻ പാറ്റ് കമ്മിൻസുമാണ് ഓസീസിന് ജയമൊരുക്കിയത്. പാക് നിരയിൽ ഇമാമുൽ ഹഖ് (70), ക്യാപ്റ്റൻ ബാബർ അഅ്സം (55) എന്നിവരാണ് പിടിച്ചുനിന്നത്.