മ​ല​യാ​ള​ത്തി​ന് മി​ന്നു​വി​ന്റെ സ്വ​ർ​ണം

ക​ൽ​പ​റ്റ: ഏ​ഷ്യ​ൻ ഗെ​യിം​സി​ൽ ഇ​ക്കു​റി കേ​ര​ള​ത്തി​ലേ​ക്ക് ആ​ദ്യ മെ​ഡ​ലെ​ത്തി​യ​ത് വ​യ​നാ​ട്ടു​കാ​രി ക്രി​ക്ക​റ്റ​ർ മി​ന്നു മ​ണി​യി​ലൂ​ടെ, അ​തും സ്വ​ർ​ണ​ത്തി​ന്റെ രൂ​പ​ത്തി​ൽ. ഫൈ​ന​ലി​ലെ​ത്തി ത​ലേ​ന്നു​ത​ന്നെ മെ​ഡ​ൽ ഉ​റ​പ്പി​ച്ച ടീം ​തി​ങ്ക​ളാ​ഴ്ച മൈ​താ​ന​ത്തി​റ​ങ്ങി​യ​പ്പോ​ൾ മാ​ന​ന്ത​വാ​ടി അ​മ്പൂ​ത്തി കൈ​പ്പാ​ട്ട് മാ​വും​ക​ണ്ടി വീ​ട്ടി​ൽ മി​ന്നു​വി​ന്റെ അ​ച്ഛ​നും അ​മ്മ​യും ക​ളി​കാ​ണാ​ൻ പ്രാ​ർ​ഥ​ന​യോ​ടെ​യാ​ണ് ടെ​ലി​വി​ഷ​ന് മു​ന്നി​ൽ ഇ​രു​ന്ന​ത്.

കേ​ര​ള​ക്ക​ര​യി​ൽ ആ​ദ്യ സ്വ​ർ​ണം മി​ന്നു​വി​ലൂ​ടെ എ​ത്തി​ക്കാ​ൻ ക​ഴി​ഞ്ഞ സ​ന്തോ​ഷ​ത്തി​ലാ​ണ് കു​ടും​ബം. സെ​ലി​ബ്രി​റ്റി പ​രി​വേ​ഷം അ​ഴി​ച്ചു​വെ​ച്ച വീ​ട്ടി​ൽ അ​ച്ഛ​ൻ മ​ണി​യും മാ​താ​വ് വ​സ​ന്ത​യും മു​ത്ത​ശ്ശി ശ്രീ​ദേ​വി​യും മാ​ത്ര​മാ​ണ് ക​ളി​കാ​ണാ​ൻ ഉ​ണ്ടാ​യി​രു​ന്ന​ത്. മി​ന്നു​വി​ന്റെ അ​നു​ജ​ത്തി മി​മി​ത പ​തി​വു​പോ​ലെ കോ​ള​ജി​ൽ പോ​വു​ക​യും ചെ​യ്തി​രു​ന്നു.

ഫൈ​ന​ൽ മ​ത്സ​ര​ത്തി​ൽ മി​ന്നു ക​ളി​ക്കാ​ൻ ഇ​റ​ങ്ങു​മെ​ന്ന പ്ര​തീ​ക്ഷ ഉ​ണ്ടാ​യി​രു​ന്നി​ല്ലെ​ങ്കി​ലും അ​തി​ന് ക​ഴി​യാ​തി​രു​ന്ന​തി​ന്റെ നി​രാ​ശ മ​ണി​യു​ടെ വാ​ക്കു​ക​ളി​ൽ നി​റ​ഞ്ഞി​രു​ന്നു. ഏ​ഷ്യ​ൻ ഗെ​യിം​സ് ക​ളി​ക്കാ​ൻ ആ​ദ്യ​മാ​യി വ​നി​ത ക്രി​ക്ക​റ്റ് ടീം ​ഇ​റ​ങ്ങി​യ​പ്പോ​ൾ അ​വ​ർ​ക്കൊ​പ്പം മ​ക​ൾ​ക്ക് പ​ങ്കാ​ളി​ത്തം വ​ഹി​ക്കാ​ൻ ക​ഴി​ഞ്ഞു​വെ​ന്ന​താ​ണ് കു​ടും​ബ​ത്തെ കൂ​ടു​ത​ൽ സ​ന്തോ​ഷി​പ്പി​ക്കു​ന്ന​ത്.

ഇ​ന്ത്യ​ൻ ടീ​മി​ൽ ക​ളി​ക്ക​ണ​മെ​ന്ന​ത് വ​ലി​യ സ്വ​പ്ന​മാ​യി കൊ​ണ്ടു​ന​ട​ന്ന മ​ക​ൾ​ക്ക് ആ​ദ്യ ചു​വ​ടു​വെ​പ്പി​ൽ​ത​ന്നെ ടീ​മി​നൊ​പ്പം സ്വ​ർ​ണം നേ​ടാ​ൻ ക​ഴി​ഞ്ഞ​ത് ചെ​റി​യ കാ​ര്യ​മ​ല്ലെ​ന്ന് മി​ന്നു​വി​ന്റെ മാ​താ​പി​താ​ക്ക​ൾ പ​റ​യു​ന്നു. മെ​ഡ​ൽ കി​ട്ടി​യ ഉ​ട​ൻ മി​ന്നു ടീ​മി​ന്റെ​യ​ട​ക്കം ചി​ത്ര​ങ്ങ​ൾ വീ​ട്ടി​ലേ​ക്ക് വാ​ട്സ്ആ​പ് ചെ​യ്തു​കൊ​ടു​ത്തു. മ​ലേ​ഷ്യ​ക്കെ​തി​രാ​യ മ​ത്സ​രം മ​ഴ​മൂ​ലം ഉ​പേ​ക്ഷി​ച്ച​തി​നാ​ൽ ടീ​മി​ൽ ഉ​ണ്ടാ​യി​രു​ന്നെ​ങ്കി​ലും ബാ​റ്റി​ങ്ങി​നും ബൗ​ളി​ങ്ങി​നും മി​ന്നു​വി​ന് അ​വ​സ​രം ല​ഭി​ച്ചി​രു​ന്നി​ല്ല.