ഏ​ഷ്യ ക​പ്പ് ക്രി​ക്ക​റ്റ് മ​ത്സ​ര​ങ്ങ​ൾ​ക്ക് നാ​ളെ തു​ട​ക്കം

ലാ​ഹോ​ർ: വ​ലി​യ കി​രീ​ട​ങ്ങ​ൾ​ക്കു മു​ന്നി​ൽ മു​ട്ടി​ടി​ച്ചു​പോ​കു​ന്നു​വെ​ന്ന ദു​ഷ്പേ​ര് പ​ഴ​ങ്ക​ഥ​യാ​ക്കി ക്രി​ക്ക​റ്റി​ലെ ലോ​ക ത​മ്പു​രാ​ക്ക​ന്മാ​ർ പ​ദ​വി തി​രി​ച്ചു​പി​ടി​ക്കാ​ൻ അ​ര​യും ത​ല​യും മു​റു​ക്കി ഇ​റ​ങ്ങി​യ ഇ​ന്ത്യ​ക്കു മു​ന്നി​ൽ ഇ​നി ​പൊ​ള്ളും പോ​രാ​ട്ട​ത്തി​ന്റെ നാ​ളു​ക​ൾ. ഒ​രു മാ​സം അ​ക​ലെ​നി​ൽ​ക്കു​ന്ന ലോ​ക​ക​പ്പി​ന്റെ മി​നി പ​തി​പ്പാ​യി വി​രു​ന്നെ​ത്തു​ന്ന ഏ​ഷ്യ ക​പ്പ് മ​ത്സ​ര​ങ്ങ​ൾ​ക്ക് ബു​ധ​നാ​ഴ്ച തു​ട​ക്ക​മാ​കും. ശ്രീ​ല​ങ്ക​യാ​ണ് നി​ല​വി​ലെ ചാ​മ്പ്യ​ന്മാ​ർ. 2022 എ​ഡി​ഷ​നി​ൽ പാ​കി​സ്താ​നെ വീ​ഴ്ത്തി​യാ​ണ് അ​വ​ർ ക​പ്പു​യ​ർ​ത്തി​യി​രു​ന്ന​ത്. ഇ​ന്ത്യ സൂ​പ്പ​ർ ഫോ​ർ പോ​രി​ൽ വീ​ണു​പോ​യി​രു​ന്നു. ഇ​ന്ത്യ ഏ​ഴു​വ​ട്ടം ഉ​യ​ർ​ത്തി​യ വ​ൻ​​ക​ര കി​രീ​ട​ത്തി​ൽ ല​ങ്ക​യു​ടെ ആ​റാം കി​രീ​ട​മാ​യി​രു​ന്നു അ​ത്. പാ​കി​സ്താ​ൻ പ​ക്ഷേ, ര​ണ്ടു​വ​ട്ടം മാ​ത്ര​മാ​ണ് ജേ​താ​ക്ക​ളാ​യ​ത്.

സ്ഥി​ര​മാ​യി ക​ളി​ക്കു​ന്ന അ​ഫ്ഗാ​നി​സ്താ​ൻ, ബം​ഗ്ലാ​ദേ​ശ്, ഇ​ന്ത്യ, പാ​കി​സ്താ​ൻ, ശ്രീ​ല​ങ്ക എ​ന്നി​വ​ക്കു​പു​റ​മെ ഇ​ത്ത​വ​ണ നേ​പാ​ളും ഇ​റ​ങ്ങു​ന്നു​ണ്ട്. ഐ.​സി.​സി റാ​ങ്കി​ങ്ങി​ൽ 15ാമ​തു​ള്ള നേ​പാ​ൾ യോ​ഗ്യ​ത പോ​രാ​ട്ട​മാ​യ എ.​സി.​സി പ്രീ​മി​യ​ർ ക​പ്പി​ൽ യു.​എ.​ഇ​യെ വീ​ഴ്ത്തി​യാ​ണ് ​ആ​റാ​മ​ന്മാ​രാ​യി ഇ​ട​മു​റ​പ്പി​ച്ച​ത്. ആ​റു ടീ​മു​ക​ൾ ര​ണ്ട് ഗ്രൂ​പ്പു​ക​ളാ​യി തി​രി​ഞ്ഞാ​കും മ​ത്സ​ര​ങ്ങ​ൾ. ഗ്രൂ​പ് എ​യി​ൽ ഇ​ന്ത്യ, നേ​പാ​ൾ, പാ​കി​സ്താ​ൻ ടീ​മു​ക​ളും ബി​യി​ൽ അ​ഫ്ഗാ​നി​സ്താ​ൻ, ബം​ഗ്ലാ​ദേ​ശ്, ശ്രീ​ല​ങ്ക എ​ന്നി​വ​യു​മാ​ണു​ണ്ടാ​വു​ക. ഓ​രോ ഗ്രൂ​പ്പി​ലും ടീ​മു​ക​ൾ പ​ര​സ്പ​രം മു​ഖാ​മു​ഖം നി​ന്ന​തി​ൽ ആ​ദ്യ ര​ണ്ടു സ്ഥാ​ന​ക്കാ​ർ സൂ​പ്പ​ർ ഫോ​റി​ലെ​ത്തും. നാ​ലു ടീ​മു​ക​ളും പ​ര​സ്പ​രം ക​ളി​ച്ച് ആ​ദ്യ ര​ണ്ടു​സ്ഥാ​ന​ക്കാ​ർ ക​ലാ​ശ​പ്പോ​രി​ലു​മെ​ത്തും. മൊ​ത്തം 13 മ​ത്സ​ര​ങ്ങ​ളാ​ണ്.

ആ​ഗ​സ്റ്റ് 30ന് ​മു​ൾ​ത്താ​നി​ൽ പാ​കി​സ്താ​ൻ- നേ​പാ​ൾ മ​ത്സ​ര​ത്തോ​ടെ​യാ​കും തു​ട​ക്ക​മാ​കു​ക. പാ​കി​സ്താ​നാ​യി​രു​ന്നു പൂ​ർ​ണ വേ​ദി​യെ​ങ്കി​ലും ഇ​ന്ത്യ അ​വി​ടേ​ക്ക് പോ​കാ​നി​ല്ലെ​ന്ന് ന​യം വ്യ​ക്ത​മാ​ക്കി​യ​തി​നെ തു​ട​ർ​ന്ന് ശ്രീ​ല​ങ്ക​യി​ൽ കൂ​ടി​യാ​കും മ​ത്സ​ര​ങ്ങ​ൾ ന​ട​ക്കു​ക. പാ​കി​സ്താ​നി​ൽ ലാ​ഹോ​ർ, മു​ൽ​ത്താ​ൻ വേ​ദി​ക​ളി​ലാ​യി നാ​ലും ശ്രീ​ല​ങ്ക​യി​ൽ പ​ല്ലെ​കി​ൽ, കൊ​ളം​ബോ എ​ന്നി​വി​ട​ങ്ങ​ളി​ലാ​യി ഒ​മ്പ​തും മ​ത്സ​ര​ങ്ങ​ളു​ണ്ടാ​കും. ര​ണ്ട​ര ആ​ഴ്ച​ക്കി​ടെ പ​ര​മാ​വ​ധി മൂ​ന്നു​വ​ട്ടം ഇ​ന്ത്യ​യും പാ​കി​സ്താ​നും മു​ഖാ​മു​ഖം നി​ന്നേ​ക്കാ​മെ​ന്ന സ​വി​ശേ​ഷ​ത​യും ഏ​ഷ്യ​ക​പ്പി​ലു​ണ്ട്. ഇ​രു​വ​രും ത​മ്മി​ലെ ​ഗ്രൂ​പ് പോ​രാ​ട്ടം സെ​പ്റ്റം​ബ​ർ ര​ണ്ടി​ന് ശ്രീ​ല​ങ്ക​ൻ മൈ​താ​ന​ത്താ​ണ്. സൂ​പ്പ​ർ ഫോ​റി​ലും ഇ​രു​വ​രും ത​മ്മി​ലെ പോ​രാ​ട്ട​ത്തി​ന് സാ​ധ്യ​ത കൂ​ടു​ത​ലാ​ണ്. ഈ ​റൗ​ണ്ടി​ൽ ആ​ദ്യ ര​ണ്ടു സ്ഥാ​ന​ങ്ങ​ളി​ലെ​ത്തി​യാ​ൽ ക​ലാ​ശ​പ്പോ​രി​ലും ഇ​ന്ത്യ-​പാ​ക് പോ​ര് കാ​ണാം.