പിച്ചിനെ കുറിച്ച്​ തുടരേ ചോദ്യങ്ങൾ; ഇംഗ്ലീഷ്​ റിപ്പോർട്ടർക്ക്​ ചുട്ട മറുപടി നൽകി അശ്വിൻ

ഇംഗ്ലണ്ടിനെതിരായ പിങ്ക്​ ബാൾ ടെസ്റ്റിലെ അദ്​ഭുത വിജയത്തിന്​ ശേഷം മൊ​േട്ടരയിലെ മൈതാനം ലോകക്രിക്കറ്റിൽ തന്നെ ചർച്ചയായി മാറിയിരിക്കുകയാണ്​. സ്​പിൻ ബൗളിങ്ങിനെ തുണച്ച പിച്ച്​ സ്​പിൻ ബൗളർമാർക്ക്​ വാരിക്കോരി വിക്കറ്റുകളും സമ്മാനിച്ചിരുന്നു. ടെസ്​റ്റിൽ മികച്ച പ്രകടനം പുറത്തെടുത്ത രവിചന്ദ്ര അശ്വിനും ഒരു വെർച്വൽ വാർത്താ സമ്മേളനത്തിൽ പിച്ചുമായി ബന്ധപ്പെട്ട നിരവധി ചോദ്യങ്ങൾ നേരിടേണ്ടി വന്നു. അതിൽ തന്നെ ഒരു ബ്രിട്ടീഷ്​ റിപ്പോർട്ടറുടെ ​ചോദ്യത്തിൽ താരം പ്രകോപിതനാവുകയും ചെയ്​തു.

പിങ്ക്​ ബോൾ മാച്ചിന്​ വേണ്ടി നരേന്ദ്ര മോദി സ്​റ്റേഡിയത്തിൽ ഉപയോഗിച്ച പിച്ച്​ ടെസ്റ്റ്​ ക്രിക്കറ്റിന്​ അനുയോജ്യമാണോ എന്ന ചിന്തിച്ചിട്ടുണ്ടോ...? എന്നായിരുന്നു റിപ്പോർട്ടർ അശ്വിനോട്​ ചോദിച്ചത്​. അതിന്​ ഉടൻ തന്നെ താരം മറുപടി നൽകി. ''എനിക്ക്​ അങ്ങോ​െട്ടാരു ചോദ്യമുണ്ട്''​. എന്താണ്​ ഒരു നല്ല ക്രിക്കറ്റ്​ സർഫേസ്​.... ആരാണ്​ അത്​ നിർവചിക്കുന്നത്​​...? എന്നാൽ, ഞാനാണ്​ ചോദ്യം ചോദിക്കുന്ന ആളെന്നും ബാറ്റും ബോളും തമ്മിലുള്ള നല്ല മത്സരമല്ലേ.. എന്നുമാണ്​ മാധ്യമ പ്രവർത്തകൻ മറുപടി നൽകിയത്​.

പിച്ചുമായി ബന്ധപ്പെട്ട്​ ആരാണ്​ നിയമങ്ങളുണ്ടാക്കുന്നതെന്ന്​ അശ്വിൻ ചോദിച്ചു. ''ആദ്യ ദിവസം സീം ചെയ്യുക, തുടർന്ന് നന്നായി ബാറ്റ് ചെയ്യുക, തുടർന്ന് അവസാന രണ്ട് ദിവസങ്ങളിൽ സ്പിൻ ചെയ്യുക? കമോാൺ! ആരാണ് ഈ നിയമങ്ങളെല്ലാം നിർമ്മിക്കുന്നത്, നാം അതെല്ലാം മറികടന്ന് മുന്നോട്ട്​ പോവുക തന്നെ വേണം. നിങ്ങൾ വരയ്ക്കാൻ ആഗ്രഹിക്കുന്ന ചിത്രത്തെക്കുറിച്ച്​ സംസാരിക്കാതിരിക്കൂ..,'' താരം തുറന്നടിച്ചു. അഹമ്മദാബാദ് പിച്ചിനെക്കുറിച്ച്​ ദിവസങ്ങളായി തുടരുന്ന ചർച്ചകളിലുള്ള നീരസം അശ്വി​െൻറ മറുപടികളിൽ വ്യക്​തമായിരുന്നു.

'അതൊരു മികച്ച ടെസ്റ്റ്​ പിച്ചാണോ എന്നാണ്​ നിങ്ങൾ ചോദിക്കുന്നതെങ്കിൽ, ഇംഗ്ലണ്ടിൽ നിന്ന്​ വന്ന കളിക്കാരിൽ ആർക്കും പിച്ചുമായി ബന്ധപ്പെട്ട്​ യാതൊരു പരാതിയുമില്ല. അവർ കൂടുതൽ മെച്ചപ്പെടുത്താൻ ആഗ്രഹിക്കുകയാണ്​. ഞങ്ങളുമായി മികച്ചൊരു മത്സരം പ്രതീക്ഷിക്കുന്നവരെ പോലെയാണ് അവരെ​ എനിക്ക്​ തോന്നിയത്​.' താരം കൂട്ടിച്ചേർത്തു. അശ്വിൻ റിപ്പോർട്ടർക്ക്​ പ്രകോപിതനായി മറുപടി നൽകുന്ന വിഡിയോ പങ്കുവെച്ച മുൻ ഇന്ത്യൻ താരം വസീം ജാഫർ, 'അശ്വിൻ മൈതാനത്തിനകത്തും പുറത്തും ഇംഗ്ലീഷ്​ വിക്കറ്റുകൾ വീഴ്​ത്തുന്നു'-എന്ന്​ അടിക്കുറിപ്പായി എഴുതി.

Ashwin pulls no punches! "What is a good cricket surface and who defines it?," @ashwinravi99 to an English journalist #INDvEND #AhmedabadTest #Pitch pic.twitter.com/pt4cxJZc6A

— Santhosh Kumar (@giffy6ty) February 27, 2021

പിങ്ക്​ ബോൾ ടെസ്റ്റിൽ അശ്വിനും അക്​സർ പ​േട്ടലും നടത്തിയ സ്​പിൻ ആക്രമണത്തിൽ ഇംഗ്ലീഷ്​ ബാറ്റ്​സ്​മാൻമാർ ഒന്നും ചെയ്യാനാകാതെ നട്ടം തിരിയുകയായിരുന്നു. ആദ്യം ഇന്നിങ്​സിൽ അവരെ 112 റൺസിനും രണ്ടാം ഇന്നിങ്​സിൽ 81 റൺസിനുമാണ്​ കൂടാരം കയറ്റിയത്​. ഇരുവരും ചേർന്ന്​ രണ്ട്​ ഇന്നിങ്​സുകളിലുമായി 18 വിക്കറ്റുകളാണ്​ വീഴ്​ത്തിയത്​. അതേസമയം, ടെസ്റ്റിൽ ഇന്ത്യൻ നിര ആദ്യ ഇന്നിങ്​സിൽ 145 റൺസിന്​ വീണിരുന്നു. ഇംഗ്ലീഷ്​ നായകൻ ജോ റൂട്ട്​ അഞ്ച്​ വിക്കറ്റുകളാണ്​ വീഴ്​ത്തിയത്​.

.@ashwinravi99 taking English wickets both on and off the field😆 #INDvsENG https://t.co/BAXhZ1Wxyg

— Wasim Jaffer (@WasimJaffer14) February 27, 2021